CHƆN 7:31 - Yataa 'a Dɔbɛnɛ Nama

³¹ Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”

CHƆN 7:31 ပူးပေါင်းရင်းမြစ်များ

MATIU 12:23

Mɔɛ miin gbɛɛ ni ka nɔ sɔ ɔ, an tɛnɛ‑a wan koe chɛ a. Mbɛ an dɔ an nyɔn ma, an dɔ, “O, mɔɛ min bɔ‑a Mansa Defidi 'a dambi ɔ, a wakoe fɔen fan mu. An mɔna chɛ an mbe na bɔ ka a 'a dambi ɔ?”

DUKU 8:13

Mɔɛ dɔ n sin mbe wan yɔ faa gban duu gboo chɛ, chin fen kuu n bea‑a min ma. Ni an‑na sakana bai chɛndɛ chɛ a min, an mbe an boo si wan a kɔɔ, buɔdia wandi gbu a. Chɛɛ Yataa 'a bai chɛ ee sa an yiima ɔ chɛndɛ chɛ, a ni tima ɔ yansama ya nɔ. An mbe dan dechee a a tima ɛnden fan ko a, chɛɛ ni koe ɔ gbɛa‑a an ma, mbɛ an‑na an boo bɔ a kɔɔ.

CHƆN 11:45

Mɔɛ chɛ n sɛsɛ, miin na‑a na ka Mɛi sɛbɔ‑a, an na‑a a ɔ yen fan Chisɔsi na‑a koe min ma ka, mbɛ an‑na an kai fa a a.

CHƆN 12:11

A mu min na, an bakoe a ni to, an bɔ Chu mɔɛ n sɛsɛ, an ni ka tena an fɛ, an mbe an kai fa‑a Chisɔsi a.

CHƆN 12:42

Chu n ya ɔ sɔɛ n sɛsɛ nu, a tima chɛ a, an bɛɛ kai faen fan ni Chisɔsi a. Chɛɛ Fayisii n bakoe na‑a a ma wan, an nii an 'na danaya chɛ a bɔ ya a ma. Koe min na mu, an nii ma to ni an ni an gbain kuɔ fɔ an 'na samun chɛ chen chɛ a.

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 4:29

Mbɛ a ɔ, “Wo na, wo ni kaminɛ yen, min‑na ko ɔ ko ɔ yian n na, n‑na miin gbɛɛ ma wɛ. A e na ma kunka mansa chɛ an na?”

CHƆN 4:39

Samayia mɔɛ chɛ n sɛsɛ nu, an duu chɛ ɔ, an na‑a an kai fa wan Chisɔsi a. Chɛ na‑a ka musu chɛ da a bai an ma, a na‑a a fɔɛ min chɛ, a ɔ, a‑a ko ɔ ko ɔ yian a a, a ɔ, a wan musu chɛ, a ɔ, a na‑a min ma fɔɛ ɔ.

CHƆN 6:2

Mbɛ mɔ fanka wa n bea‑a a fɛ, koe min na mu, an na‑a a ɔ yen fan, a na‑a a ma buɛ min dɔ gbandi mɔɛ n baun‑da.

CHƆN 7:26

A yen ko, ɛ koɔ‑a fanka ɔ den, a sin, an mbe ee che gbukuu wɛɛ tɛ‑a a ma, a si a ma. A e na ma wan gbɛ, mbɛ ya ɔ sɔɛ chɛ n yiima bɛn‑da kaina dɔndɔ, mbɛ an mu kunka mansa a?

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.

CHISƆSI 'A SƆ MƆƐ NU 8:13

Saimɔn wandi gbu wɛɛ, a tima chɛ a, a‑a a kai fa wan Chisɔsi a. Yii chɛ‑a wan a kunɛ ɔ, Yataa chia a, a sin, a nii ma ka ni to Fiipi fɛ. A da ɔ na‑a gbaa wan, a na‑a kamaya ko wa sɛsɛ chɛ n dɔ yen kɛn, Fiipi ni miin ma tena. An koe chɛ n sin ni a ɔ yian tena wan, mbɛ a 'a sakana bai chɛ ka‑a Yataa an tena.

CHIMISI 2:26

Mɔɛ min faen mu, a nyina ee ma to a fɛ. Ɛ ka wan dechee yɔ ni mɔɛ kai faenɛ ma‑a dechee Chisɔsi a, chɛɛ a ee ko chɛndɛ ma.