CHƆN 6:38 - Yataa 'a Dɔbɛnɛ Nama

³⁸ A mu min na, n yii‑a dunya ɔ, Fa Yataa faa ma koe an chɛ koe a, a wan‑na n sɔ. Chɛɛ n ma na ni n fandi ta faa ma koe an fan chɛ koe a.

CHƆN 6:38 ပူးပေါင်းရင်းမြစ်များ

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

CHƆN 3:13

A sin ko, mɔ ɔ mɔ ma sɛ nin bɛ banda bu ɔ, mɔɔ dechee n fan, Mɔ Gbu 'a Denɛ. N fan ka‑a nɔ, n yii‑a nɛ dunya chɛ ɔ.

CHƆN 3:17

Koe min na mu to, Yataa ma a 'a Den chɛ a na ni dunya ɔ, kaa an na tɛ koe a mɔɛ n ma, a ni an tɔɔ. Chɛɛ a‑a a a na, a ni ma an kun ka mɔɛ a.

CHƆN 3:31

Mɔɛ chɛ, min ka‑a banda bu ɔ, a benden mu mɔɛ gbɛɛ ma, tea ko a. Mɔɛ chɛ sin tana min mbe dunya chɛ ɔ, ɛ bai sa a si dunya ma koe n fan ma dechee.

CHƆN 4:34

Mbɛ Chisɔsi ɔ, “Min 'na dɛya mu n na, ni n‑na a faa ma koe ma, n ni a 'a wai a ban, a‑a n sɔ min na, an mu n 'na daun fenɛ a.

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHƆN 5:30

Chisɔsi ɔ, “N mbe ee ko ɔ ko ma n ta gbasaya ɔ. Fa Yataa ɛ a fɔ buɛ min dɔ n ye, n mbe kaa a tɛ ka wan. Chɛ an fɛ mu, n sin mbe tea kaa an na tɛ. Tea mu chɛ a, koe min na mu, n mbe koe miin ma, n fandi faa ma koe n ma. Chɛɛ n mbe koe miin ma dechee, an fan nɛ chɛ n na, min‑na n sɔ, a toen mu miin na.

CHƆN 6:29

Mbɛ Chisɔsi ɔ, “Yataa toen mu wo ni koe min ma, an nɛ wo dan koe a n na, a‑a n fɛn sɔ.”

CHƆN 6:33

A mu min na, daun fen chɛ, Yataa‑a min be, a mu chɛ an na, min ka‑a banda bu ɔ, a yii‑a, a‑a fɔɛ be dunya ma.”

CHƆN 6:42

Chɛ‑a a ma wan, an dɔ, “Mɔna chɛ an nɛ, Chisɔsi, Chosɛfi 'a den chɛ. An ma chɛ a? Mmɔ‑a a fa sɔn fan, an fea a de a. Ɛ ma ka ma gbɛ, a ni a fɔ to mmɔ ye, mbɛ a ka‑a banda bu ɔ wan, a yii‑a nɛ?”

CHƆN 6:57

Fa min mbe fɔɛ be, an‑na n sɔ dunya chɛ ɔ, a sin fan‑na a ma to, n mbe fɔɛ ɔ. A chia dɔndɔ gbe chɛ a, mɔ ɔ mɔ min mbe n gboo daun‑da, n bɛɛ, n mbe a ma‑a ka wan, an ni ma fɔɛ ɔ.

GBOO DOMI KO A 15:3

Koe min na mu, Chisɔsi wandi gbu wɛɛ, a nii a wandi faa ma koe n fan ma. Yataa 'a gboo‑a a fɔ, a si a ma, a ɔ, “Main chɛ, mɔɛ n‑na min chɛ Yataa a, an‑na a chɛ ka n fan na.”

Gboo Ɛfisɔsi Ko A 4:9

A fɔ koe chɛ, “a sɛ‑a aan, a sɛ‑a” a ma sɔ ni ko dɔ mende ko a. Chɛɛ a fɔenɛ an nɛ, mbɛ Chasi e na to sɛ‑a, a na‑a yii wan faa mɔɛ n tena, duu gboo kɔɔ.

GBOO IBU MƆƐ N KO A 5:8

Chɛɛ a ni wɛɛ boo ɔ boo Yataa 'a denɛ a, a na‑a mɔnɛ ɔ bia wan. Chɛ an gbu na‑a a ma, a‑a a yiima ɔ bɛn, kooya be koe a Yataa ma.