CHƆN 8:24 - Yataa 'a Dɔbɛnɛ Nama

²⁴ Chɛ an fɛ mu, n‑na a fɔ wo ye, n dɔ, wo e fa‑a ka wan, Yataa ee a boo bɔ‑a wo 'a ko yama n dɔ. Ni wo ma dan ni a a, mbɛ n fan mu mɔɛ chɛ a, n‑na a fɔ, n mu mɔɛ min na. Ni wo ma dan ni chɛ a, wo e fa‑a ka wan, Yataa ee a boo bɔ‑a wo 'a ko yama n dɔ.”

CHƆN 8:24 ပူးပေါင်းရင်းမြစ်များ

MATIU 24:5

Koe min na mu, mɔ sɛsɛ n mbe na‑a wan n tɔɛ ɔ. An mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

MAKI 13:6

Mɔ sɛsɛ n mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

DUKU 21:8

Mbɛ Chisɔsi ɔ, “Wo wo kun ma fɛn, an ma na wo woo. Koe min na mu, mɔ sɛsɛ mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. Mbɛ an‑na a fɔ to, an dɔ, tima gbu, an che‑a ka. Chɛɛ wo ma bea an fɛ.

CHƆN 13:19

Koe min mbe na tena ma‑a, n mbe an dɔ yian tena wo a sanche, a e na to ma‑a. Min mbe a ma, ɛ ma‑a tima min na, wo ni dan a a, mbɛ n fan, kunka mansa mu n fan na.

CHƆN 3:18

Mɔ ɔ mɔ min mbe a kai fa‑a a 'a Den chɛ a, Yataa ee kaa a tɛ‑a a wakoe ma, a ni tɔɔ. Chɛɛ mɔ ɔ mɔ min ma a kai fa ni a a, kaa a bandenɛ mu tɛ‑a a wakoe ma, a tɔɔ koe a, a mu min na, a ma a kai fa ni Yataa 'a Den dɔndɔ gbe a.

CHƆN 3:36

Mɔɛ min mbe a kai fa‑a Yataa 'a denɛ a, ɛ kuɔ fɔ fɔɛ ma sɔn‑da wan. Chɛɛ mɔɛ min mbe ee a kai fa‑a a 'a Denɛ a, a ee kuɔ fɔ fɔɛ ma sɔn‑da. Koe min na mu, Yataa faa tɛenɛ an mbe ma‑a a ma.

CHƆN 4:26

Mbɛ Chisɔsi ɔ, “N fan gbu mu an mɔɛ chɛ a, n fɛn mbe ka koɔ tena i tena.”

CHƆN 8:21

Mbɛ Chisɔsi‑a a fɔ to an ye, a ɔ, “N mbe na tena wan ta‑a, a sin, n yen sɔɛ ɛ wo bia‑a wan, wo ni wo ya a kan n na. Chɛɛ wo e fa‑a ka wan aan, Yataa ee a boo bɔ‑a wo 'a ko yama n dɔ. Wo ee kun‑da wo ni ta kaina chɛ, n mbe ma‑a kaina min.”

CHƆN 8:25

Mbɛ an dɔ, “Nyɔn gbu sin mu i a?” Mbɛ Chisɔsi ɔ, “N‑na a fɔ wan wo ye a saa saa, n mu mɔɛ min na. N mu mɔɛ chɛ chɛndɛ chɛndɛ an na, n‑na a fɔ wo ye sɛsɛ, n mu mɔɛ min na.

CHƆN 8:28

Mbɛ a ɔ an ma, a ɔ, “Tima min na mu, wo e n na sɛ‑a kɔn gbengbandenɛ ma, n fan Mɔ Gbu 'a Denɛ, wo e n sɔn‑da a tima an na. Mbɛ n fan mu mɔɛ chɛ a, n fɛn mbe ka koɔ tena wo tena. Mbɛ wo‑a a ɔ sɔn to, mbɛ n mbe ee ko ɔ ko chɛ n kun ma a a. Chɛɛ Fa ɛ min fɔ n ye, a fɔ koe a, n mbe an fɔ dechee.

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 2:3

Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.