CHƆN 8:2 - Yataa 'a Dɔbɛnɛ Nama

² Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

CHƆN 8:2 ပူးပေါင်းရင်းမြစ်များ

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

DUKU 21:37

Chisɔsi ni kanɛ chɛ wan tee ɔ tee a Yataa 'a kata ɔ. Ni tee na‑a bea, a ni ta wan mbɛ a chi‑a duu dɔndɔ ɔ, Wodifi kɔnkɔɛ ɔ.

DUKU 21:38

Ni banda ɔ ka‑a, mɔɛ n gbɛɛ ni na wan a tena Yataa 'a kata chɛ ɔ, sau ɔ sau ma an too ma sɔ koe a a ma.

DUKU 4:20

Mbɛ Chisɔsi‑a gboo chɛ da a tɔn, mbɛ a‑a a a yɛ chen kun ma fɛn mɔɛ chɛ ma. Mbɛ a yɛ‑a, a si‑a an kan koe a. Mɔɛ miin gbɛɛ ni ka samun chɛ chen chɛ a, an‑na an ya bɛn a ma.

DUKU 5:3

Mbɛ Chisɔsi sɛ‑a dɛndɛ chɛ dɔndɔ ɔ, min ni Saimɔn 'na dɛndɛ a, mbɛ a‑a a fɔ a ye, a ɔ, a ni dɛndɛ gbu tundun yii ɔ ɛnden na. Chisɔsi si‑a dɛndɛ gbu ɔ, mbɛ a bun‑da mɔɛ n kan‑da.

CHƆN 4:34

Mbɛ Chisɔsi ɔ, “Min 'na dɛya mu n na, ni n‑na a faa ma koe ma, n ni a 'a wai a ban, a‑a n sɔ min na, an mu n 'na daun fenɛ a.

CHƆN 8:20

Chisɔsi na‑a chɛ gbɛɛ fɔ tima min na, a ni Yataa 'a kata ɔ wan, ɛ mɔɛ n kan‑da. A ni kaina chɛ baima wan, kakaa chɛ n ni ka si ɔ kaina min, an ni boo fenɛ n be ka Yataa ma, kakaa miin dɔ. Mɔ ɔ mɔ nii ma a bia ni nɔ, a mu min na, a bia tima min yianden ni, a nii ma che nin bɛ.

CHƆN 8:3

Chu n 'na sawa kan mɔɛ nu, an bɛ Fayisii mɔɛ dɔ n na, an don‑da wan musu dɔndɔ a. An na‑a a bia, an dɔ, a‑a waa ma basan mɔ kaima a, min ma a fuu kai a. Mbɛ an‑na a ma, a sɔ‑a den, mɔɛ gbɛɛ ya kɔɔ.

CHISƆSI 'A SƆ MƆƐ NU 5:21

Chisɔsi 'a sɔ mɔɛ chɛ n bɛɛ ma maeka chɛ da a kuiɛ yɔn ni. Mbɛ sau sau ma, an don‑da wan Yataa 'a kata chɛ ɔ, mbɛ an‑na a kuu sɔ mɔɛ n kan‑da. Mbɛ Chu n tɛ mɔ wa Yataa a, an bɛ a bɔɛ n na, an‑na Chu kuti wa si kaina dɔndɔ, min mbe a ma, an ni bɛn ba bia. Mbɛ an bɛn‑da kɛn, an‑na mɔɛ a ta wan pimbi chen chɛ a, min mbe a ma, an ni na Chisɔsi 'a sɔ mɔɛ chɛ n na an chen kɔɔ.