CHƆN 6:62 - Yataa 'a Dɔbɛnɛ Nama

⁶² Mbɛ a ɔ, “Chɛ ɛ wo faa mun‑da wan gbɛ yama yama. Ni wo‑a a ya gbɛ, mbɛ wo‑a n yen, n fan Mɔ Gbu 'a Denɛ, n mbe sɛ‑a to kaina chɛ, n ka‑a kaina min.

CHƆN 6:62 ပူးပေါင်းရင်းမြစ်များ

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

DUKU 24:51

A to‑a an dua an na, mbɛ a bɔ‑a an tɛ ɔ, mbɛ Yataa‑a a ya a sɛ‑a a a banda bu ɔ.

CHƆN 16:28

N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 17:11

Sanche chɛ ɔ gbɛ, n mbe chia an na, na koe a i tena. N tana, ɛ gbɛ buɛ min dɔ, n mbe ee ma tena to dunya chɛ ɔ. Chɛɛ an tana, an mbe wɛ nɛ chɛ a ɔ. Fa, i wɛn kan nyɔ ee, an kun ma fɛn, min mbe a ma, an ni ma mɔ dɔndɔɛ a an nyɔn tena, yɔ mɔ ɛ buɛ min dɔ. Chɛ ma i 'a gbasaya ɔ, i na‑a gbasaya min sima be n ma.

CHƆN 3:13

A sin ko, mɔ ɔ mɔ ma sɛ nin bɛ banda bu ɔ, mɔɔ dechee n fan, Mɔ Gbu 'a Denɛ. N fan ka‑a nɔ, n yii‑a nɛ dunya chɛ ɔ.

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 6:42

Chɛ‑a a ma wan, an dɔ, “Mɔna chɛ an nɛ, Chisɔsi, Chosɛfi 'a den chɛ. An ma chɛ a? Mmɔ‑a a fa sɔn fan, an fea a de a. Ɛ ma ka ma gbɛ, a ni a fɔ to mmɔ ye, mbɛ a ka‑a banda bu ɔ wan, a yii‑a nɛ?”

CHƆN 6:53

Mbɛ Chisɔsi ɔ, “Ka n mbe a ma din to wo tena, mbɛ mɔɔ ni wo‑a n gboo daun, n fan Mɔ Gbu 'a Denɛ, wo ni n wii min, wo e na to ma‑a fɔɛ ɔ.

CHISƆSI 'A SƆ MƆƐ NU 1:9

Chɛ fɔenɛ gbakɔ, a 'a sɔ mɔɛ n ya to‑a wan a a, aan a ya‑a a sɛ banda bu ɔ. Mbɛ a don‑da dingbii ɔ, a tuin‑da an ya a.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.