CHƆN 7:15 - Yataa 'a Dɔbɛnɛ Nama

¹⁵ Chu mɔɛ n ya ɔ sɔɛ chɛ nu, an da ɔ gbaa‑a wan kaka. Mbɛ an dɔ, “Mɔna chɛ ɛ ma ka ma, a ni koe sɔn buɛ chɛ ɔ, a nii kɛn mɔ kɔɔ kandencha a?”

CHƆN 7:15 ပူးပေါင်းရင်းမြစ်များ

MATIU 13:54

Mbɛ a yɛ‑a a waa duu ɔ. A yɛ‑a kɛn, a bun‑da mɔɛ n kan‑da an 'na samun chɛ chenɛ a. A 'a kan chɛ buɛ‑a mɔɛ n da a fa wan. Mbɛ an bun‑da a fɔ‑a, an dɔ, “Kamin chɛ ɛ ka kamaya ko bonda miin ma‑a, a basan yiimatɛ bonda chɛ a ɔ, kɔndɔfii mu a a.

MATIU 22:22

An tɛnɛ‑a wan a a, kɛn an‑na a a min, Chisɔsi‑a an yɛman buɛ chɛ ɔ. Mbɛ an‑na a to, an ta‑a.

MATIU 22:33

Mɔ fanka wa chɛ n‑na chɛ a min kɛn, an da a fa‑a wan gban, a si a‑a kan chɛ buɛ ma.

DUKU 2:47

Mɔɛ miin gbɛɛ ni nɔ, an da ɔ gbaa‑a wan yiimatɛ a, min ni a 'a tisa yɛman buɛ ɔ.

DUKU 4:22

An gbɛɛ bun‑da bai ma kawaenɛ n fɔ‑a, a si Chisɔsi ma. A sin, an tɛnɛ‑a wan a a, a koɔ‑a buɛ min dɔ chɛndɛ chɛ. Chɛɛ an yɛ‑a wan, an‑na a fɔ, an dɔ te, “N bɔ, ka wɛ, Chosɛfi 'a denɛ an nɛ.”

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 7:11

Chu mɔɛ n ya ɔ sɔɛ chɛ nu, an ni wan ben‑da an ya a kan‑da a a, bɛn chɛ ɔ. An dɔ, “An mɔna chɛ ɛ mende?”

CHƆN 7:13

Chɛɛ mɔ ɔ mɔ nii a kuiɛ ma sɛ, an ni ma bai sa‑a a si Chisɔsi ma. Koe min na mu, an chianden fan ni ya ɔ sɔɛ chɛ n ma.

CHƆN 7:46

Mbɛ an dɔ, “Kamin chɛ, a da a kuiɛ, a kaen fan mu mɔ gbu kan kɔ kan ta ma.”

CHISƆSI 'A SƆ MƆƐ NU 26:24

A sin koɔ‑a kɛn ka buɛ chɛ ɔ, a wandi kun bɔ koe a mɔɛ chɛ n boo ɔ, Kɔfana Fesɔsi dee‑a wan, a kuiɛ ma sɛenɛ a, a ɔ, “Pɔɔ, i wooen fan mu. Gboo kan ba chɛ, an mbe i yii bɔ tena i ɔ.”

CHISƆSI 'A SƆ MƆƐ NU 4:13

Chu kuti wa chɛ a fii‑a wan, a ɔ yen koe a Pita an fea Chɔn na, an ni bai sa tena buɛ min dɔ yaagbɛa a. Kun ti chɛ n‑na a ɔ sɔn fan, mbɛ mɔ gbama gbama ni Pita n na, miin gbu nii ma gboo sɔn ba chɛ. A yɛ to, an‑na a ɔ sɔn fan to a tima chɛ a, mbɛ an ni wan tee Chisɔsi fɛ.