CHƆN 6:70 - Yataa 'a Dɔbɛnɛ Nama

⁷⁰ Chisɔsi ɔ, “N fan‑na n boo sɔ wo mɔ tan kun ma fea n chɛ n ma, ma koe a n fɛ, a ee ka wan? Chɛɛ Sitana faa an mbe wo dɔndɔ bu ɔ.”

CHƆN 6:70 ပူးပေါင်းရင်းမြစ်များ

CHƆN 13:18

“N mbe ee bai chɛ fɔ tena wo gbɛɛ an ko a. N‑na a ɔ sɔn fan, n‑na n boo sɔ mɔɛ miin sima ma, ma koe a n fɛ. Chɛɛ Yataa 'a gboo‑a min fɔ, ɛ bɔ‑a wan a a. A‑a a fɔ wan, a ɔ, ‘Nn fea mɔɛ min na, nn mbe n 'na daun fenɛ ɔ du, a bun‑da n chɛɛ‑a.’

CHƆN 13:2

Chisɔsi ni gbɛ yɛɛ ma daun fenɛ an ma kɔn tena, an bɛ a fɛ denɛ n na. A tima chɛ a, Sitana chɛen fan ni gbɛ Chudasi faa ɔ, Chisɔsi ma tachɛ koe a, chɛɛ ma nyɔnɛ n ma. Chudasi chɛ ni kai Saimɔn Isikayɔti 'a denɛ an na.

CHƆN 13:21

Bai chɛ fɔenɛ gbakɔ Chisɔsi boo ɔ, a faa ni mɔnɛ tena wan kaka. Mbɛ a‑a a fɔ den a fɛ denɛ n ye, a ɔ, “N mbe chɛ ma din‑da wan wo tena, mbɛ wo dɔndɔ, ɛ na tena wan n ma tachɛ‑a, chɛɛ ma nyɔnɛ n ma.”

CHƆN 13:27

Chudasi ɛ biidi chɛ bia‑a dechee, mbɛ Sitana bea‑a a fɛ. Mbɛ Chisɔsi ɔ a ma, a ɔ, “I 'a wai i boo ɔ, a chɛ, a a gbandia.”

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:19

Ni wo ni wan an 'na kuiɛ dɔndɔya ɔ dunya chɛ ɔ, an ni wo ya wan an sima a, mbɛ wo ko a dia‑a an ye. Chɛɛ n‑na wo bɔ wan an 'na dunya ɔ, a sin‑na a ma, wo bɛ ma to an na. Chɛ an fɛ mu, an tooenɛ ɛ wo a.

CHƆN 17:12

Tima min na nn bɛ ni an na, n na‑a an kun ma fɛn fan chɛndɛ chɛ. N na‑a chɛ ma i 'a gbasaya ɔ wan, i na‑a gbasaya min be n ma. A sin, n ma fo nin bɛ an dɔndɔ wɛɛ a. Chɛɛ an dɔndɔ mu dechee, i na‑a min bakoe fɔ, mbɛ a tana ɛ na‑a wan a wandi nimisa‑a. Chɛ ɛ ma‑a wan, min mbe a ma, min nyɛnden mu i 'a gboo ɔ, a ni bɔ a a.

CHƆN 2:2

Mbɛ Chisɔsi wɛɛ, an ni a chee sonda an na, an bɛn chɛ ɔ, an bɛ a fɛ denɛ n na.

CHƆN 20:24

Tɔmɔsi, an ni min chee, an dɔ, Fɛn Kai, fɛ den tan kun ma fea chɛ n dɔndɔ ni a a. Chɛɛ a nii a bɔɛ chɛ n tɛ ɔ, Chisɔsi na‑a a wandi yian ka tima min na.

CHƆN 6:64

Chɛɛ wo dɔ n ban‑da wo kai fa koe a n na.” Chisɔsi na‑a chɛ fɔ, koe min na mu, a na‑a a ɔ sɔn fan, a ka a fɛ denɛ n chee tima ma, an fɛn mbe ee na‑a an kai fa‑a a a. A yɛ to, an tɛ ɔ, min bɛɛ ɛ na‑a a ma tachɛ‑a, a chɛɛ ma nyɔɛ n ma.

CHƆN 6:67

Chɛ ko a, Chisɔsi‑a a fɛ den tan kun ma fea n dɔ tisa, a ɔ, “Wo wɛɛ to, wo e to‑a wan, wo ni ka n fɛ?”

CHƆN 6:71

A da a bai chɛ sien ni ka Chudasi an ma, kai Saimɔn Isikayɔti 'a denɛ. Koe min na mu, Chudasi ni wɛɛ boo ɔ boo Chisɔsi fɛ den tan kun ma fea chɛ n dɔndɔ a, chɛɛ a wan ni danka tena Chisɔsi ma tachɛ‑a, chɛɛ ma nyɔɛ n ma.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHISƆSI 'A SƆ MƆƐ NU 13:10

mbɛ a ɔ, “I wan, Sitana 'a denɛ. Ko chɛndɛ kan kɔ kan chɛɛ ma nyɔɛ mu i a. Chɛwɛɛ yama yama gbɛɛ ɛ i ɔ, mɔɛ n bun koe a. A sin, e butuin chɛ tena wan tima ɔ tima, i ni Mansa Yataa 'a tea mun fania a.

1 TIMOTI 3:11

A musu n bɛɛ sɔnɛ a ni dondan, an ma tɔ ɔ tɛ chɛ, an ni ma basɔmaya tɔɛ n na, an tandenɛ ni ma ko ɔ ko ɔ.

TAITƆSI 2:3

A fɔ musu ma taenɛ n bɛɛ ye, an ni baa be Yataa ma an sɔnɛ n dɔ. An ma ma yɔnɛ a gbɛ ko a, an ma tɔ ɔ tɛ yama chɛ. An mbe kanɛ min chɛ, a ni ma kan chɛndɛ a.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.