Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 6:63 - Yataa 'a Dɔbɛnɛ Nama

63 Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.

အခန်းကိုကြည့်ပါ။ ကော်ပီ




CHƆN 6:63
31 ပူးပေါင်းရင်းမြစ်များ  

N Fa, ɛ mɔɛ n kɔɔ sɔ wan, a ka saya ɔ, ɛ fɔɛ be an ma. A chia dɔndɔ gbe chɛ a mu, n bɛɛ, n mbe fɔɛ be‑a chɛ n ma, n toen mu n ni a be miin ma.


Mbɛ Saimɔn Pita ɔ, “Mansa, nn mbe ta‑a gbɛ nyɔn tena? A yen ko, i da a bai, an mbe a ma kɛn, mɔ gbu ni kuɔ fɔ fɔɛ ma sɔn.


“Wo ta Yataa 'a kata ɔ, mbɛ wo‑a bai sa mɔɛ n tena, a si fɔɛ nama chɛ ma.”


Chɛ ɛ a ɔ yian fan gbɛ, mbɛ mɔɛ n mbe sakana bai chɛndɛ min na min tena ka, an mbe a ma tena an mbe an kai fa tena Chisɔsi Chasi a. A sin to, mɔɛ n mbe sakana bai chɛndɛ chɛ a min tena wan, mɔɛ n mbe min fɔ tena an ye a si Chisɔsi ma.


Mɔɛ a kamincha chɛ, Yataa boo ɛ wan a kɔɔ, ni a mɔɛ chɛ ɛ tachɛ tena wan Yataa 'a sawa chɛ n na. Chɛɛ ni a mɔɛ chɛ ɛ sawa chɛ yɔn tena wan, mbɛ a ni fisa wɛɛ ni a a nii ma kamincha nin bɛɛ.


A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.


A gbu sin, a nyɛnden mu ka wan Yataa 'a gboo ɔ, mbɛ mɔ kaima saa saa, min tɔ ni Adami, Yataa‑a fɔɛ be wan a ma. Mbɛ Adami dankama sin, a mu Yataa Nyina an na, min mbe fɔɛ be.


Ni mmɔ ɛ fɔɛ chɛ ɔ, mmɔ tachɛ Yataa Nyina gbee a, mbɛ mmɔ bea‑a chia chɛ fɛ, Yataa Nyina ɛ mmɔ sɔ‑a min ma.


Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.


An ni mɔ a kamincha, an ma i a kamincha, chɛ ma ko a, ɛnden bɛɛ a. Min mu dechee koe a, an nɛ, Yataa‑a a mɔɛ chɛ ma mɔ nama a.


Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.


Ni wai mɛsɛ chɛ ɛ gboo ɔ gbɛa be wan mɔ ma, mbɛ Yataa 'a wai sin nyin fan chia ɔ chia a. A mu min na, mmɔ‑a a 'a tɔnɔnɛ ma sɔn fan bi tee chɛ a, a basan ya ɔ ma a.


Wo ma dɔn kan sɛsɛ nu, miin kaen mu sakana bai chɛndɛ chɛ ma, an ni wo ka Yataa chia ma. A nyin mmɔ ni faa sɔɛ ma sɔn, koadia demanɛ ɔ, Yataa ɛ min chɛ. Chɛ benden mu bea koe ma sawa n fɛ, miin sien mu daun fenɛ n ma. Mɔɛ miin mbe bea sawa chɛ n fɛ, an nii ma an deman ni.


Koe min na mu, Yataa 'a bai, fɔɛ an mbe a ɔ, a sin gbasa. A ɛ wan dechee yɔ mɛ, min na saen mu kaka. A ɛ kun fan don koe a mɔɛ gboo ɔ chɛndɛ chɛ, a ni che a faa ma. Mbɛ fenɛ min be a ɔ, a yen‑da. Mbɛ mɔɛ chɛ 'a yiinachii, a basan a faa ma koe n na, an dɔ sɔn‑da.


Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.


A mu min na, Yataa‑a a ma wan, wo suun‑da to a nama a. Wo 'a fɔɛ nama chɛ, wo woo mɔɛ nu dunya ma, an fan ma a be ni wo ma. Koe min na mu, an‑na fɔɛ min be wo ma, ɛ danka‑a saya an dɔ. Chɛɛ fɔɛ nama chɛ tana, ɛ ma‑a wan kuɔ fɔ ko a. Koe min na mu, Yataa da a bai chɛ, fɔɛ ɛ min dɔ, ɛ ma‑a wan nɔ kuɔ fɔ ko a.


An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.


Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