54 Chɛɛ mɔ ɔ mɔ min mbe n gboo daun‑da, mbɛ a‑a n wii min, kuɔ fɔ fɔɛ an mbe a ko a. A sin, n mbe a kɔɔ sɔ‑a wan saya ɔ, a yɛ to fɔɛ ɔ, tee dankama ma.
Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”
Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”
Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.
N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.