CHƆN 7:19 - Yataa 'a Dɔbɛnɛ Nama

¹⁹ Wo gbɛɛ dɔnden fan mu a ma, mbɛ Mosisi an‑na sawa chɛ n be wo ma. Chɛɛ wo dɔndɔ wɛɛ ee tachɛ tena sawa chɛ n na chɛndɛ. Fen ko a mu, wo toen mu wo ni n fa?”

CHƆN 7:19 ပူးပေါင်းရင်းမြစ်များ

MATIU 12:14

Mbɛ Fayisii chɛ nu, an bɔ‑a. Mbɛ an ta‑a an kun puin tena Chisɔsi ma, an mbe ma buɛ min dɔ an ni a fa.

MATIU 21:38

Chɛɛ yadi kun ma fɛn mɔɛ chɛ n‑na a wɛɛ yen kɛn, an‑na a fɔ wan an nyɔn tɛ ɔ, an dɔ, ‘Yadi ti chɛ 'a denɛ wandi gbu an nɛ. Mmɔ a fa, min mbe a ma, boo fen chɛ gbɛɛ ni ma mmɔ ta a.’

MAKI 11:18

Mɔɛ miin ni Chu n tɛ ɔ Yataa a, an 'na mansa nu, an bɛ Chu n 'na sawa kan mɔɛ n na, an‑na bai chɛ a min kɛn, an‑na a kuu sɔ wan chia yan‑da Chisɔsi fa koe a. An chiandenɛ ni a ma. Koe min na mu, a na‑a kanɛ chɛ buɛ min dɔ, fanka wa chɛ gbɛɛ nɔ, a na‑a an da a fa wan.

MAKI 3:4

Mbɛ Chisɔsi ɔ, “A nyin fan mmɔ ni a ɔ sɔn, mmɔ 'a sawa dɔnden mu fen ma suin tee ma. Mmɔ 'a sawa dɔnden fan mu mɔ ni mɔɛ baun, a ben a fa koe ma. Mmɔ 'a sawa dɔnden fan mu to mɔ ni ko chɛndɛ ma, a ben ko yama ma koe ma.” Chɛɛ an ma bai fɔ ni, a si chɛ ma.

MAKI 3:6

Mbɛ Fayisii chɛ n bɔ‑a baa ma. Mbɛ an bɛ mɔɛ chɛ n na, miin ni Mansa Ɛdɔdi 'a mɔɛ n na, an bun‑da an kun puin‑da kaina dɔndɔɛ, an mbe ma buɛ min dɔ, an ni Chisɔsi fa.

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 10:39

A tima chɛ a to, Chu mɔɛ chɛ nu, an toen ni to, an ni Chisɔsi bia fɔin. Chɛɛ a bɔ‑a wan an boo ɔ yɛdɛn.

CHƆN 11:53

A ka a tee chɛ ma, aan a ta gbɛ, Chu n ya ɔ sɔɛ chɛ dɔ nu, an ni wan gbɛ dɔbɛnɛ ɔ, Chisɔsi fa koe a.

CHƆN 5:16

Chu mɔɛ chɛ nu, an ya ɔ sɔɛ chɛ n‑na chɛɛ ma nyɔncha bun fan Chisɔsi ma, kamin chɛ 'a baun koe a, an 'na suin tee chɛ ma.

CHƆN 5:18

A 'a bai chɛ, a gbu‑a a ma gbɛ, Chu n ya ɔ sɔɛ chɛ n‑na an faa a kɔɔ gbɛ chɛndɛ chɛ, a fa koe a. An ma yiinachii chɛ chɛ ni, an 'na sawa chɛ dechee an yɔn koe ko a. Chɛɛ a‑a a fɔɛ min chɛ ka, mbɛ a fa an nɛ Yataa a. Mbɛ a chia chɛ a, a‑a a wandi ya wan ka, mbɛ an fea Yataa a, an na kanden fan mu.

CHƆN 5:45

Chɛ wɛɛ ni ma, a ma ma wo yii ma, mbɛ n fan mbe kun yama si‑a wo kun ma Fa tena. Chɛɛ Mosisi wandi gbu, wo yii sɔen mu min ma, sɔ koe a wo kɔ, an mbe an kun chɛ si‑a wo kun ma.

CHƆN 7:1

Chɛ gbakɔ, mbɛ Chisɔsi ben ben‑da Kadidi chɛnyɛ ɔ. A nii ma to ni, a ni gbɛn Chudia chɛnyɛ ɔ ma ɛnden bɛɛ a. A mu min na, Chu n ya ɔ sɔɛ nu nɔ, an ma bɛnden fan ni a fa koe a.

CHƆN 7:25

Mbɛ an mɔɛ chɛ dɔ nu, Chuusaɛn duu ɔ mɔɛ chɛ nu, an bun‑da wan a fɔ‑a, an dɔ, “Mɔna chɛ chɛndɛ chɛndɛ an nɛ, mmɔ ya ɔ sɔɛ chɛ n mbe min yan tena, a fa koe a.

CHISƆSI 'A SƆ MƆƐ NU 7:38

Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.

Gboo Kadesia Ko A 3:19

Chɛɛ sawa chɛ nii ma sa ni gbama a. Ko yama ma, an fɛ mu, Yataa‑a sawa chɛ sa dɔbɛn chɛ kaa a. Koe ni ma ka, aan Ebeami cheeya chɛ ni na, tooɔdia chɛ chɛ‑a min na. A sin, Yataa‑a sawa chɛ a ben maeka n fan dɔ, a be koe a Mosisi ma, min ni mɔ gbu n tɛ ɔ an bɛ Yataa a.

Gboo Kadesia Ko A 6:13

Koe min na mu, mɔɛ chɛ n bɛɛ gbu, miin na kaminchaen mu, an bɛɛ gbu ee an sawa bia tena. Chɛɛ an toen mu, wo a ni kamincha, min mbe a ma, an ni tɔmbɔɛ chɛ wo gboo a.