CHƆN 6:29 - Yataa 'a Dɔbɛnɛ Nama

²⁹ Mbɛ Chisɔsi ɔ, “Yataa toen mu wo ni koe min ma, an nɛ wo dan koe a n na, a‑a n fɛn sɔ.”

CHƆN 6:29 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

CHƆN 3:36

Mɔɛ min mbe a kai fa‑a Yataa 'a denɛ a, ɛ kuɔ fɔ fɔɛ ma sɔn‑da wan. Chɛɛ mɔɛ min mbe ee a kai fa‑a a 'a Denɛ a, a ee kuɔ fɔ fɔɛ ma sɔn‑da. Koe min na mu, Yataa faa tɛenɛ an mbe ma‑a a ma.

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHƆN 6:28

Mbɛ an dɔ, “Nn mbe fen gbu n ma gbɛ, Yataa toen mu nn ni koe miin ma?”

CHƆN 6:38

A mu min na, n yii‑a dunya ɔ, Fa Yataa faa ma koe an chɛ koe a, a wan‑na n sɔ. Chɛɛ n ma na ni n fandi ta faa ma koe an fan chɛ koe a.

CHƆN 6:57

Fa min mbe fɔɛ be, an‑na n sɔ dunya chɛ ɔ, a sin fan‑na a ma to, n mbe fɔɛ ɔ. A chia dɔndɔ gbe chɛ a, mɔ ɔ mɔ min mbe n gboo daun‑da, n bɛɛ, n mbe a ma‑a ka wan, an ni ma fɔɛ ɔ.

CHISƆSI 'A SƆ MƆƐ NU 16:31

Mbɛ Pɔɔ an fea Sidasi a, an dɔ te, “I kai fa Mansa Chisɔsi a, mbɛ i‑a bauncha ma sɔn, a basan i 'a chen 'na mɔɛ n gbɛɛ a.”

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

CHIMISI 2:22

Wo‑a a ɔ yen fan, mbɛ a kai faen ni buɛ min dɔ Yataa a, an fea a chɛ chɛ wai a, an na kanden fan ni. Koe min na mu, a chɛ chɛ wai na‑a a ɔ yian fan, a kai faen mu buɛ min dɔ Yataa a.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

KO Ɔ NUNDENƐ 2:26

Mɔɛ chɛ n gbɛɛ, miin sɔ‑a gban Yataa ko a, miin mbe ma‑a n da a kuiɛ ma, aan an 'na fɔɛ danka a, n mbe gbasaya be‑a wan an ma, Yataa sɔn bai n kun ma.