CHƆN 9:39 - Yataa 'a Dɔbɛnɛ Nama

³⁹ Mbɛ Chisɔsi ɔ, “N na‑a dunya chɛ ɔ, n ni mɔɛ n 'na ko yama n na bɔ ya a ma. Min mbe a ma, mɔɛ miin fiondenɛ ɛ, an ya ni kaina yen. Miin sin, an ya ɛ kaina yen, an ni ma fion tɔɛ n na.”

CHƆN 9:39 ပူးပေါင်းရင်းမြစ်များ

MATIU 11:5

Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.

MATIU 15:14

Wo faa ma gbaa Fayisii mɔɛ chɛ n ko a. An maen fan mu yɔ ya te tɔɛ nu, miin toen mu an ni chia yian an bɔ ya te tɔɛ n na. Ni ya te tɔɛ‑a chia yian ya te tɔɛ a, an fea gbɛɛ ɛ bea wan sonɛ ɔ chia kuu a.”

MATIU 6:23

Chɛɛ ni a ya a pimbienɛ ma‑a, a gboo gbɛɛ ɛ ma pimbi an dɔ. Chɛ an‑na a fɔ, ni fenɛ min sin mu dambo a i gboo gbɛɛ ko a, ɛ pimbi ɔ, e pimbi min dɔ, a da a koo kaka.”

DUKU 1:79

Mɔɛ miin mbe saya pimbi pimbi ɔ, ɛ an bɔ‑a wan a ɔ. Ɛ manɛ be‑a wan an ma, a ta faachima fɔɛ ɔ.”

DUKU 13:30

A yen ko gbɛ, mɔɛ dɔ nu miin mbe gbaa, an mbe ma‑a wan ya ɔ sɔɛ n na, mbɛ ya ɔ sɔɛ dɔ n sin ma‑a gbaa mɔɛ n na.”

DUKU 2:34

Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

DUKU 7:21

A tima dɔndɔ gbe chɛ a, Chisɔsi ni wan mɔ sɛsɛ baun‑da an 'na gbandi n dɔ. A sin na‑a nyina yama n gbain fan mɔɛ dɔ n fɛ. A yɛ to, a‑a ya te tɔ sɛsɛ ya a ka wan.

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 12:46

N na‑a dunya chɛ ɔ, a ma koe a, mɔɛ n ni manɛ ma sɔn. Chɛ ɛ a ma‑a wan, mɔ ɔ mɔ min mbe a kai fa‑a n na, a ee ma‑a kaina ɔ pimbienɛ ɔ.

CHƆN 3:17

Koe min na mu to, Yataa ma a 'a Den chɛ a na ni dunya ɔ, kaa an na tɛ koe a mɔɛ n ma, a ni an tɔɔ. Chɛɛ a‑a a a na, a ni ma an kun ka mɔɛ a.

CHƆN 3:19

Yataa ɛ a 'a kaa a tɛ ka wan mɔɛ n ma. Manɛ na‑a wan dunya chɛ ɔ, min mu tea a si Yataa ma. Chɛɛ mɔɛ n toen mu ma koe a an 'na ko yama n pimbi ɔ, an mbe e na ma man chɛ ɔ. Koe min na mu, an chɛ chɛ wai nu, an ma nyin.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHƆN 8:15

Wo tana, wo e kaa a tɛ mɔɛ n bakoe ma mɔgbuya ta fɛ chia an na. Chɛɛ n tana, n mbe ee kaa a tɛ tena mɔ ɔ mɔ wako ma.

CHƆN 9:25

Mbɛ a ɔ, “A ni ma ko yama ma mɔ a, a ma ma a a, n mbe ee kun n ni a ɔ sɔn. N‑na koe min dɔ sɔn dechee, an nɛ chɛ a. N fionden fan ni tee, chɛɛ n mbe kaina yen fan gbɛ.”

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO FEAN BƆƐ KƆYINDI KO A 2:16

Mɔɛ chɛ nu, miin mbe kasaa tena, an mu fen kunyɛ yama an na, min mbe na saya a. Chɛɛ mɔɛ chɛ n tana, miin mbe bauncha ma sɔn tena, kunyɛ a diama mu, min mbe fɔɛ be. Mɔ bonda chɛ sima ee to nɔ gbɛ, min mbe kun ko bonda chɛ sima ma koe ma, a ta gbasaya a.

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

GBOO FEAN BƆƐ TƐSADONIKA KO A 2:10

Ɛ chia yama sɛsɛ ya‑a wan, a ni mɔɛ n bun. Mɔɛ chɛ nu, miin mbe na‑a kasaa‑a. An mbe kasaa‑a koe min na, an ma an boo si ni tea bai kɔɔ, a si Chisɔsi ma. A ma to ni a 'a tea a, min mbe a ma, an ni bauncha ma sɔn.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 CHƆN 2:11

Chɛɛ mɔ ɔ mɔ min tooen mu a suun ma nyɔɛ a, ɛ ka pimbi ɔ wan, ɛ tachɛ chɛ‑a pimbi ɔ, a ta chia toenɛ ɔ a boo ɔ. Koe min na mu, pimbi chɛ‑a a ma, a ee che kaina yen‑da.