CHƆN 8:9 - Yataa 'a Dɔbɛnɛ Nama

⁹ A tima chɛ a gbɛ, mɔɛ chɛ miin gbɛɛ na‑a a da a bai chɛ a min, an bun‑da an fandi kanka‑a dɔndɔ dɔndɔɛ a. Chenanɛ n pɛn tuin‑da, mbɛ a tɔɛ n‑na a sɔ an fɛ. Chisɔsi ma gbaaenɛ to‑a nɔ, an fea an musu chɛ a sɔ ɔ tun.

CHƆN 8:9 ပူးပေါင်းရင်းမြစ်များ

DUKU 13:17

A 'a bai chɛ‑a a ma wan, mbɛ a chɛɛ ma nyɔɛ n gbɛɛ mau‑a an fandi ma. Chɛɛ mɔɛ tɔɛ n gbɛɛ‑a buɔdia bɔ wan, a si kamaya koe chɛ n gbɛɛ ma, Chisɔsi‑a miin ma.

CHƆN 8:10

Chisɔsi‑a a kɔɔ sɔ to, a‑a a tɛ ɔ sawan, mbɛ a ɔ, “Bɔɔɛ, i 'a mɔɛ n gbɛɛ ta‑a mende? An dɔndɔ wɛɛ ma bɔ ni nɔ, a ni kaa a tɛ i wakoe ma?”

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHƆN 8:2

Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

CHƆN 8:3

Chu n 'na sawa kan mɔɛ nu, an bɛ Fayisii mɔɛ dɔ n na, an don‑da wan musu dɔndɔ a. An na‑a a bia, an dɔ, a‑a waa ma basan mɔ kaima a, min ma a fuu kai a. Mbɛ an‑na a ma, a sɔ‑a den, mɔɛ gbɛɛ ya kɔɔ.

CHƆN 8:8

Mbɛ Chisɔsi‑a a ma bun to, mbɛ a bun‑da to nyɛnɛ sa‑a gbangbanɛ chɛ ɔ.

GBOO DOMI KO A 2:15

An sɔnɛ n fan mbe a ɔ yian, mbɛ sawa‑a miin fɔ, a nyɛndenɛ mu an faa an dɔ. An 'na yiinachii wɛɛ ɔ, chɛ ɔ yianden fan mu, mbɛ tea mu. Tima dɔ a, an 'na yiinachii, an mbe a fɔ an ye, mbɛ an‑na koe min ma, a ma nyin a ma koe a. Tima dɔ a, an yiima ɛ a fɔ wan an ye, mbɛ an‑na ko chɛndɛ an ma.

GBOO DOMI KO A 2:22

Wo e a fɔ wan mɔɛ n ye, wo ɔ, an ma waa ma basan mɔɛ a, an mbe ee fuu ɔ min na, chɛɛ wo wandi sin mbe a ma wan. Wo ma to ni mɔɛ n ni fenɛ n fai, miin ma Yataa a, chɛɛ wo e fenɛ n ya wan kaina chɛ nu, an mbe fen chɛ n fai kaina min.

1 CHƆN 3:20

mmɔ faa gbaaenɛ ni ma wɛɛ, mmɔ 'a ko yama n ko a. Yataa benden mu mmɔ 'a ko yama n ma, a sin‑na ko ɔ ko sɔn fan.