Chɛɛ Chisɔsi na‑a a ɔ sɔn fan, an ni koe min tɛnsɛ tena an nyɔn tɛ ɔ. Mbɛ a‑a a fɔ an ye, a ɔ, “Wo 'a danaya ɔ dɔɔ n ko a. Ni chɛ ma, wo yiima nii ta biidi ko ɔ.
Mbɛ Chisɔsi n che‑a Kapanaun duu ɔ. An don‑da kɛn chenɛ a, a‑a a fɛ den chɛ n dɔ tisa, a ɔ, “Wo ni wan chia ɔ bɔɛ chɛ‑a, mmɔ ɛ kɛn na‑a chia a. A sien ni fen ma?”
Chisɔsi na‑a a ɔ sɔn fan, mbɛ an toen fan ni ka, an ni a ɔ tisa. Mbɛ a ɔ, “N dɔ, wo ee na tena to n yen‑da, n dɔ, a ɔ ee mɛ tena to. Mbɛ n dɔ te to, wo e n yen‑da wan, n dɔ, a ɔ ee mɛ tena to. N‑na a ɔ sɔn fan, mbɛ chɛ gbu an‑na wo kɔndɔ fii ka.
Chɛ‑a a ma wan, an dɔ, “Mɔna chɛ an nɛ, Chisɔsi, Chosɛfi 'a den chɛ. An ma chɛ a? Mmɔ‑a a fa sɔn fan, an fea a de a. Ɛ ma ka ma gbɛ, a ni a fɔ to mmɔ ye, mbɛ a ka‑a banda bu ɔ wan, a yii‑a nɛ?”
Chɛɛ wo dɔ n ban‑da wo kai fa koe a n na.” Chisɔsi na‑a chɛ fɔ, koe min na mu, a na‑a a ɔ sɔn fan, a ka a fɛ denɛ n chee tima ma, an fɛn mbe ee na‑a an kai fa‑a a a. A yɛ to, an tɛ ɔ, min bɛɛ ɛ na‑a a ma tachɛ‑a, a chɛɛ ma nyɔɛ n ma.
A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.
