CHƆN 6:41 - Yataa 'a Dɔbɛnɛ Nama

⁴¹ Mbɛ mɔɛ chɛ n bun‑da gbonyɛ‑a an nyɔn tɛ ɔ, a si a ma. An dɔ, fen mu ɛ a fɔ, a ɔ, a wan mu daun fenɛ chɛ a, Yataa na‑a min na yii a ka banda bu ɔ.

CHƆN 6:41 ပူးပေါင်းရင်းမြစ်များ

DUKU 15:2

Chɛɛ Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ n na, an bun‑da gbonyɛ‑a Chisɔsi a, an dɔ, “Kamin chɛ ɛ a boo si wan mɔɛ chɛ n bɛɛ kɔɔ, miin mbe ee sɔ ɔ Yataa 'a chia ma, mbɛ an‑na daunɛ chɛ kaina dɔndɔ.”

DUKU 19:7

Mɔɛ miin gbɛɛ‑a koe chɛ ɔ yen ka, an bun‑da gbonyɛ‑a, an dɔ, “A yen bɛ, ɛ ta‑a kamin chɛ 'a sondaya a, min mbe ee sɔ ɔ Yataa 'a chia ma.”

DUKU 5:30

Mbɛ Chu mɔɛ dɔ nu miin ni Fayisii n na, an bɛ an 'na mɔɛ n na, miin ni Chu n 'na sawa kan, an bu ɔ nii ma dia ni. An gbonyɛ‑a wan Chisɔsi a, a fɛ denɛ n tena, an dɔ, “Wo kan mɔ ee ka ko chɛndɛ a. A ma nyin wo ni daunɛ chɛ kaina dɔndɔɛ, wo bɛ pawa kain mɔɛ chɛ n na, a basan mɔ dɔ gbɛɛ n bɛɛ a, miin mbe ee sɔ ɔ Yataa 'a chia ma.”

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 6:33

A mu min na, daun fen chɛ, Yataa‑a min be, a mu chɛ an na, min ka‑a banda bu ɔ, a yii‑a, a‑a fɔɛ be dunya ma.”

CHƆN 6:43

Mbɛ Chisɔsi ɔ, “Wo sɛmbɛ wo kunɛ ma tɔɔ koe a.

CHƆN 6:48

N fan mu daun fen chɛ a, fɔɛ be koe a.

CHƆN 6:58

Chɛ an‑na a fɔ, daun fen chɛ an yii‑a, a ka banda bu ɔ. Wo bemba n ta bemba n‑na daun fen chɛ daun fan, an ni min chee, an dɔ, mana, chɛɛ an fa‑a wan a gbakɔ. Chɛɛ chɛ tana, a ee ka. Mɔ ɔ mɔ min mbe daun fen chɛ daun‑da, ɛ a ma‑a wan, a ni kuɔ fɔ fɔɛ ma sɔn.”

CHƆN 6:60

Chisɔsi fɛ denɛ n sɛsɛ, an fandi gbu na‑a a fɔ wan, an dɔ, “Kan chɛ nɛnɛ kɔ gbɛ. Nyɔn mbe che a too ma sɔ‑a chɛ ma?”

CHƆN 6:66

A ka gbɛ a tima chɛ ma, Chisɔsi fɛ denɛ n sɛsɛ yiima mun‑da, an ka‑a a fɛ.

CHƆN 7:12

Mɔ fanka chɛ ni wan bai sɛsɛ sa‑a an da kɔɔ, a si Chisɔsi ma. An dɔ n dɔ, “Mɔ chɛndɛ an nɛ mɔna chɛ a.” Dɔ n sin dɔ, “A ee ka. Mɔ bun mɔɛ gbama an nɛ.”

GBOO SAA KƆYINDI KO A 10:10

Wo sin gbu ma gbonyɛ wɛɛ chɛ. An dɔ n‑na a ma ka wan to, mbɛ kasaa chɛ maeka na‑a, a‑a an kasaa.

CHUDA 1:16

An mɔ bonda chɛ nu, an faa ee chima, tima ɔ tima an mbe gbonyɛ‑a. An sin, an faa ma koe yama nu, an mbe bea an fan fɛ. A yɛ to, an da ɔ yonka koo, an sin mbe da ma dia bai n sa wan mɔ dɔ mende n tena, min mbe a ma dechee, an faa ma koe ni chɛ an ye.