CHƆN 8:44 - Yataa 'a Dɔbɛnɛ Nama

⁴⁴ Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHƆN 8:44 ပူးပေါင်းရင်းမြစ်များ

MATIU 12:34

Wo yauaen ba chɛ nu yɔ ka. Bai chɛndɛ kan kɔ kan mbe ee che bɔ‑a wo da ɔ. A mu min na, mɔ gbu ɛ bai min sa, ɛ ka a faa ɔ wan.

MATIU 13:15

A ɔ, koe min na mu, mɔɛ mu wo a, wo ma ma bɛn ni ko ɔ ko ɔ yen koe a. A ɔ, wo ma ma bɛn ni a ɔ gbɛ koe wɛɛ a, a sin wo too ɔ gbɛ kaka. A ɔ, ni chɛ ma, wo ni koe n dɔ yen‑da wan, wo ni koe n dɔ gbɛ, wo sin too ɔ nii gbɛ‑a ka. A ɔ, chɛ ni a ma‑a wan, wo ni wo ya a mun a ma, mbɛ a sin, a ni wo baun‑da wan.’ ”

MATIU 13:38

Sɛnɛ chɛ mu dunya chɛ an na. Chin fen suu chɛndɛ chɛ mu mɔɛ n fan na, miin mbe Yataa 'a mansaya kɔɔ. Bin chɛ n mu mɔɛ chɛ n fan na, miin mbe an nyina yama Sitana fɛ.

CHƆN 6:70

Chisɔsi ɔ, “N fan‑na n boo sɔ wo mɔ tan kun ma fea n chɛ n ma, ma koe a n fɛ, a ee ka wan? Chɛɛ Sitana faa an mbe wo dɔndɔ bu ɔ.”

CHƆN 7:17

Mɔ ɔ mɔ min ma bɛnden mu, Yataa faa ma koe ma koe a, an mbe a ɔ sɔn, n mbe kanɛ min chɛ tena. A mɔɛ chɛ, an mbe a ɔ sɔn, ni n mbe Yataa da a bai an na ben tena. Chɛ ma, an mbe a ɔ sɔn, ni n mbe a chɛ tena n fandi kun ma an na.

CHƆN 8:38

Fa na‑a koe miin yian n na, n mbe koɔ tena a si an fan ma. Wo sin, wo fa na‑a koe miin fɔ wo ye, wo e an fan ma ka.”

CHƆN 8:41

Chɛɛ wo sɔnɛ n mbe wan dechee, yɔ wo fa ta ni buɛ min dɔ.” Mbɛ an dɔ, “I ma chɛ fɔ nn ye. Nn tana, nn fa ɛ dɔndɔ gbe, a sin fan nɛ Yataa a. A 'a denɛ chɛndɛ chɛndɛ mu nn na.”

CHƆN 8:55

Wo ma a sɔn bɛɛ boo ɔ boo, chɛɛ n tana, n‑na a sɔn fan. Ni n‑na a fɔ, n dɔ, n ma a sɔn, n mbe ma‑a ka fania an fɔ‑a, yɔ wo e fania fɔ tena buɛ min dɔ, a sɔn koe a. Chɛɛ n gbu sin‑na a sɔn fan, a sin, n mbe wan a da a kuiɛ ma.

CHISƆSI 'A SƆ MƆƐ NU 13:10

mbɛ a ɔ, “I wan, Sitana 'a denɛ. Ko chɛndɛ kan kɔ kan chɛɛ ma nyɔɛ mu i a. Chɛwɛɛ yama yama gbɛɛ ɛ i ɔ, mɔɛ n bun koe a. A sin, e butuin chɛ tena wan tima ɔ tima, i ni Mansa Yataa 'a tea mun fania a.

CHISƆSI 'A SƆ MƆƐ NU 24:9

Chu mɔɛ chɛ n bɛɛ‑a toa si wan a da a bai dɔndɔ gbe chɛ kɔɔ, an dɔ, a gbɛɛ ɛ ka wan.

CHISƆSI 'A SƆ MƆƐ NU 5:3

Mbɛ Pita‑a a fɔ a ye, a ɔ, “Ananiyasi, fen‑na a ma i dɔn‑da Sitana kun‑da i yii ma, fania fɔ koe a Yataa Nyina ye? I 'a duu gboo sɔnkɔɛ gbɛɛ ma chɛ a, i‑a dɔ nun.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

2 PITA 2:4

Mmɔ‑a a ɔ sɔn fan, mbɛ Yataa nii ma maeka chɛ n boo ka ni, miin na‑a ko yama ma. Chɛɛ a na‑a an na dɛ wan ta ɔ. An chiienɛ ɛ wan nɔ yɔɔɛ a, kaina ɔ pimbienɛ ɔ, an mbe an gbɛmbo tee ma kɔnɛ a.

1 CHƆN 1:8

Chɛɛ ni mmɔ‑a a fɔ, mbɛ mmɔ ma ko yama ma ni, mmɔ‑a fania fɔ mmɔ wandi ma, a sin, tea ee mmɔ ɔ.

1 CHƆN 2:21

N mbe gboo chɛ nyɛnɛ min chɛ tena wo tena, n mbe ee a fɔ tena wan ka, mbɛ wo ma tea sɔn. Koe min na mu, wo‑a a sɔn fan. A sin to, wo‑a a ɔ sɔn fan to, mbɛ fania kan kɔ kan mbe ee che a ma‑a, wo ni ka tea chia chɛ ma.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

1 CHƆN 3:12

Mmɔ ma ma yɔ mɔna chɛ, Ken, Sitana 'a mɔɛ, min‑na a dɔ kaima fa. A‑a chɛ ma koe min na, a na‑a a ɔ yen fan, mbɛ a ta chɛ chɛ wai nii ma nyin, chɛɛ a dɔɛ tanden fan ni Yataa tena.

1 CHƆN 3:15

Mɔ ɔ mɔ min mbe too‑a a suun ma nyɔɛ a, mɔ fa mɔɛ mu a a. A sin, wo‑a a ɔ sɔn fan, mbɛ mɔ fa mɔ kan kɔ kan, a ee kuɔ fɔ fɔɛ ma sɔn.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.

KO Ɔ NUNDENƐ 9:11

Mansa ni wan an kun ma, min ni maeka chɛ a, min ni son chɛ kun ma, sonɛ min danka ee ka. An mbe an maeka chɛ chee Ibu koɛ ɔ, an dɔ, Abadon. Kiisi mɔɛ n sin, an dɔ, Apɔdiyon, yɔ mɔɛ ɛ a fɔ, a ɔ, Fen yɔn fenɛ.