CHƆN 9:16 - Yataa 'a Dɔbɛnɛ Nama

¹⁶ Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.

CHƆN 9:16 ပူးပေါင်းရင်းမြစ်များ

MATIU 12:10

A‑a a a tinsɔn fan, mbɛ mɔɛ chɛ n tɛ ɔ nɔ, kamin dɔndɔ ni wan nɔ, min boo dɔndɔɛ gbaaen ni a ma. A tima chɛ a gbɛ, Chu mɔɛ chɛ nu, miin ni Fayisii n na nɔ, an dɔ, “Nn ma a ɔ sɔn, ni mmɔ 'a sawa dɔnden fan mu, mmɔ ni mɔɛ a baun suin tee ma.” An‑na chɛ fɔ, koe min na mu, an toen ni an ni koɛ be a ma.

MATIU 12:2

Mbɛ mɔɛ chɛ nu, miin ni ka Fayisii n na, an 'na tindanɛ, an‑na a fɔ, an dɔ, “Chisɔsi,” an dɔ, “a yen bɛ, i fɛ denɛ n mbe ka wai an chɛ‑a suin tee ma. An mbe ka koe min ma‑a, a ma nyin. Mmɔ 'a sawa ma a fɔ ni ka, mbɛ mɔɛ ɛ chɛ ma wan suin tee ma.”

DUKU 13:14

Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”

CHƆN 10:19

Chisɔsi 'a bai chɛ n‑na a ma wan to, kuiɛ a fasanɛ don‑da to Chu mɔɛ chɛ n tɛ ɔ.

CHƆN 14:11

N‑na a fɔɛ min chɛ, n dɔ, nn fea Fa a, n dɔ, mɔ dɔndɔɛ mu nn na, dan chɛ a. Ni chɛ ma, Fa ɛ a ma, n mbe wai miin bɛɛ chɛ, an mbe che wan a ma‑a, wo ni dan n na.

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 5:10

Chɛ‑a a ma wan, Chu mɔɛ n ya ɔ sɔɛ nu, an‑na a fɔ kamin chɛ ye, an dɔ, “Suin tee mu bi a, a sin, mmɔ 'a sawa ma dɔn ni a ma, i ni ma ka ben ben‑da i 'a waa a.”

CHƆN 5:36

Chɛɛ siiya ɛ wan nɔ n ko a, n faen mu min na, a ben Chɔn ta siiya ma. N mbe koe miin ma, chɛ chɛ wai chɛ nu, Fa Yataa‑a n sɔ miin chɛ koe a, an fan mbe koɔ n ko a. N mbe an chɛ buɛ min dɔ, an fan mbe a ɔ yian, mbɛ Fa an‑na n sɔ.

CHƆN 6:52

Chɛ ko a, mbɛ mɔɛ chɛ n bun‑da kɔɔsa bia wa chɛ‑a an nyɔn tɛ ɔ, an dɔ, “Mɔna chɛ ɛ kun ka ma, a ni a gboo be koe fɔ mmɔ ma, a daun koe a?”

CHƆN 7:12

Mɔ fanka chɛ ni wan bai sɛsɛ sa‑a an da kɔɔ, a si Chisɔsi ma. An dɔ n dɔ, “Mɔ chɛndɛ an nɛ mɔna chɛ a.” Dɔ n sin dɔ, “A ee ka. Mɔ bun mɔɛ gbama an nɛ.”

CHƆN 7:23

Wo ee che tandin‑da suin tee wɛɛ ɔ, wo 'a denɛ n 'na kamincha koe a, wo ma na sawa chɛ yɔn, min be‑a Mosisi ma. Chɛ an‑na a fɔ, wo faa ee che tɛ‑a n ma, koe min na mu, n‑na a ma, gbandi bɔ‑a mɔna chɛ gboo gbɛɛ ɔ, suin tee ma. Fen ko a wo faa ɛ tɛ?

CHƆN 7:43

Chɛ ko a, kuiɛ a kanɛ sima wɛɛ nii mɔ fanka chɛ n tɛ ɔ, a si Chisɔsi ma.

CHƆN 9:24

Mbɛ an kamin chɛ, min fionden ni ka a kɔma a, an‑na a chee to, a gba fean bɔɛ ko a. Mbɛ an dɔ, “Yataa ɛ i yen tena wan i sɔ gba chɛ ɔ, tea fɔ wɛɛ nn ye, a tɔɛ ko a. Nn danden fan mu a a, mbɛ kamin chɛ, mbɛ ko yama ma mɔɛ mu a a.”

CHISƆSI 'A SƆ MƆƐ NU 14:4

Chɛɛ mɔɛ miin gbɛɛ ni an duu chɛ ɔ, an duen fan ni fea a. Dɔ n sɔ‑a wan Chu mɔɛ chɛ n kɔ, mbɛ dɔ n sin sɔ‑a Chisɔsi 'a sɔ mɔɛ chɛ n kɔ.