CHƆN 6:7 - Yataa 'a Dɔbɛnɛ Nama

⁷ Mbɛ Fiipi ɔ, “Min mbe a ma mɔ ɔ mɔ ni daun fenɛ sima daun, a kɔpɔɛ chɛ, ɛ ta wan kau sɛi pawa ɔ, daun fen chɛ san koe a.”

CHƆN 6:7 ပူးပေါင်းရင်းမြစ်များ

MATIU 18:28

“Chɛɛ kamin chɛ ta‑a kɛn dechee, mbɛ a‑a a bɔ wai chɛ mɔ dɔndɔ tan. A 'a kuiɛ ni wan a ma kɔpɔɛ a min sɛmbɛnden ni ɛnden na. Mbɛ a‑a a bɔɛ chɛ bia a kanɛ a fɔin, a ɔ, ‘N 'na kuiɛ min gbɛɛ ɛ i ma, a bɔ bi.’

MAKI 6:37

Chisɔsi ɔ, “Wo wandi gbu, wo fen den be an ma, an ni a daun.” Mbɛ an dɔ, “Wuo! Nn mbe ee kun kau sɛi pawa ma sɔn‑da, nn ni biidi samba sɛsɛ san, an da kɔ koe a.”

CHƆN 1:43

A banda ka dɔndɔɛ ma, mbɛ Chisɔsi‑a a yii na chii, mbɛ a‑a Kadidi chɛnyɛ ɔ chia bia. Mbɛ a‑a Fiipi yan, mbɛ a ɔ te a ma, a ɔ, “Na, i ni ma n fɛ denɛ a.”

CHƆN 1:44

Fiipi chɛ, a na‑a ka Besaida wan, duu chɛ, Anduu an fea Pita a, an baa a.

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 1:46

Mbɛ Natanɛɛ ɔ, “Nasaɛti chɛ, fen kɔ fen mbe che wan bɔ‑a nɔ, min mbe ma tɔnɔnɛ a mɔ gbu tena?” Mbɛ Fiipi ɔ, “Na, i ni a yen.”

CHƆN 1:48

Natanɛɛ‑a a ɔ tisa, a ɔ, “I ma‑a ka ma, i‑a n sɔn?” Chisɔsi ɔ, “Fiki kɔn chɛ kɔɔ, n‑na i yen nɔ wan, Fiipi e na to i chee‑a.”

CHƆN 12:5

“A ni nyan‑da wan, sunkun chɛ ni ma‑a tu bonda chɛ ma tachɛ‑a, tee chɛmɛ sawa debea pawa a, mbɛ a‑a a 'a kɔpɔɛ chɛ be yɔn tɔɛ n ma.”