CHƆN 7:28 - Yataa 'a Dɔbɛnɛ Nama

²⁸ Chisɔsi to‑a kan chɛ an na, Yataa 'a kata chɛ ɔ, mbɛ a koɔ‑a gbankon, a ɔ, “Wo‑a n sɔn fan tea gbu ko a? Wo‑a n ka tena sɔn fan? N mbe ee nɛ n fandi an ko a. Chɛɛ a nyin wo ni dan a a, min‑na n sɔ. Wo ma a sɔn chɛndɛ chɛ.

CHƆN 7:28 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

DUKU 10:22

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma, ko ɔ ko kun ma. Fa dɔndɔ gbe an‑na a ɔ sɔn chɛndɛ chɛ, mɔɛ min mu n na. N bɛɛ n dɔndɔ gbe an‑na a ɔ sɔn chɛndɛ chɛ, mɔɛ min mu Fa a. N‑na mɔɛ miin ya Fa sɔn koe a, an bɛɛ‑a a ɔ sɔn‑da wan chɛndɛ chɛ, mɔɛ min mu Fa a.”

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

DUKU 2:39

Chosɛfi n fea Mɛi a, an ban‑da manda chɛ n gbɛɛ a tachɛ‑a, yɔ Mansa Yataa 'a sawa‑a min fɔ. Mbɛ an yɛ‑a an baa a, Nasaɛti duu ɔ, Kadidi chɛnyɛ ɔ.

DUKU 2:4

Kamin chɛ min tɔ ni Chosɛfi, a na‑a bɔ Mansa Defidi 'a dambi ɔ wan. Chɛɛ a ni si ɔ Nasaɛti duu ɔ wan, Kadidi chɛnyɛ ɔ. Mbɛ a wɛɛ sɛ‑a wan Bɛtɛɛn duu ɔ, Chudia chɛnyɛ ɔ, a mu min na, Mansa Defidi suun‑da nɔ wan.

DUKU 2:51

Chɛ gbakɔ, Chisɔsi yii‑a wan Nasaɛti duu ɔ, an bɛ an na, a sin‑na kooya be wan an ma. A de‑a koe chɛ n gbɛɛ sa wan a yii ma, ɛ an tɛnsɛ a yiima ɔ.

CHƆN 1:46

Mbɛ Natanɛɛ ɔ, “Nasaɛti chɛ, fen kɔ fen mbe che wan bɔ‑a nɔ, min mbe ma tɔnɔnɛ a mɔ gbu tena?” Mbɛ Fiipi ɔ, “Na, i ni a yen.”

CHƆN 10:36

N tana, Fa an‑na n ya, a‑a n sɔ dunya chɛ ɔ. Chɛ an‑na a fɔ, wo ee kun, wo ni kunɛ si n kun ma, baa bɔ koe a a ma. Koe min na mu, n‑na a fɔ, n dɔ, a 'a denɛ mu n na.

CHƆN 12:49

N mbe ee koɔ n fandi 'a gbasaya an kɔɔ. Chɛɛ Fa min‑na n sɔ, ɛ min fɔ n ye a fɔ koe a, n mbe an fɔ.

CHƆN 14:10

A nyin i ni dan a a, mbɛ nn fea Fa a, mɔ dɔndɔɛ mu nn na. Bai chɛ nu, n‑na miin fɔ ka wo ye, an ma ka ni ka dechee n kun ma yiinachii an dɔ. Fa, nn fea mu min na mɔ dɔndɔɛ a, tima ɔ tima ko a, an mbe ma ka wai chɛ‑a.

CHƆN 14:31

Chɛɛ a nyin dunya chɛ ɔ mɔɛ nu, an ni a ɔ sɔn, mbɛ n toen mu Fa a. Chɛ an fɛ mu, ko ɔ ko ɛ min fɔ, n mbe an ma a buɛ an dɔ. “Wo wo kɔɔ sɔ, mmɔ ni bɔ nɛ.”

CHƆN 16:3

Mɔɛ n mbe koe chɛ n ma‑a wan wo a, koe min na mu, an ma Fa Yataa sɔn tee dɔndɔ wɛɛ, chɛ ma, n fandi gbu wɛɛ.

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 3:33

Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.

CHƆN 5:32

Chɛɛ siiya ɛ bai sa tena wan, a si n bakoe ma. N sin‑na a ɔ sɔn fan, mbɛ a 'a siiya a si n ma, tea mu a a.

CHƆN 5:43

N fan mu mɔɛ a, Fa‑a min na na, ma koe a a ya a wo tɛ ɔ. Chɛɛ wo ma wo boo si ni n kɔɔ. Chɛɛ mɔɛ chɛ nu, miin mbe na dechee an fandi kun ye, wo e wo boo si an fan kɔɔ.

CHƆN 6:42

Chɛ‑a a ma wan, an dɔ, “Mɔna chɛ an nɛ, Chisɔsi, Chosɛfi 'a den chɛ. An ma chɛ a? Mmɔ‑a a fa sɔn fan, an fea a de a. Ɛ ma ka ma gbɛ, a ni a fɔ to mmɔ ye, mbɛ a ka‑a banda bu ɔ wan, a yii‑a nɛ?”

CHƆN 7:14

An ni gbɛ bɛnɛ chɛ tɛtɛ ma wan, mbɛ Chisɔsi sɛ‑a Yataa 'a kata chɛ ɔ, a bun‑da an kan‑da.

