CHƆN 8:28 - Yataa 'a Dɔbɛnɛ Nama

²⁸ Mbɛ a ɔ an ma, a ɔ, “Tima min na mu, wo e n na sɛ‑a kɔn gbengbandenɛ ma, n fan Mɔ Gbu 'a Denɛ, wo e n sɔn‑da a tima an na. Mbɛ n fan mu mɔɛ chɛ a, n fɛn mbe ka koɔ tena wo tena. Mbɛ wo‑a a ɔ sɔn to, mbɛ n mbe ee ko ɔ ko chɛ n kun ma a a. Chɛɛ Fa ɛ min fɔ n ye, a fɔ koe a, n mbe an fɔ dechee.

CHƆN 8:28 ပူးပေါင်းရင်းမြစ်များ

MATIU 24:5

Koe min na mu, mɔ sɛsɛ n mbe na‑a wan n tɔɛ ɔ. An mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

MAKI 13:6

Mɔ sɛsɛ n mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

DUKU 21:8

Mbɛ Chisɔsi ɔ, “Wo wo kun ma fɛn, an ma na wo woo. Koe min na mu, mɔ sɛsɛ mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. Mbɛ an‑na a fɔ to, an dɔ, tima gbu, an che‑a ka. Chɛɛ wo ma bea an fɛ.

CHƆN 11:42

N gbu n‑na a ɔ sɔn fan, mbɛ e a a min fan tima ɔ tima. Chɛɛ n‑na chɛ fɔ dechee mɔɛ chɛ n fan ko a nɛ, min mbe a ma, an ni dan a a, mbɛ i wan gbu‑a n sɔ nɛ dunya chɛ ɔ.”

CHƆN 13:19

Koe min mbe na tena ma‑a, n mbe an dɔ yian tena wo a sanche, a e na to ma‑a. Min mbe a ma, ɛ ma‑a tima min na, wo ni dan a a, mbɛ n fan, kunka mansa mu n fan na.

CHƆN 16:10

An sin ma a ɔ sɔn to, koe min nyin a ma koe a, koe min na mu, n mbe yɛ tena Fa Yataa tena wan. A sin, wo ee a a tun‑da to n yen koe a.

CHƆN 18:32

An‑na bai min fɔ ka, a‑a a ɔ yian fan, mbɛ Chisɔsi na‑a min fɔ, a ɛ bɔ‑a wan a a. Chisɔsi na‑a a ɔ yian fan, an ni na tena a fa‑a buɛ min dɔ.

CHƆN 19:18

An kaina chɛ ni, an‑na Chisɔsi gbangban kɔn gbengbandenɛ ma, a basan kamin fea dɔ mende n bɛɛ a. Chisɔsi an ni dɛn dɔ an kamin fea chɛ n tɛtɛ ma.

CHƆN 3:11

N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHƆN 3:14

Mosisi ni tima min na suun fuinɛ ma, ka chɛ, min nyandenɛ ni kundu ɔ, a na‑a a dɛn fan kɔnɛ a. A chia dɔndɔ gbe chɛ a, n fan, Mɔ Gbu 'a Denɛ wɛɛ, an mbe n dɛn‑da ka wan.

CHƆN 4:26

Mbɛ Chisɔsi ɔ, “N fan gbu mu an mɔɛ chɛ a, n fɛn mbe ka koɔ tena i tena.”

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHƆN 5:30

Chisɔsi ɔ, “N mbe ee ko ɔ ko ma n ta gbasaya ɔ. Fa Yataa ɛ a fɔ buɛ min dɔ n ye, n mbe kaa a tɛ ka wan. Chɛ an fɛ mu, n sin mbe tea kaa an na tɛ. Tea mu chɛ a, koe min na mu, n mbe koe miin ma, n fandi faa ma koe n ma. Chɛɛ n mbe koe miin ma dechee, an fan nɛ chɛ n na, min‑na n sɔ, a toen mu miin na.

CHƆN 6:38

A mu min na, n yii‑a dunya ɔ, Fa Yataa faa ma koe an chɛ koe a, a wan‑na n sɔ. Chɛɛ n ma na ni n fandi ta faa ma koe an fan chɛ koe a.

CHƆN 8:24

Chɛ an fɛ mu, n‑na a fɔ wo ye, n dɔ, wo e fa‑a ka wan, Yataa ee a boo bɔ‑a wo 'a ko yama n dɔ. Ni wo ma dan ni a a, mbɛ n fan mu mɔɛ chɛ a, n‑na a fɔ, n mu mɔɛ min na. Ni wo ma dan ni chɛ a, wo e fa‑a ka wan, Yataa ee a boo bɔ‑a wo 'a ko yama n dɔ.”

CHƆN 8:27

Chɛɛ an dɔndɔ wɛɛ nii ma a ɔ gbɛ ni, mbɛ Chisɔsi ni koɔ tena a si a Fa Yataa an ma.

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 4:4

Chɛɛ mɔɛ miin sɛsɛ na‑a Pita 'a sakana bai chɛ a min, a si Chisɔsi ma, an dan‑da wan a a. A sin, mɔ kaima miin gbɛɛ‑a an kai fa gbɛ Chisɔsi a, an danɛ ta‑a wan gbɛ wu duu ɔ.

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.