CHƆN 8:37 - Yataa 'a Dɔbɛnɛ Nama

³⁷ N‑na a ɔ sɔn fan, mbɛ Ebeami cheeya mu wo a. Chɛɛ chɛ gbɛɛ ɔ, wo toen mu wo ni n fa. Koe min na mu, n mbe wo kan tena bai miin na, wo ma to ni, wo ni wo boo si an kɔɔ.

CHƆN 8:37 ပူးပေါင်းရင်းမြစ်များ

MATIU 13:15

A ɔ, koe min na mu, mɔɛ mu wo a, wo ma ma bɛn ni ko ɔ ko ɔ yen koe a. A ɔ, wo ma ma bɛn ni a ɔ gbɛ koe wɛɛ a, a sin wo too ɔ gbɛ kaka. A ɔ, ni chɛ ma, wo ni koe n dɔ yen‑da wan, wo ni koe n dɔ gbɛ, wo sin too ɔ nii gbɛ‑a ka. A ɔ, chɛ ni a ma‑a wan, wo ni wo ya a mun a ma, mbɛ a sin, a ni wo baun‑da wan.’ ”

MATIU 3:9

Wo ma wo yii na chii kafai be koe a, mbɛ Ebeami cheeya mu wo a. A ni ma wo yii ma, mbɛ Yataa ɛ kun fan a ni sen chɛ n ya, a ni Ebeami cheeya n nyan an dɔ.

CHƆN 10:31

Mbɛ Chu mɔɛ chɛ nu, an‑na senɛ ya to, a bon koe a fasa.

CHƆN 11:53

A ka a tee chɛ ma, aan a ta gbɛ, Chu n ya ɔ sɔɛ chɛ dɔ nu, an ni wan gbɛ dɔbɛnɛ ɔ, Chisɔsi fa koe a.

CHƆN 5:44

Wo bu ɔ dia‑a wan, wo e ma wo nyɔn bai‑a. Chɛɛ wo ee koe n ma, an ma buɛ n na, min mbe a ma, a wɛn mu dechee Yataa a, a ni wo bai. Mbɛ wo e che ka ma, wo ni dan n na?

CHƆN 7:1

Chɛ gbakɔ, mbɛ Chisɔsi ben ben‑da Kadidi chɛnyɛ ɔ. A nii ma to ni, a ni gbɛn Chudia chɛnyɛ ɔ ma ɛnden bɛɛ a. A mu min na, Chu n ya ɔ sɔɛ nu nɔ, an ma bɛnden fan ni a fa koe a.

CHƆN 7:19

Wo gbɛɛ dɔnden fan mu a ma, mbɛ Mosisi an‑na sawa chɛ n be wo ma. Chɛɛ wo dɔndɔ wɛɛ ee tachɛ tena sawa chɛ n na chɛndɛ. Fen ko a mu, wo toen mu wo ni n fa?”

CHƆN 7:25

Mbɛ an mɔɛ chɛ dɔ nu, Chuusaɛn duu ɔ mɔɛ chɛ nu, an bun‑da wan a fɔ‑a, an dɔ, “Mɔna chɛ chɛndɛ chɛndɛ an nɛ, mmɔ ya ɔ sɔɛ chɛ n mbe min yan tena, a fa koe a.

CHƆN 8:33

Chɛɛ an dɔ, “Nn tana, Ebeami dambi ɔ mɔɛ mu nn na. A sin, kɛn gba, nn ma don nin bɛ mɔ 'a yɔncha kɔɔ. E a fɔ‑a sanche, i ɔ, nn mbe bɔ‑a wan yɔncha ɔ. Fen mbe i yii ma?”

CHƆN 8:43

N‑na a ɔ sɔn fan, koe min‑na a ma, wo ee n da a bai n dɔ gbɛ. Ko dɔ gbɛɛ ma, wo ma to ni, wo ni wo too ma sɔ n da a bai n ma.

CHƆN 8:56

Wo bɔ kɔnkɔɛ, Ebeami, a bu ɔ ni di wan, a ni tima min na tee chɛ ma kɔn‑da, n na koe a. A na‑a n yen fan, a sin, a bu ɔ dia‑a wan.”

CHƆN 8:59

Chɛ ko a, mbɛ an‑na senɛ n ya, a bondan koe a Chisɔsi a, an ni a fa. Chɛɛ a bɔ‑a wan an tɛ ɔ, Yataa 'a kata chɛ ɔ, kai wɛɛ, a a ma tɛ ni a ma.

CHƆN 8:6

An‑na chɛ fɔ, min mbe a ma, an ni Chisɔsi bia a chen kɔ, a da a bai ɔ, mbɛ an‑na kun yama si a kun ma. Chɛɛ a‑a a kunɛ a bun fan, a bun‑da nyɛnɛ sa‑a gbangbanɛ ɔ, a boo denɛ a.

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

GBOO DOMI KO A 9:7

A ka chɛ gbu ma, a ma ma ni to, mbɛ Ebeami cheeya n gbɛɛ, an mu Yataa 'a denɛ n chɛndɛ chɛndɛ an fan na. Yataa na‑a a fɔ wan Ebeami ye, a ɔ, “I 'a denɛ Aisaki cheeya nu dechee, an fan mbe ya‑a i cheeya chɛndɛ chɛndɛ n na.”

GBOO SAA KƆYINDI KO A 2:14

Chɛɛ mɔɛ nu, Yataa Nyina ee miin fɛ, an mbe ee dɔn, an ni an boo si fen chɛ n kɔɔ, Yataa Nyina ɛ miin be. Koe min na mu, an mbe an ya wooya fenɛ n fan na. An mbe ee che an dɔ gbɛ‑a. Koe min na mu, Yataa Nyina dechee, an mbe a ma, mɔɛ n ni koe n dɔ gbɛ miin ka‑a Yataa tena.

1 CHƆN 2:14

N 'na denɛ nu, n mbe gboo chɛ nyɛn tena wo tena, koe min na mu, wo‑a Fa Yataa sɔn. Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, faa ɛ wo ɔ Yataa ko a. A sin, Yataa 'a bai ee ka wo yii ma. A yɛ to, wo‑a Sitana a bea.