CHƆN 6:35 - Yataa 'a Dɔbɛnɛ Nama

³⁵ Mbɛ Chisɔsi ɔ, “N fan mu daun fen chɛ a, kuɔ fɔ fɔɛ be koe a. Ni mɔ ɔ mɔ na‑a n tena, mbɛ a‑a a kai fa n na, kɔnkɔ ee a mɔɛ chɛ bia‑a to kuɔ fɔ, a sin, a kanɛ wɛɛ a ee gbaa‑a to.

CHƆN 6:35 ပူးပေါင်းရင်းမြစ်များ

MATIU 11:28

“Wo wɛn kanɛ ɔ faenɛ ɛ wo 'a suun fanka ma kɔɔ, wo na n tan. Wo na, n mbe wo deman, wo ni wo suin.

DUKU 6:25

Koe chɛ n mbe yaua‑a gba, miin mbe wo tan‑da, wo wɛn bu faen mu gban sanche. Kɔnkɔɛ ɛ wo bia‑a wan. Koe chɛ n mbe yaua‑a gba, miin mbe wo tan‑da, wo wɛn mbe yɛn tena sanche. Wo e chinchin di chɛ‑a wan.

CHƆN 4:15

Mbɛ musu chɛ ɔ, “Kai, an yii chɛ be n ma, n mbe a min, min mbe a ma‑a, n kanɛ a ee gbaa‑a to kuɔ fɔ ko a. N mbe ee ma‑a to yii chɛ ɔ chia ma, yii bɔɛ a tee ɔ tee a.”

CHƆN 5:40

Chɛɛ chɛ gbɛɛ ɔ, wo ma to ni wo ni na n tena, min mbe a ma, wo gbu ni an fɔɛ chɛ ma sɔn.

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:41

Mbɛ mɔɛ chɛ n bun‑da gbonyɛ‑a an nyɔn tɛ ɔ, a si a ma. An dɔ, fen mu ɛ a fɔ, a ɔ, a wan mu daun fenɛ chɛ a, Yataa na‑a min na yii a ka banda bu ɔ.

CHƆN 6:65

Mbɛ a yɛ‑a to, a ɔ, “Kun chɛ gbu ko a mu, n‑na a fɔ wo ye, n dɔ, mɔ ɔ mɔ ee che na‑a n tena, mɔɔ ni Fa Yataa‑a gbasaya be a ma, a mɔɛ chɛ ma koe a n fɛ denɛ a.”

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.

KO Ɔ NUNDENƐ 7:16

Kɔnkɔɛ ee an bia‑a to kuɔ fɔ, an kanɛ, a ee gbaa‑a to kuɔ fɔ. Tee wa ee bɔ‑a an ma, a winɛ ni si an dɔ.