CHƆN 6:39 - Yataa 'a Dɔbɛnɛ Nama

³⁹ A sin, a wɛn‑na n sɔ, a faa ma koe n fan nɛ. Mbɛ n ma fo a 'a mɔɛ chɛ n dɔndɔ wɛɛ a, mɔɛ chɛ nu, a‑a miin be n ma. Chɛɛ tee dankama ma, n ni a ma, an gbɛɛ kɔɔ ni sɔ, a yɛ fɔɛ ɔ.

CHƆN 6:39 ပူးပေါင်းရင်းမြစ်များ

MATIU 10:15

N ni a ma din wo tena, mɔ yama chɛ nu suun Sɔdɔn duu ɔ, an fea Komoa a, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

MATIU 18:14

A chia dɔndɔ gbe chɛ a mu, Fa Yataa wɛɛ, min mbe banda bu ɔ, a ma to ni n fɛ denɛ den tachɛen bɛɛ ni fo kuɔ fɔ fɔɛ a.”

DUKU 12:32

Chisɔsi ɔ, “Wo wɛn mbe n fɛ, wo ma kɔkoo, chɛɛ wo ma chian. A a di wan Fa Yataa ye, na koe a wo a, a 'a mansaya kɔɔ.

CHƆN 12:48

Mɔ ɔ mɔ min mbe ban‑da n dɔ, a ni a boo bɔ n 'na sakana bai kɔɔ, min mbe kaa a tɛ‑a a wakoe ma, ɛ nɔ. N‑na bai miin fɔ, an fan mbe kaa a tɛ‑a a wakoe ma, a ni tɔɔ. Chɛ ɛ ma‑a wan tee dankama ma, mɔɛ n mbe an kɔɔ sɔ‑a saya ɔ tee min ma.

CHƆN 17:12

Tima min na nn bɛ ni an na, n na‑a an kun ma fɛn fan chɛndɛ chɛ. N na‑a chɛ ma i 'a gbasaya ɔ wan, i na‑a gbasaya min be n ma. A sin, n ma fo nin bɛ an dɔndɔ wɛɛ a. Chɛɛ an dɔndɔ mu dechee, i na‑a min bakoe fɔ, mbɛ a tana ɛ na‑a wan a wandi nimisa‑a. Chɛ ɛ ma‑a wan, min mbe a ma, min nyɛnden mu i 'a gboo ɔ, a ni bɔ a a.

CHƆN 17:2

Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 17:6

“I‑a mɔɛ dɔ n bɔ wan an bɔɛ n tɛ ɔ, nɛ dunya chɛ ɔ, mbɛ i‑a an be n ma, ma koe a n fɛ denɛ n na. A gbu sin, i wan ta ni an na, a sin to, i wan‑na an be n ma. N‑na i wakoe ɔ yian fan an na, an‑na i sɔn. An sin‑na an too ma sɔ wan i da a kuiɛ ma, chɛ gbɛɛ ɔ.

CHƆN 17:9

“I 'a mɔɛ n fan nɛ, i wan‑na an be n ma, n mbe samunɛ chɛ tena an ko a. N mbe ee samunɛ chɛ tena chɛ n fan ko a, i wakoe ee miin faa ɔ.

CHƆN 18:9

A‑a chɛ fɔ, min mbe a ma, a na‑a min fɔ, a ni bɔ a a. A na‑a a fɔ wan, a ɔ, “Fa, n ma fo ni mɔɛ chɛ n dɔndɔ wɛɛ a, i na‑a mɔɛ miin be n ma, an kun ma fɛn koe a.”

CHƆN 5:28

Bai chɛ ma wo da ɔ gbaa, n mbe na tena min fɔ‑a. Tima ɛ che‑a wan, mɔɛ miin gbɛɛ faen mu, an ni n kuiɛ a min.

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

CHƆN 6:44

Mɔ ɔ mɔ ee che na‑a n tena, mɔɔ ni Fa‑a a ma, a na‑a n tena. A sin, n mbe a ma‑a wan, a ni a kɔɔ sɔ saya ɔ tee dankama ma.

CHƆN 6:54

Chɛɛ mɔ ɔ mɔ min mbe n gboo daun‑da, mbɛ a‑a n wii min, kuɔ fɔ fɔɛ an mbe a ko a. A sin, n mbe a kɔɔ sɔ‑a wan saya ɔ, a yɛ to fɔɛ ɔ, tee dankama ma.

GBOO DOMI KO A 8:11

Yataa Nyina, min‑na a ma, Chisɔsi Chasi‑a a kɔɔ sɔ a ka saya ɔ, ɛ wan wo fɛ. A Nyina chɛ sin, min‑na chɛ ma ka, ɛ fɔɛ be‑a wan wo ma, wo wɛn mbe fa ka. Ɛ chɛ ma‑a wan, yɔ a na‑a a ma buɛ min dɔ dechee Chasi a.

GBOO SAA KƆYINDI KO A 6:14

Yataa‑a Mansa Chisɔsi kɔɔ sɔ wan, a ka saya ɔ. A sin mbe a ma‑a ka wan, mmɔ wɛɛ ni mmɔ kɔɔ sɔ, a ka saya ɔ, a 'a gbasaya dɔndɔ gbe chɛ ɔ.

2 TIMOTI 2:19

Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”

CHIMISI 5:15

An mɔɛ chɛ n 'na samunɛ, danaya ɔ, ɛ a ma‑a wan, Mansa Yataa ni an mɔɛ chɛ baun, a ni a kɔɔ sɔ gbandi chɛ ɔ. Ni a sin na‑a ko yama kan kɔ kan ma, Yataa ɛ a boo bɔ‑a wan a ɔ. A mu min na, an‑na a ɔ yian, mbɛ an kai faen fan mu Yataa a.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.