CHƆN 8:55 - Yataa 'a Dɔbɛnɛ Nama

⁵⁵ Wo ma a sɔn bɛɛ boo ɔ boo, chɛɛ n tana, n‑na a sɔn fan. Ni n‑na a fɔ, n dɔ, n ma a sɔn, n mbe ma‑a ka fania an fɔ‑a, yɔ wo e fania fɔ tena buɛ min dɔ, a sɔn koe a. Chɛɛ n gbu sin‑na a sɔn fan, a sin, n mbe wan a da a kuiɛ ma.

CHƆN 8:55 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

DUKU 10:22

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma, ko ɔ ko kun ma. Fa dɔndɔ gbe an‑na a ɔ sɔn chɛndɛ chɛ, mɔɛ min mu n na. N bɛɛ n dɔndɔ gbe an‑na a ɔ sɔn chɛndɛ chɛ, mɔɛ min mu Fa a. N‑na mɔɛ miin ya Fa sɔn koe a, an bɛɛ‑a a ɔ sɔn‑da wan chɛndɛ chɛ, mɔɛ min mu Fa a.”

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 10:15

Ɛ ka wan dechee, yɔ Fa‑a n sɔn buɛ min dɔ chɛndɛ chɛ, n bɛɛ, n‑na a sɔn ka wan. A sin, n ma bɛnden fan mu, n fandi be koe a, n 'na sa n na tɔnɔnɛ ko a.

CHƆN 15:10

Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

CHƆN 15:21

Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.

CHƆN 16:3

Mɔɛ n mbe koe chɛ n ma‑a wan wo a, koe min na mu, an ma Fa Yataa sɔn tee dɔndɔ wɛɛ, chɛ ma, n fandi gbu wɛɛ.

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHƆN 6:46

Chɛ ma a ɔ yian ni, mbɛ mɔ ɔ mɔ ɛ wan nɔ, min‑na Fa Yataa yen bɛ, mɔɔ dechee mɔɛ chɛ, min ka‑a a tena, a dechee, an‑na a yen bɛ.

CHƆN 8:19

Mbɛ an dɔ, “I fa chɛ gbu ɛ mende?” Mbɛ Chisɔsi ɔ, “Wo ma n sɔn buɛ min dɔ, wo ma Fa wɛɛ sɔn ka wan. Ni wo na‑a n sɔn fan, wo ni Fa wɛɛ sɔn‑da wan.”

CHƆN 8:29

A sin, a wɛn‑na n sɔ, nn fea an mbe nn kun puin kaina dɔndɔɛ, a ee n dɔndɔ gbe boo ka tee dɔndɔ wɛɛ. Koe min na mu, a faa chima koe nu, n mbe an fan ma tima ɔ tima.”

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHƆN 8:51

N mbe chɛ ma din tena wo tena, mbɛ mɔ ɔ mɔ min mbe ma‑a a da a kuiɛ ma, a mɔɛ chɛ ee fa‑a.”

CHƆN 8:52

Mbɛ Chu mɔɛ chɛ n dɔ, “Nn‑na a ɔ sɔn gbɛ tea a, mbɛ nyina yama an mbe i fɛ. Ebeami wɛɛ gbu fa‑a wan, mbɛ Yataa 'a gbonka chɛ mɔɛ n bɛɛ fa‑a. Chɛɛ i tana, i ɔ, mɔ ɔ mɔ‑a a boo si kan chɛ kɔɔ, e min chɛ tena, a ee fa‑a kuɔ fɔ ko a.

CHISƆSI 'A SƆ MƆƐ NU 17:23

Koe min na mu, n mbe ma ben ben‑da wo 'a duu chɛ ɔ, n mbe fenɛ n yen fan, wo e miin fai. A yɛ to, n‑na gbengbe yen fan, yasi bɔ koe a, a nyɛndenɛ ɛ min ma, a ɔ, ‘Yataa tena, nn ma min sɔn.’ An Yataa chɛ, wo e min fai ka, chɛɛ wo sin ma a sɔn, n mbe ka gbɛ an bakoe ɔ yian tena wo a.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

1 CHƆN 1:6

Ni mmɔ‑a a fɔ, mbɛ mmɔ bɛ an mbe gbɛ a a kuiɛ dɔndɔɛ ɔ, chɛɛ mmɔ ɛ a a tun‑da tachɛ koe a pimbi ɔ, mmɔ ɛ ma‑a ka fania an fɔ‑a. Mmɔ sin mbe ee ma‑a ka tea koe ɔ.

1 CHƆN 2:22

Fania fɔ mɔɛ, a mu mɔɛ chɛ an na, min mbe kɔɔ sa bia chɛ, mbɛ Chisɔsi an ma Chasi a, kunka mansa. An mɔ bonda chɛ an mu Chasi chɛɛ ma nyɔɛ a, mɔɛ min mbe ban Fa Yataa ɔ, an fea a 'a denɛ a.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.

KO Ɔ NUNDENƐ 3:9

Mɔɛ chɛ nu, miin‑na an fandi ya Chu mɔɛ n na, chɛɛ fania mu, Sitana 'a mɔɛ chɛ nu, a yen ko, n mbe a ma‑a wan an ni na, an ni an bun wo chen kɔɔ. An gbɛɛ, an ni a ɔ sɔn, mbɛ n toen fan mu wo a.