CHƆN 7:30 - Yataa 'a Dɔbɛnɛ Nama

³⁰ Chisɔsi kuiɛ chɛ gbakɔ, mɔɛ chɛ dɔ n toen ni an ni a bia fɔin. Chɛɛ mɔ ɔ mɔ ma a boo tu ni a a. Koe min na mu chɛ ma‑a, tima nii ma chɛ a, tima min yianden ni a 'a fɔɛ ɔ, a bia koe a.

CHƆN 7:30 ပူးပေါင်းရင်းမြစ်များ

MATIU 12:14

Mbɛ Fayisii chɛ nu, an bɔ‑a. Mbɛ an ta‑a an kun puin tena Chisɔsi ma, an mbe ma buɛ min dɔ an ni a fa.

MATIU 21:46

Chɛ‑a a ma wan, an toen ni an ni a bia. Chɛɛ an chianden fan ni mɔ fanka fanka chɛ ma, miin danden ni a a, mbɛ Chisɔsi mu Yataa 'a gbonka chɛ mɔɛ an na.

MAKI 11:18

Mɔɛ miin ni Chu n tɛ ɔ Yataa a, an 'na mansa nu, an bɛ Chu n 'na sawa kan mɔɛ n na, an‑na bai chɛ a min kɛn, an‑na a kuu sɔ wan chia yan‑da Chisɔsi fa koe a. An chiandenɛ ni a ma. Koe min na mu, a na‑a kanɛ chɛ buɛ min dɔ, fanka wa chɛ gbɛɛ nɔ, a na‑a an da a fa wan.

DUKU 20:19

A tima chɛ a, Chu n 'na sawa kan mɔɛ chɛ nu, an bɛ Chu n tɛ ɔ mɔɛ n na Yataa a, an 'na mansa n na, an na‑a a ɔ sɔn fan, mbɛ Chisɔsi ni tai chɛ tɛ tena a si an fan ma. Chɛ‑a a ma wan, an toen ni, an ni a bia nɔ a gba chɛ ɔ. Chɛɛ an chian‑da wan mɔɛ n ma.

DUKU 22:53

Mmɔ‑a tee sɛsɛ wa chɛ gbɛɛ ban Yataa 'a kata ɔ, wo ma n bia ni. Chɛɛ wo ta tima an che‑a ka wo faa ma koe ma koe a, tima min na Sitana 'a gbasaya ɛ wɛ dunya chɛ kun ma.”

CHƆN 10:31

Mbɛ Chu mɔɛ chɛ nu, an‑na senɛ ya to, a bon koe a fasa.

CHƆN 10:39

A tima chɛ a to, Chu mɔɛ chɛ nu, an toen ni to, an ni Chisɔsi bia fɔin. Chɛɛ a bɔ‑a wan an boo ɔ yɛdɛn.

CHƆN 11:57

Mɔɛ miin ni Chu n tɛ ɔ Yataa a, an 'na mansa nu, an bɛ Fayisii n na, an na‑a sawa a ben fan. An na‑a a fɔ wan, an dɔ, ni mɔ ɔ mɔ na‑a a ɔ sɔn, Chisɔsi ni kaina min, an dɔ, an ni a fɔ an ye, an dɔ, min mbe a ma, an ni a bia.

CHƆN 7:19

Wo gbɛɛ dɔnden fan mu a ma, mbɛ Mosisi an‑na sawa chɛ n be wo ma. Chɛɛ wo dɔndɔ wɛɛ ee tachɛ tena sawa chɛ n na chɛndɛ. Fen ko a mu, wo toen mu wo ni n fa?”

CHƆN 7:32

Mbɛ Chu mɔɛ chɛ dɔ nu, miin ni Fayisii n na, an‑na fanka chɛ wɛwɛɛ kuiɛ a min bai chɛ n na, a si Chisɔsi ma. Chɛ ko a, an fan, an bɛ Chu n tɛ mɔɛ n na Yataa a, an 'na mansa n na, an‑na kata chɛ ɔ poesi n sɔ, a bia koe a.

CHƆN 7:6

Mbɛ Chisɔsi ɔ an ma, a ɔ, “Wo tana tima ee wo ko a, tima min kɔ min nyin fan, wo ta koe a. Chɛɛ n tana, tima gbu ma che nin bɛ n ko a, n ta ta koe a.

CHƆN 7:8

Wo e ka wɛ ta‑a Chuusaɛn bɛn chɛ ɔ. N mbe ee ta tena wɛ, koe min na mu, n ta tima gbu ma che nin bɛ, ta koe a.”

CHƆN 8:20

Chisɔsi na‑a chɛ gbɛɛ fɔ tima min na, a ni Yataa 'a kata ɔ wan, ɛ mɔɛ n kan‑da. A ni kaina chɛ baima wan, kakaa chɛ n ni ka si ɔ kaina min, an ni boo fenɛ n be ka Yataa ma, kakaa miin dɔ. Mɔ ɔ mɔ nii ma a bia ni nɔ, a mu min na, a bia tima min yianden ni, a nii ma che nin bɛ.

CHƆN 8:37

N‑na a ɔ sɔn fan, mbɛ Ebeami cheeya mu wo a. Chɛɛ chɛ gbɛɛ ɔ, wo toen mu wo ni n fa. Koe min na mu, n mbe wo kan tena bai miin na, wo ma to ni, wo ni wo boo si an kɔɔ.

CHƆN 8:59

Chɛ ko a, mbɛ an‑na senɛ n ya, a bondan koe a Chisɔsi a, an ni a fa. Chɛɛ a bɔ‑a wan an tɛ ɔ, Yataa 'a kata chɛ ɔ, kai wɛɛ, a a ma tɛ ni a ma.

CHƆN 9:4

Tee ɛ wɛ nɔ tima min na, fɔ ni mmɔ‑a a tun wai chɛ n chɛ koe a, n sɔen mu miin chɛ koe a. Pimbi ɛ bun‑da tima min na, mɔ ɔ mɔ ee che‑a ko ɔ ko ma‑a.