CHƆN 8:25 - Yataa 'a Dɔbɛnɛ Nama

²⁵ Mbɛ an dɔ, “Nyɔn gbu sin mu i a?” Mbɛ Chisɔsi ɔ, “N‑na a fɔ wan wo ye a saa saa, n mu mɔɛ min na. N mu mɔɛ chɛ chɛndɛ chɛndɛ an na, n‑na a fɔ wo ye sɛsɛ, n mu mɔɛ min na.

CHƆN 8:25 ပူးပေါင်းရင်းမြစ်များ

DUKU 22:67

Mbɛ an‑na a fɔ a ye, an dɔ, “A ɔ yian bɛ nn na, ni i wan mu kunka mansa chɛ a.” Mbɛ a ɔ, “Ni a bɔ‑a n fan da a, wo ee dan‑da a a.

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 1:22

Mbɛ an dɔ te gbɛ, an dɔ, “Mbɛ a fɔ gbɛ nn ye, mɔɛ min mu i a.” An dɔ, “Ni nn yɛ‑a, mɔɛ miin‑na nn sɔ, an mbe to‑a wan i wakoe ɔ sɔn koe a.” An dɔ, “Fen mbe i da a, a si i wandi ma?”

CHƆN 10:24

Mbɛ Chu mɔɛ n na sɔn sɔn‑da a 'a tindanɛ. Mbɛ an dɔ, “I ma a ma nn ni ma kɔndɔfii ɔ tima ɔ tima ko a, a si i wakoe ma. A ma gbu nn ni a ɔ sɔn, tea chɛndɛ chɛndɛ ko a, ni i wan mu kunka mansa chɛ a.”

CHƆN 19:9

Mbɛ a yɛ‑a to Chisɔsi a kata chɛ ɔ, mbɛ a‑a a ɔ tisa, a ɔ, “I ta bɔ tena gbu mu mende a?” Chɛɛ Chisɔsi ma a tɛ ni a ma gbukuu wɛɛ.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHƆN 8:24

Chɛ an fɛ mu, n‑na a fɔ wo ye, n dɔ, wo e fa‑a ka wan, Yataa ee a boo bɔ‑a wo 'a ko yama n dɔ. Ni wo ma dan ni a a, mbɛ n fan mu mɔɛ chɛ a, n‑na a fɔ, n mu mɔɛ min na. Ni wo ma dan ni chɛ a, wo e fa‑a ka wan, Yataa ee a boo bɔ‑a wo 'a ko yama n dɔ.”

CHƆN 8:26

Bai kɔkoo n yii ma, a si wo ma, a kɔkoo kaa a tɛ koe a wo wakoe ma. Chɛɛ an sin gbu, n fan yiima ko ma an na. Min‑na n sɔ, a wan yii ma koe nu mu, a sin mbe tea an fɔ. Chɛ an‑na a fɔ, ɛ min fɔ n ye dechee, n mbe an na ben mɔ ɔ mɔ tena dunya chɛ ɔ.”