CHƆN 6:40 - Yataa 'a Dɔbɛnɛ Nama

⁴⁰ A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

CHƆN 6:40 ပူးပေါင်းရင်းမြစ်များ

MATIU 10:15

N ni a ma din wo tena, mɔ yama chɛ nu suun Sɔdɔn duu ɔ, an fea Komoa a, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

DUKU 2:30

N‑na i 'a mɔɛ yen gbɛ pɛnɛnɛ, min na‑a bauncha a.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 11:24

Mbɛ a ɔ, “N‑na chɛ ɔ sɔn fan, mbɛ ɛ a kɔɔ sɔ‑a wan to saya ɔ, a ni yɛ fɔɛ ɔ. Chɛ ɛ ma‑a wan, tee dankama nɛnɛ ma, mɔɛ gbɛɛ ɛ ma‑a a kɔɔ sɔ‑a, a ka saya ɔ.”

CHƆN 11:25

Mbɛ Chisɔsi ɔ te to a ma, “N fan mbe a ma, mɔɛ n mbe an kɔɔ sɔ, a ka saya ɔ, mbɛ n‑na a ma to, an‑na fɔɛ ma sɔn. An ni a fɔ mɔɛ ni fa wɛɛ, ɛ a tun fan ma koe a fɔɛ ɔ, ni a kai faen fan ni n na.

CHƆN 12:45

Mɔ ɔ mɔ min‑na n yen, a‑a Fa an yen ka, min‑na n sɔ.

CHƆN 12:50

A sin, n‑na a ɔ sɔn fan, mbɛ ɛ min sin fɔ n ye, an mbe a ma mɔɛ n ni kuɔ fɔ fɔɛ ma sɔn. Chɛ an fɛ mu, n mbe min fɔ, an nɛ dechee Fa‑a min fɔ n ye, a fɔ koe a.”

CHƆN 14:17

An Nyina chɛ, an mbe a ma, mɔɛ n ni tea ɔ sɔn a si Yataa ma. Chɛɛ Yataa wakoe ee mɔɛ miin faa ɔ, an mbe ee che an boo si‑a a kɔɔ. Koe min na mu, an mbe ee che a yen‑da, an sin ma a sɔn. Chɛɛ wo tana, wo‑a a sɔn fan, koe min na mu, wo bɛ mu sanche chɛ ɔ, a sin mbe ma‑a wan wo fɛ ya ɔ ma.

CHƆN 14:19

A ɔ ma yansan to, mbɛ Yataa wakoe ee mɔɛ miin faa ɔ dunya chɛ ɔ, an mbe ee n yen‑da to. Chɛɛ wo tana, wo e n yen‑da wan, koe min na mu, ni n yɛ‑a fɔɛ ɔ, wo wɛɛ, wo e ma‑a wan fɔɛ ɔ.

CHƆN 17:2

Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.

CHƆN 3:36

Mɔɛ min mbe a kai fa‑a Yataa 'a denɛ a, ɛ kuɔ fɔ fɔɛ ma sɔn‑da wan. Chɛɛ mɔɛ min mbe ee a kai fa‑a a 'a Denɛ a, a ee kuɔ fɔ fɔɛ ma sɔn‑da. Koe min na mu, Yataa faa tɛenɛ an mbe ma‑a a ma.

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 6:39

A sin, a wɛn‑na n sɔ, a faa ma koe n fan nɛ. Mbɛ n ma fo a 'a mɔɛ chɛ n dɔndɔ wɛɛ a, mɔɛ chɛ nu, a‑a miin be n ma. Chɛɛ tee dankama ma, n ni a ma, an gbɛɛ kɔɔ ni sɔ, a yɛ fɔɛ ɔ.

CHƆN 6:44

Mɔ ɔ mɔ ee che na‑a n tena, mɔɔ ni Fa‑a a ma, a na‑a n tena. A sin, n mbe a ma‑a wan, a ni a kɔɔ sɔ saya ɔ tee dankama ma.

CHƆN 6:54

Chɛɛ mɔ ɔ mɔ min mbe n gboo daun‑da, mbɛ a‑a n wii min, kuɔ fɔ fɔɛ an mbe a ko a. A sin, n mbe a kɔɔ sɔ‑a wan saya ɔ, a yɛ to fɔɛ ɔ, tee dankama ma.

CHƆN 8:56

Wo bɔ kɔnkɔɛ, Ebeami, a bu ɔ ni di wan, a ni tima min na tee chɛ ma kɔn‑da, n na koe a. A na‑a n yen fan, a sin, a bu ɔ dia‑a wan.”

GBOO DOMI KO A 5:21

N da a bai kunɛ a bia koe a, ko yama‑a gbasaya ɔ yian buɛ min dɔ saya ɔ, Yataa 'a koadia demanɛ a ta gbasaya wɛɛ ɔ, mmɔ ya‑a ka wan mɔ tandenɛ n na a chen kɔɔ. Chɛ‑a a ma wan, mmɔ‑a kuɔ fɔ fɔɛ ma sɔn, mmɔ 'a mansa Chisɔsi Chasi‑a min be.

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

GBOO IBU MƆƐ N KO A 11:1

Mɔɛ min yii na tɛen mu fen chɛ n ma, Yataa na‑a a too ɔ dia miin na, a yɛ to, mɔɛ min dandenɛ ɛ koe n na, a ya ma miin dɔ yen ni, a mɔɛ chɛ an kai faen mu Yataa a.

GBOO IBU MƆƐ N KO A 11:27

Mosisi na‑a a kai fa wan Yataa a, mbɛ a bɔ‑a Ichipi chɛnyɛ ɔ. A sin, chian bɛɛ nii a ɔ, a si mansa wa chɛ faa tɛ koe ma. A na‑a ma wan dechee, yɔ Yataa ni wan a ya kɔɔ, mɔ ɔ mɔ ee min yen. A sin na‑a a ma wan, a na‑a a faa bia.

1 PITA 1:8

Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

CHUDA 1:21

Wo ma bɔ Yataa 'a koadia kɔɔ. Wo chinchimaya chɛ ma kɔn, mmɔ 'a mansa Chisɔsi Chasi ɛ min chɛ‑a, min mbe na‑a kuɔ fɔ fɔɛ a.