CHƆN 8:14

Chisɔsi ɔ, “A ee ka. Mmɔ a ya, mbɛ n mbe siiya an bɔ tena n fandi ko a. Chɛɛ n mbe bai miin fɔ tena, tea mu. Koe min na mu, n ka‑a kaina min, n‑na nɔ sɔn fan. A sin to, n‑na n ta tena sɔn fan. Chɛɛ wo tana, wo ma an kaina chɛ n dɔndɔ wɛɛ sɔn.

CHƆN 8:16

Chɛɛ ni n‑na a ma wɛɛ ka, n mbe kaa min na tɛ‑a, ɛ ma‑a tea nɛnɛ an na. Koe min na mu, n dɔndɔ gbe an mbe ee na‑a a ma‑a n kun ma gbasaya a. Fa min‑na n sɔ, nn fea an mbe nn kun puin‑da kaina dɔndɔɛ.

CHƆN 8:19

Mbɛ an dɔ, “I fa chɛ gbu ɛ mende?” Mbɛ Chisɔsi ɔ, “Wo ma n sɔn buɛ min dɔ, wo ma Fa wɛɛ sɔn ka wan. Ni wo na‑a n sɔn fan, wo ni Fa wɛɛ sɔn‑da wan.”

CHƆN 8:26

Bai kɔkoo n yii ma, a si wo ma, a kɔkoo kaa a tɛ koe a wo wakoe ma. Chɛɛ an sin gbu, n fan yiima ko ma an na. Min‑na n sɔ, a wan yii ma koe nu mu, a sin mbe tea an fɔ. Chɛ an‑na a fɔ, ɛ min fɔ n ye dechee, n mbe an na ben mɔ ɔ mɔ tena dunya chɛ ɔ.”

CHƆN 8:42

Mbɛ Chisɔsi ɔ, “Ni Yataa an ni wo fa a, wo nii too‑a n na. Koe min na mu, n ka‑a Yataa an tena, n na‑a nɛ chɛ. N fandi an ma si ni ka dechee, n ni na n kun ye, n kun ma gbasaya ɔ. Chɛɛ Yataa an‑na n sɔ.

CHƆN 9:29

Nn‑na a ɔ sɔn fan, mbɛ Yataa wandi gbu, an na‑a koɔ Mosisi tena. Chɛɛ mɔna chɛ tana, Chisɔsi chɛ, nn gbu ma a ka tena wɛɛ gbu an sɔn.”

CHISƆSI 'A SƆ MƆƐ NU 17:23

Koe min na mu, n mbe ma ben ben‑da wo 'a duu chɛ ɔ, n mbe fenɛ n yen fan, wo e miin fai. A yɛ to, n‑na gbengbe yen fan, yasi bɔ koe a, a nyɛndenɛ ɛ min ma, a ɔ, ‘Yataa tena, nn ma min sɔn.’ An Yataa chɛ, wo e min fai ka, chɛɛ wo sin ma a sɔn, n mbe ka gbɛ an bakoe ɔ yian tena wo a.

GBOO DOMI KO A 1:28

An gbu sin nii ma to ni, tea yiinachii chɛ koe a, a si Yataa ma. Chɛ ko a, Yataa‑a an to wan nɔ, an ni ma an kun ye, an 'na yiinachii yama chɛ a. Chɛ ɛ a ma wan, an ni koe n ma, miin ma nyin an ma koe a.

GBOO DOMI KO A 3:4

A an, chɛ ma ma wo 'a yiinachii ɔ. Mɔ gbu da a kuiɛ ma funka nin bɛɛ boo ɔ boo tima ɔ tima ko a, chɛɛ Yataa tana, ɛ a da a kuiɛ to wan a ma. A sin, a 'a gboo‑a a fɔ ka wan, a si Yataa wandi ma, a ɔ, “Ni a koɔ‑a tima ɔ tima, mɔɛ gbɛɛ‑a a ɔ yen fan, mbɛ a teaen fan mu. A sin to, mɔɛ min mbe kunɛ si‑a a kun ma, ni a koɔ‑a dechee, fanka ee ma‑a to a mɔɛ chɛ da a kuiɛ a, a mu min na, Yataa gbu ma ko yama ma ni.”

GBOO FEAN BƆƐ KƆYINDI KO A 1:18

Yataa ee a da a kuiɛ ka a gba ɔ tima dɔndɔ wɛɛ ko a. Chɛ an fɛ mu, n bɛɛ n mbe ee che wo too ɔ dia‑a bi koe a, mbɛ sinan n‑na n yiima mun, n dɔ n mbe ee a ma to.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

GBOO IBU MƆƐ N KO A 6:18

Chɛ ni a ma, mɔɛ n ni a ɔ yen, chia fea a, miin mbe ee mun, Yataa ɛ koe min ma. Yataa‑a a ɔ yian fan, mbɛ ko ee nɔ, min mbe a ma, a ni a da a kuiɛ yɔn. Chɛ ɛ a ma‑a wan, mmɔ wɛn na‑a bui‑a Chasi tena, mmɔ kun ma fɛn koe a, tooɔdia min mbe mmɔ ko a, mmɔ bu ɔ diama ɛ ma‑a wan, a bia koe a fɔin.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.