CHƆN 9:22 - Yataa 'a Dɔbɛnɛ Nama

²² A woo mɔɛ chɛ n na‑a chɛ fɔ, ya ɔ sɔɛ chɛ n ma chianɛ an dɔ. Koe min na mu, a ɔ bɛnden fan ni, mbɛ mɔ ɔ mɔ min mbe a fɔ‑a den, mbɛ Chisɔsi an mu kunka mansa a, a ma nyin a ko a. A mɔɛ chɛ ka‑a mɔɛ tɔɛ n ma fɛsɛ fɛsɛ, na koe a an fan Chu n 'na samun chɛ chenɛ a.

CHƆN 9:22 ပူးပေါင်းရင်းမြစ်များ

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHƆN 19:38

Koe chɛ n gbɛɛ maenɛ gbakɔ, Chosɛfi, min ka‑a Ayimatia duu ɔ, a‑a Kɔfana Padeti ɔ tisa wan Chisɔsi su ko a. Chosɛfi chɛ ni Chisɔsi fɛ denɛ an na, chɛɛ nun dɔ ni. A nii ma bɔ ni ya a ma, a mu min na, a chianden ni Chu gbakoo n fan ma. Kɔfana Padeti dɔn‑da kɛn su chɛ be koe a, a ni tɔn, mbɛ Chosɛfi‑a su chɛ a yii, a ta‑a a a.

CHƆN 20:19

A Tɛnɛ kan kɔ dɔɛ chɛ ma, tee bea ma ni gbɛ nyɔ dɛɛ. A sin, Chisɔsi fɛ den chɛ n na‑a an nyɔn na kan fan chenɛ a, mbɛ an‑na a da a tɔn, an chiandenɛ ɛ Chu n ya ɔ sɔɛ n ma. Mbɛ Chisɔsi bɔ‑a a a, a sɔ‑a an tɛtɛ ma. Mbɛ a ɔ, “Yataa ni faachima be wo ma.”

CHƆN 7:13

Chɛɛ mɔ ɔ mɔ nii a kuiɛ ma sɛ, an ni ma bai sa‑a a si Chisɔsi ma. Koe min na mu, an chianden fan ni ya ɔ sɔɛ chɛ n ma.

CHƆN 9:18

Chɛɛ chɛ gbɛɛ ɔ, Chu mɔɛ n ya ɔ sɔɛ chɛ nu, an nii ma to ni, an ni dan a a, mbɛ kamin chɛ fionden fan ni tee, chɛɛ a ya a ka‑a gbɛ sanche. Mbɛ an‑na an da a kuiɛ a ben, min mbe a ma, a woo mɔɛ n ni bɔ ya a ma.

CHƆN 9:21

Chɛɛ nn ma a ɔ sɔn, a ma‑a buɛ min dɔ sanche ɛ kaina yen. Nn sin ma a gbu ɔ sɔn to, mɔɛ min‑na a ma, a ya a ka‑a. Musu si kai mu gbɛ a a, wo a ɔ tisa, ɛ che wan a ɔ yian‑da a wandi ko a.”

CHƆN 9:34

Chɛɛ ya ɔ sɔɛ chɛ n dɔ, “I wan, i suun‑da ko yama an dɔ. E ee kun i ni nn kan fen kɔ fen na.” Mbɛ an‑na a gbain nɔ fɛsɛ fɛsɛ, an 'na samun chɛ chen chɛ a.

CHƆN 9:35

Mbɛ Chisɔsi‑a a a min kɛn, koe min ma‑a, a‑a a ya a kan kamin chɛ a, an‑na min gbain ka. A‑a a yen kɛn, a ɔ, “I danden fan mu Mɔ Gbu 'a Denɛ a?”

CHISƆSI 'A SƆ MƆƐ NU 4:18

Mbɛ an‑na Pita chee, an fea Chɔn na. Mbɛ an‑na a fɔ an ye, an dɔ, an ma bai ɔ bai sa to mɔ ɔ mɔ tena, a si Chisɔsi wakoe ma. A yɛ to, an dɔ, an ma mɔ ɔ mɔ kan to, a si Chisɔsi 'a wai n ma.

CHISƆSI 'A SƆ MƆƐ NU 5:13

Miin nii ma an kai fa ni ka Chisɔsi a, an faa nii gbɛa sa koe a an kaa a. Chɛɛ chɛ gbɛɛ ɔ, basɔmaya ni koo an boo ɔ mɔɛ chɛ n ko a, miin na‑a an kai fa ka Chisɔsi a.

CHISƆSI 'A SƆ MƆƐ NU 5:40

Mbɛ an‑na Chisɔsi 'a sɔ mɔɛ chɛ n chee, mbɛ an‑na a ma, an‑na an boan pien. Mbɛ an‑na an na si gbau gbau, an dɔ, an ma bai ɔ bai sa to mɔɛ n tena, a si Chisɔsi ma. An‑na an na si kɛn, mbɛ an‑na an boo ka.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”