CHƆN 8:26 - Yataa 'a Dɔbɛnɛ Nama

²⁶ Bai kɔkoo n yii ma, a si wo ma, a kɔkoo kaa a tɛ koe a wo wakoe ma. Chɛɛ an sin gbu, n fan yiima ko ma an na. Min‑na n sɔ, a wan yii ma koe nu mu, a sin mbe tea an fɔ. Chɛ an‑na a fɔ, ɛ min fɔ n ye dechee, n mbe an na ben mɔ ɔ mɔ tena dunya chɛ ɔ.”

CHƆN 8:26 ပူးပေါင်းရင်းမြစ်များ

CHƆN 15:15

N mbe ee wo ya to n 'na bɔi den na, koe min na mu, bɔi den ma a kan mɔ yiima sɔn. N mbe min ma tena, n mbe wo ya tena gbɛ n bɔɛ n fan na. Koe min na mu, ko ɔ ko, Fa‑a min fɔ n ye, n‑na a gbɛɛ ɔ yian wo a.

CHƆN 16:12

“Bai sɛsɛ ɛ wan n da a, a fɔ koe a wo ye, chɛɛ wo ee na‑a kun‑da, wo ni an gbɛɛ sa wo yii ma.

CHƆN 17:8

I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.

CHƆN 18:20

Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.

CHƆN 3:11

N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHƆN 7:16

Chɛ ko a, mbɛ Chisɔsi ɔ, “N mbe kanɛ miin chɛ, an mbe ee bɔ n ta yiimatɛ an dɔ. Chɛɛ Fa Yataa, min‑na n sɔ, an mbe an be n ma.

CHƆN 7:28

Chisɔsi to‑a kan chɛ an na, Yataa 'a kata chɛ ɔ, mbɛ a koɔ‑a gbankon, a ɔ, “Wo‑a n sɔn fan tea gbu ko a? Wo‑a n ka tena sɔn fan? N mbe ee nɛ n fandi an ko a. Chɛɛ a nyin wo ni dan a a, min‑na n sɔ. Wo ma a sɔn chɛndɛ chɛ.

CHƆN 8:25

Mbɛ an dɔ, “Nyɔn gbu sin mu i a?” Mbɛ Chisɔsi ɔ, “N‑na a fɔ wan wo ye a saa saa, n mu mɔɛ min na. N mu mɔɛ chɛ chɛndɛ chɛndɛ an na, n‑na a fɔ wo ye sɛsɛ, n mu mɔɛ min na.

CHƆN 8:27

Chɛɛ an dɔndɔ wɛɛ nii ma a ɔ gbɛ ni, mbɛ Chisɔsi ni koɔ tena a si a Fa Yataa an ma.

CHƆN 8:40

Chɛɛ wo tana, wo ma bɛndenɛ min chɛen mu ka, n fa koe a, Ebeami nii ma a ma ni ka. N sɔnɛ gbɛɛ wɛ wo tena, an nɛ tea bai chɛ n na, miin kaen mu Yataa tena, n mbe miin fɔ.

GBOO FEAN BƆƐ KƆYINDI KO A 1:18

Yataa ee a da a kuiɛ ka a gba ɔ tima dɔndɔ wɛɛ ko a. Chɛ an fɛ mu, n bɛɛ n mbe ee che wo too ɔ dia‑a bi koe a, mbɛ sinan n‑na n yiima mun, n dɔ n mbe ee a ma to.