CHƆN 8:6 - Yataa 'a Dɔbɛnɛ Nama

⁶ An‑na chɛ fɔ, min mbe a ma, an ni Chisɔsi bia a chen kɔ, a da a bai ɔ, mbɛ an‑na kun yama si a kun ma. Chɛɛ a‑a a kunɛ a bun fan, a bun‑da nyɛnɛ sa‑a gbangbanɛ ɔ, a boo denɛ a.

CHƆN 8:6 ပူးပေါင်းရင်းမြစ်များ

MATIU 10:16

Chisɔsi‑a a fɔ a 'a sɔ mɔɛ n ye, a ɔ, “N yen ko wo a ta‑a, wo e ma‑a wan nɔ yɔ ni sa bɔ‑a kui n tɛ. Chɛ an‑na a fɔ, wo yiima a ni sɛn. A yɛ to, wo ni tea a tachɛ ko ɔ ko ɔ, wo e min ma‑a.

MATIU 15:23

Chɛɛ Chisɔsi nii ma koɔ ni musu chɛ tena ɛnden bɛɛ a. Mbɛ a fɛ denɛ n gbɛn‑da a ma, mbɛ an dɔ, “A fɔ musu chɛ ye, a ni ka mmɔ fɛ a 'a yee wa tɛ chɛ a.”

MATIU 16:1

Tima ɛnden gbakɔ, Chu mɔɛ nu, miin ni Fayisii n na, an bɛ chɛ n na, miin ni Sadusii n na, an na‑a wan Chisɔsi tena. An toen ni an ni a bia a chen kɔ. Chɛ‑a a ma wan, an‑na a ɔ tisa, an dɔ, a ni kamaya koe ma an ye, min mbe a ɔ yian, mbɛ a 'a gbasaya kaen ni Yataa an tena.

MATIU 19:3

Chu mɔɛ chɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a, yɔ a toen mu a a buɛ min dɔ.”

MATIU 22:18

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, a ɔ, “Wo wan, nɛnɛn fea ti mu wo a. Fen mu wo toen mu wo ni n dɔ chɛ?

MATIU 22:35

An tɛ ɔ, Chu n 'na sawa kan mɔ dɔndɔ ni wan nɔ. An sawa kan mɔɛ chɛ‑a kan gbɛn tisa chɛ wan Chisɔsi a, min mbe a ma, a ni a bia a chen kɔ.

MATIU 26:63

Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”

MAKI 10:2

A sin, Chu mɔɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a.”

MAKI 12:15

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn dɔndɔ a, n mbe a ma fɛn.”

MAKI 3:2

Mɔɛ dɔ n ni wan nɔ, miin toen ni an ni Chisɔsi bia a chen kɔ. An ni wan gbɛ a ma fɛn‑da, a ɔ yen koe a, ni ɛ kamin chɛ a baun‑da wan, suin tee wɛɛ ma.

MAKI 8:11

Tima ɛnden gbakɔ, Chu mɔɛ nu, miin ni Fayisii n na, an na‑a wan Chisɔsi tena, an bun‑da a kaa ɔ gbaa‑a. An toen ni, an ni a bia a chen kɔ. Chɛ‑a a ma wan, an‑na a ɔ tisa, an dɔ, a ni kamaya koe ma an ye, min mbe a ɔ yian, mbɛ a 'a gbasaya kaen ni Yataa an tena.

DUKU 10:25

Mbɛ Chu n 'na sawa kan mɔ dɔndɔ yen ko, a toen ni a ni Chisɔsi ɔ siman. A‑a a kɔɔ sɔ, a sɔ‑a, a ɔ, “Ticha, n mbe fen ma, min mbe a ma, n ni kuɔ fɔ fɔɛ ma sɔn?”

DUKU 11:16

Mɔɛ dɔ n sin toen ni an ni Chisɔsi bia a chen kɔ, min‑na a ma, an‑na a ɔ tisa, an dɔ, a ni kamaya koe ma, min mbe a ɔ yian, mbɛ Yataa an‑na gbasaya chɛ be a ma tea tea a.

CHƆN 8:2

Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

GBOO SAA KƆYINDI KO A 10:9

Mmɔ ma Chasi yiima yan, a ɔ yen koe a, ni ko yama yuu mu mmɔ ɛ miin ma, mbɛ a‑a mmɔ tɔɔya. An dɔ n‑na a yiima yan ka wan, mbɛ ka n‑na an chin, an fa‑a.