CHƆN 7:14 - Yataa 'a Dɔbɛnɛ Nama

¹⁴ An ni gbɛ bɛnɛ chɛ tɛtɛ ma wan, mbɛ Chisɔsi sɛ‑a Yataa 'a kata chɛ ɔ, a bun‑da an kan‑da.

CHƆN 7:14 ပူးပေါင်းရင်းမြစ်များ

MATIU 21:12

Chisɔsi ta‑a wan Yataa 'a kata ɔ, mbɛ a‑a mɔɛ chɛ n gbɛɛ gbain, miin ni fee fenɛ n ma tachɛ tena, a basan a san mɔɛ n na. A‑a kɔpɔ sinchi mɔɛ chɛ n 'na tebu n na bea bea wan, a basan si fenɛ n na, bugbɔ n ma tachɛ mɔɛ n mbe si miin ma.

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

DUKU 19:47

Tee ɔ tee a gbɛ, Chisɔsi ni kanɛ chɛ wan Yataa 'a kata chɛ ɔ. Mɔɛ miin ni Chu n tɛ ɔ Yataa a, an 'na mansa nu, an toen ni an ni Chisɔsi fa. An bɛ Chu n 'na sawa kan mɔɛ n na, a basan ya ɔ sɔɛ gbakoo n na, an yiima ni dɔndɔ.

CHƆN 18:20

Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.

CHƆN 5:14

Chɛɛ chɛ gbakɔ, Chisɔsi‑a kamin chɛ yen fan Yataa 'a kata ɔ, mbɛ a‑a a fɔ a ma, a ɔ, “A yen ko, i baun‑da gbɛ sanche. Chɛ an fɛ mu, i ma ko yama ma to. Ni chɛ ma, tɔɔya min mbe i tan‑da gbɛ, ɛ yaua‑a a saa ma.”

CHƆN 7:2

Chɛɛ tima gbɛnden fan ni gbɛ, bɛn chɛ ko a, Chu mɔɛ n ni kuu n sɔ tima min na.

CHƆN 7:28

Chisɔsi to‑a kan chɛ an na, Yataa 'a kata chɛ ɔ, mbɛ a koɔ‑a gbankon, a ɔ, “Wo‑a n sɔn fan tea gbu ko a? Wo‑a n ka tena sɔn fan? N mbe ee nɛ n fandi an ko a. Chɛɛ a nyin wo ni dan a a, min‑na n sɔ. Wo ma a sɔn chɛndɛ chɛ.

CHƆN 7:37

An bɛnɛ chɛ tee dankama ma, mɔɛ n 'na buɔdia bɔɛ, a kun tɛ tee ni an na. Mbɛ Chisɔsi‑a a kɔɔ sɔ, a koɔ‑a gbankon, a ɔ, “Mɔ ɔ mɔ min kanɛ a gbaaen mu, a mɔɛ chɛ ɛ na n fan tena, a ni a min.

CHƆN 8:2

Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

CHƆN 8:20

Chisɔsi na‑a chɛ gbɛɛ fɔ tima min na, a ni Yataa 'a kata ɔ wan, ɛ mɔɛ n kan‑da. A ni kaina chɛ baima wan, kakaa chɛ n ni ka si ɔ kaina min, an ni boo fenɛ n be ka Yataa ma, kakaa miin dɔ. Mɔ ɔ mɔ nii ma a bia ni nɔ, a mu min na, a bia tima min yianden ni, a nii ma che nin bɛ.