CHƆN 9:29 - Yataa 'a Dɔbɛnɛ Nama

²⁹ Nn‑na a ɔ sɔn fan, mbɛ Yataa wandi gbu, an na‑a koɔ Mosisi tena. Chɛɛ mɔna chɛ tana, Chisɔsi chɛ, nn gbu ma a ka tena wɛɛ gbu an sɔn.”

CHƆN 9:29 ပူးပေါင်းရင်းမြစ်များ

MATIU 12:24

Chɛɛ Chu mɔɛ chɛ nu, miin mu Fayisii a, an‑na koe chɛ a min fan. Mbɛ an‑na a fɔ wan, an dɔ, “Nyina yama n 'na mansa chɛ, min tɔ mu Bɛɛsɛbu, an mbe ka gbasaya chɛ be tena a ma, nyina yama n gbain koe a mɔɛ n fɛ.”

MATIU 26:61

Mbɛ an dɔ, “Kamin chɛ na‑a a fɔ wan, a ɔ, ɛ kun fan a ni Yataa 'a chen chɛ te, mbɛ a‑a a sɔ tee sawa tɛ ɔ.”

DUKU 23:2

Nɔ ni, an‑na a kuu sɔ kunɛ si‑a a kun ma, an dɔ, “Kamin chɛ an mbe ben‑da nn 'na mɔɛ n sɔ‑a chia yama n ma, ɛ ta‑a a fɔ‑a an ye, a ɔ, an ma chɛnyɛ pawa chɛ Domi kun ti wa tena. Mbɛ a yɛ‑a, a‑a a wandi chee Chasi a, min mu mansa a.”

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 7:27

Chɛɛ nn‑na a ɔ sɔn fan, kamin chɛ ka‑a duu min dɔ. Chɛɛ kunka mansa chɛ, ɛ na‑a tima min na, mɔ ɔ mɔ ee a ka tena sɔn‑da.”

CHƆN 7:28

Chisɔsi to‑a kan chɛ an na, Yataa 'a kata chɛ ɔ, mbɛ a koɔ‑a gbankon, a ɔ, “Wo‑a n sɔn fan tea gbu ko a? Wo‑a n ka tena sɔn fan? N mbe ee nɛ n fandi an ko a. Chɛɛ a nyin wo ni dan a a, min‑na n sɔ. Wo ma a sɔn chɛndɛ chɛ.

CHƆN 8:14

Chisɔsi ɔ, “A ee ka. Mmɔ a ya, mbɛ n mbe siiya an bɔ tena n fandi ko a. Chɛɛ n mbe bai miin fɔ tena, tea mu. Koe min na mu, n ka‑a kaina min, n‑na nɔ sɔn fan. A sin to, n‑na n ta tena sɔn fan. Chɛɛ wo tana, wo ma an kaina chɛ n dɔndɔ wɛɛ sɔn.

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.

CHƆN 9:24

Mbɛ an kamin chɛ, min fionden ni ka a kɔma a, an‑na a chee to, a gba fean bɔɛ ko a. Mbɛ an dɔ, “Yataa ɛ i yen tena wan i sɔ gba chɛ ɔ, tea fɔ wɛɛ nn ye, a tɔɛ ko a. Nn danden fan mu a a, mbɛ kamin chɛ, mbɛ ko yama ma mɔɛ mu a a.”

CHƆN 9:30

Mbɛ kamin chɛ ɔ, “N ma kamaya koe chɛ sima ɔ yen nin bɛ. Wo ma kamin chɛ ka tena sɔn, chɛɛ a yen ko, a‑a a ma, n‑na kaina yen.

CHISƆSI 'A SƆ MƆƐ NU 22:22

Mɔɛ chɛ nu, an‑na an too ma sɔ wan Pɔɔ ma, aan a che‑a bai chɛ kaina chɛ ma. Mbɛ an‑na yee tɛ, an dɔ, “Wo mɔ bonda chɛ ka dunya ɔ ka! Koe min na mu, a ma nyin, a ni ma fɔɛ chɛ ɔ!”

CHISƆSI 'A SƆ MƆƐ NU 26:22

Chɛɛ a ka a tee chɛ ma, a sɔ bi ma, Yataa basan‑da wan n ma. A sin, n mbe bi nɛ sɔ ɔ, bai ɔ yian koe a wo gbɛɛ a, a ni ma mɔ chenama n na, chɛ ma, an ni ma chɛ n bɛɛ a, baa ee miin ma. N mbe ka min fɔ tena wo ye, Yataa 'a gbonka chɛ mɔɛ n bɛɛ, an‑na an ko dɔndɔ gbe chɛ an fɔ wo ye. Mosisi wɛɛ, a‑a an fɔ,

CHISƆSI 'A SƆ MƆƐ NU 7:35

“Mosisi chɛ ni, Isɔɛɛ mɔɛ n ban‑da min dɔ. An‑na a ɔ tisa wan, an dɔ te, ‘Nyɔn‑na i ma mansa a, kaa a tɛ koe a nn tɛ ɔ?’ A sin fan mu mɔɛ a, Yataa‑a min na na, ma koe a ya ɔ sɔɛ a, Isɔɛɛ mɔɛ n kun ka koe a. Yataa‑a chɛ sin ma maeka chɛ an 'na gbasaya ɔ, min na‑a bɔ a ya a yɔ ta manɛ, kɔn den chɛ ɔ.

GBOO IBU MƆƐ N KO A 1:1

Suun, tima sɛsɛ ko a, Yataa na‑a koɔ wan mmɔ bemba n ta bemba n tena, chia sɛsɛ a. A sin, a ni chɛ ma, a 'a gbonka chɛ mɔɛ sɛsɛ n fan dɔ.

GBOO IBU MƆƐ N KO A 1:2

Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.