CHƆN 7:37 - Yataa 'a Dɔbɛnɛ Nama

³⁷ An bɛnɛ chɛ tee dankama ma, mɔɛ n 'na buɔdia bɔɛ, a kun tɛ tee ni an na. Mbɛ Chisɔsi‑a a kɔɔ sɔ, a koɔ‑a gbankon, a ɔ, “Mɔ ɔ mɔ min kanɛ a gbaaen mu, a mɔɛ chɛ ɛ na n fan tena, a ni a min.

CHƆN 7:37 ပူးပေါင်းရင်းမြစ်များ

MATIU 11:28

“Wo wɛn kanɛ ɔ faenɛ ɛ wo 'a suun fanka ma kɔɔ, wo na n tan. Wo na, n mbe wo deman, wo ni wo suin.

MATIU 3:3

Chɔn chɛ ni, Yataa 'a gbonka chɛ mɔɛ Aisaya na‑a bai sa a si min ma. Aisaya na‑a a fɔ wan, a ɔ, “Mɔɛ yen ko gbonka chɛ‑a fuinɛ ma, a ɔ, mɔɛ n ni tan Yataa tena. A ɔ, an ni an fandi n dɔ bɛn Mansa Yataa ya ɔ, yɔ an mbe chia ɔ bɛn buɛ min dɔ an 'na mansa n ya ɔ.”

MATIU 5:6

“Mɔɛ miin mbe an faa gbɛɛ chɛ‑a Yataa faa ma koe ma koe a, an duaen mu. Yataa ɛ faachima be‑a wan an ma.

CHƆN 1:23

Mbɛ Chɔn dɔ, “Mɔɛ min ni gbonka chɛ tena, fuinɛ ma, n fan mu an mɔɛ chɛ a. N dɔ, wo chia ɔ bɛn chɛndɛ, Yataa Mansa tachɛ koe a, a ni na.” Yataa 'a gbonka chɛ mɔɛ chɛ suun, min tɔ ni Aisaya, a da a kuiɛ an nii nɛ, Chɔn yɛ‑a a ɔ.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 4:11

Mbɛ musu chɛ ɔ, “Kai, yii bɔ chiti ee kɛn i boo ɔ, yii son chɛ sin dɔ yansan. E ka‑a gbɛ mende yii chɛ a, min mbe fɔɛ be mɔ gbu ma?

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 5:40

Chɛɛ chɛ gbɛɛ ɔ, wo ma to ni wo ni na n tena, min mbe a ma, wo gbu ni an fɔɛ chɛ ma sɔn.

CHƆN 6:35

Mbɛ Chisɔsi ɔ, “N fan mu daun fen chɛ a, kuɔ fɔ fɔɛ be koe a. Ni mɔ ɔ mɔ na‑a n tena, mbɛ a‑a a kai fa n na, kɔnkɔ ee a mɔɛ chɛ bia‑a to kuɔ fɔ, a sin, a kanɛ wɛɛ a ee gbaa‑a to.

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:55

Koe min na mu, n gboo an mu daun fenɛ chɛndɛ chɛndɛ a, n wii wɛɛ mu min fenɛ chɛndɛ chɛndɛ a.

CHƆN 7:28

Chisɔsi to‑a kan chɛ an na, Yataa 'a kata chɛ ɔ, mbɛ a koɔ‑a gbankon, a ɔ, “Wo‑a n sɔn fan tea gbu ko a? Wo‑a n ka tena sɔn fan? N mbe ee nɛ n fandi an ko a. Chɛɛ a nyin wo ni dan a a, min‑na n sɔ. Wo ma a sɔn chɛndɛ chɛ.

GBOO SAA KƆYINDI KO A 10:21

E ee che ma‑a nɔ, e a min Mansa Chisɔsi 'a kɔpu ɔ, mbɛ e a min nyina yama n ta wɛɛ ɔ. A yɛ to, e ee ma nɔ, e si daun chɛ tena Mansa Chisɔsi 'a tebu ma, mbɛ e si daun chɛ tena nyina yama n bɛɛ a tebu ma.

GBOO SAA KƆYINDI KO A 10:4

Mbɛ an gbɛɛ yɛ‑a, an‑na kamaya yii dɔndɔ gbe chɛ min. Koe min na mu, kamaya senɛ min ni an fɛ an tachɛ chɛ ɔ, an yii chɛ bɔ‑a an dɔ, an na‑a min min ka. An sen chɛ sin ni Chasi an na.

GBOO SAA KƆYINDI KO A 11:25

A chia dɔndɔ gbe chɛ a to, an ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ. Yataa ɛ an ya tena, mbɛ a‑a dɔbɛn nama chɛ a 'a mɔɛ n na. Tima ɔ tima ko a, wo ni ma chɛ min‑da, wo yii na chii koe a n na.”

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

Gboo Ɛfisɔsi Ko A 5:18

A sin, wo wo boo bɔ gbɛ min ba ɔ, a ma na wo wakoe ɔ chɛ chɛ. Chɛɛ Yataa Nyina, an ni tachɛ gbɛ wo a.

KO Ɔ NUNDENƐ 21:6

Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.