CHƆN 8:34 - Yataa 'a Dɔbɛnɛ Nama

³⁴ Chisɔsi ɔ, “Ka n mbe chɛ ma din wo tena, mbɛ mɔ ɔ mɔ min mbe ko yama ma, yɔnɛ mu a mɔɛ chɛ a, a 'a ko yama n boo ɔ.

CHƆN 8:34 ပူးပေါင်းရင်းမြစ်များ

MATIU 5:18

Koe min na mu, n ni a ma din wo tena, mbɛ tima min na dunya chɛ gbɛɛ ɛ wɛ nɔ, sawa chɛ ɛnden bɛɛ ee ka a a, aan bai miin fɔ‑a a ɔ, an ni bɔ a a.

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHISƆSI 'A SƆ MƆƐ NU 8:23

Koe min na mu, n‑na a ɔ sɔn fan, mbɛ faa yama an mbe i ɔ, a yɛ to, i ma‑a yɔnɛ a, ko yama boo a.”

GBOO DOMI KO A 6:12

Wo ma dɔn to, ko yama ni gbasaya sɔn wo kun ma wo 'a mɔgbuya ɔ, min mbe danka dunya ma. Mɔgbuya chɛ ɔ, wo ma bea wo faa ma koe yama n fɛ.

GBOO DOMI KO A 6:16

Mmɔ‑a a ɔ sɔn fan, mbɛ ni mmɔ‑a mmɔ wandi gbɛɛ be fen kɔ fen ma, mmɔ ma‑a a fen chɛ 'a yɔnɛ a. Ni mmɔ ma‑a ko yama 'a yɔnɛ a, a gbaa chia a mu saya an na. Chɛɛ ni mmɔ‑a kooya be Yataa ma, ɛ mmɔ ya‑a wan mɔ tandenɛ n na.

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

GBOO DOMI KO A 7:14

Mmɔ gbu‑a a ɔ sɔn fan, mbɛ sawa sien mu Yataa an ma. Chɛɛ n tana, mɔ gbu gbama gbama mu n na, min mbe fa. N ma‑a gbɛ yɔ ko yama 'a yɔnɛ, n kooenɛ ɛ a ye.

GBOO DOMI KO A 7:25

Yataa ɛn wai! A‑a a ma, mmɔ 'a mansa Chisɔsi Chasi‑a n kun bɔ a ɔ. Chɛ an fɛ mu, n ma buɛ ɛ gbɛ ka wan. N mbe bea tena wan Yataa 'a sawa n fɛ n yiima gbɛɛ a. Chɛɛ yɔnɛ mu n na, ko yama 'a gbasaya kɔɔ, mɔgbuya ɔ min ma nyin.

GBOO DOMI KO A 8:21

A wan Yataa na‑a a ɔ sɔn, mbɛ tee dɔndɔ ɛ che‑a wan, a‑a fenɛ miin nyan ka, a ni an kun ka, an ma na tui to. A sin, an tee chɛ ma, Yataa 'a den chɛ n mbe ma‑a wan buɔdia ɔ, kamaya kun ka chɛ boo ɔ.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

2 PITA 2:19

An mbe mɔɛ n too ɔ dia, mbɛ an mbe yuu tɛ‑a wan an ma. Chɛɛ an fandi gbu mu yɔnɛ an na, sɔn yama n boo ɔ, min mbe an kasaa tena. Koe min na mu, fen kɔ fen min kun‑da gbɛ mɔɛ ma, a ma‑a yɔnɛ a an fen chɛ boo ɔ.