CHƆN 7:39 - Yataa 'a Dɔbɛnɛ Nama

³⁹ Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHƆN 7:39 ပူးပေါင်းရင်းမြစ်များ

MATIU 16:14

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ mu Idaicha. Mbɛ dɔ n sin dɔ, Yataa 'a gbonka chɛ mɔɛ chɛ wɛɛ suun, min tɔ ni Chɛyimaya, a mu i a. Dɔ n mbe ta‑a a fɔ‑a, an dɔ, Yataa 'a gbonka chɛ mɔɛ dɔ gbɛɛ mu i a.”

MATIU 21:11

Mbɛ mɔ fanka chɛ nu na‑a, an dɔ, “Chisɔsi an nɛ, Yataa 'a gbonka chɛ mɔɛ. A ka‑a Kadidi chɛnyɛ ɔ wan, Nasaɛti duu ɔ.”

DUKU 24:49

Mbɛ a yen ko, n mbe a a yii‑a wan wo tena, Fa Yataa na‑a wo too ɔ dia‑a min na. Chɛɛ wo ma ka nɛ Chuusaɛn aan wo ni gbasaya ma sɔn, min mbe ka‑a banda bu ɔ.”

DUKU 3:16

Mbɛ Chɔn‑na a fɔ an gbɛɛ ye, a ɔ, “N fan, n mbe yii an chɛ wo kunɛ ɔ, chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa yuu wɛɛ fuin koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

DUKU 7:16

Chiandia‑a an gbɛɛ bia wan, mbɛ an‑na Yataa tando, an dɔ, “Yataa 'a gbonka chɛ mɔ wa na‑a mmɔ tɛ ɔ. A sin Yataa na‑a a 'a mɔɛ n baun koe a.”

CHƆN 1:21

Mbɛ an‑na a ɔ tisa to, an dɔ, “Nyɔn sin mu gbɛ i a?” An dɔ, “Idaicha an bɔ‑a ka to?” A ɔ, “N fan ma, Idaicha ma n na.” Mbɛ an dɔ te to, “Mosisi na‑a Yataa 'a gbonka chɛ mɔɛ dɔndɔ na koe fɔ wan. A mu i wan na?” A ɔ, “N fan ma.”

CHƆN 1:25

Mbɛ an‑na a ɔ tisa to, an dɔ, “Ni kunka mansa chɛ ma i a, Idaicha ma i a, Yataa 'a gbonka chɛ mɔɛ chɛ wɛɛ a ma i a, tisa chɛ yen ko. Fen ko a mu, e yii chɛ mɔɛ n kunɛ ɔ, Yataa chia a?”

CHƆN 12:16

A tima chɛ a, Chisɔsi fɛ denɛ n nii ma koe chɛ n dɔ gbɛ ni. Chɛɛ kɛn Yataa na‑a Chisɔsi kɔɔ sɔ, a sɛ‑a banda bu ɔ manɛ ɔ, mbɛ a puin‑da an yii ma, Yataa 'a gboo na‑a chɛ fɔ wan, a si a ma. A sin, an‑na an chɛ ka a ko a.

CHƆN 12:23

Mbɛ Chisɔsi ɔ, “Tima che‑a gbɛ sanche, Yataa ni a ɔ yian, n fan, Mɔ Gbu 'a Denɛ, n kamayaen mu buɛ min dɔ.

CHƆN 14:13

A sin, n mbe ko ɔ ko chɛ‑a wan wo ye, wo e n dɔ tisa‑a min chɛ koe a, n tɔɛ ɔ. Chɛ ɛ a ma‑a wan, n ni a ma, mɔɛ n ni a ɔ yen, Fa kamayaen mu buɛ min dɔ.

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 16:14

Ɛ a ɔ yian‑da wan wo a, n kamayaen mu buɛ min dɔ. Koe min na mu, n da a bai nu, ɛ an fan na ben‑da wo tena.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 17:1

Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 20:22

Mbɛ a‑a a fia fu an ma fuu, mbɛ a‑a a fɔ an ye, a ɔ, “Yataa Nyina ni ma wo fɛ.

CHƆN 6:14

Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 7:12

Mɔ fanka chɛ ni wan bai sɛsɛ sa‑a an da kɔɔ, a si Chisɔsi ma. An dɔ n dɔ, “Mɔ chɛndɛ an nɛ mɔna chɛ a.” Dɔ n sin dɔ, “A ee ka. Mɔ bun mɔɛ gbama an nɛ.”

CHƆN 8:54

Chisɔsi ɔ, “Ni n gbu, n‑na basɔmaya be n fandi ma, an basɔmaya chɛ nɛnɛ, fen kɔ fen mbe ee a ɔ. Fa dechee, an mbe a ma tena, n mbe basɔmaya ma sɔn tena. Fa min ka, wo e a fɔ tena, wo ɔ, an mu wo 'a Yataa a.

CHISƆSI 'A SƆ MƆƐ NU 19:2

Mbɛ a‑a an dɔ tisa, a ɔ, “Yataa Nyina na‑a bea wan wo fɛ, wo na‑a wo kai fa kɛn Chisɔsi a?” Mbɛ an dɔ te, “A an. Nn gbu ma chɛ a min nin bɛ, mbɛ nyina ɛ wan nɔ, min tɔɛ ɛ ka.”

CHISƆSI 'A SƆ MƆƐ NU 2:17

‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.” A ɔ, “N mbe a ma‑a wan n Nyina ni bea mɔ ɔ mɔ fɛ. Chɛ ɛ a ma‑a wan wo 'a denɛ kaima nu, an bɛ a musuma n na, an ni n 'na sakana bai chɛndɛ chɛ ɔ yian mɔɛ n na. Wo 'a kamin tɔngbɔɛ n mbe kamaya koe n dɔ yen‑da wan, wo 'a chenan kai n bɛɛ, an mbe cho‑a wan cho n na.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

GBOO DOMI KO A 8:9

Ni Yataa Nyina gbu ɛ wan wo fɛ, wo ee koe n ma mɔgbuya ɔ, miin ma nyin. Chɛɛ Yataa Nyina ɛ koe miin fɔ wo ye, an ma koe a, wo e an fan ma. Chasi Nyina ee mɔɛ min fɛ, a mɔɛ chɛ ee Chasi an ko a.

GBOO FEAN BƆƐ KƆYINDI KO A 3:8

Mbɛ Yataa Nyina ɛ wai min chɛ, a manɛ ɛ koa‑a wan, a ni ben sawa ta ma. Tea mu chɛ a.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.