CHƆN 6:27 - Yataa 'a Dɔbɛnɛ Nama

²⁷ Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 6:27 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MATIU 6:19

Chisɔsi ɔ, “Wo ma wo 'a nyanɛ a sɔn nɛ dunya chɛ ɔ, chisi n mbe an yɔn kaina min, an mbe kasa‑a kaina. Wo ma a a sɔn kaina, kanka n mbe min te, mbɛ an‑na a kanka.

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MAKI 1:11

Mbɛ kuiɛ a min‑da gbankon, a ka banda bu ɔ. A ɔ, “I mu n 'na denɛ an na, min ko a di n ye kaka. N faa chimaen mu i ko a.”

MAKI 9:7

Mbɛ dingbii yii‑a an kun na, mbɛ Yataa koɔ‑a an dingbii chɛ ɔ. A ɔ, “N 'na denɛ an nɛ, a ko a di n ye kaka. Wo a da a kuiɛ a min.”

DUKU 3:22

Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”

DUKU 9:35

Mbɛ an‑na Yataa kuiɛ a min dingbii chɛ ɔ, a ɔ, “N 'na denɛ an nɛ, n‑na n boo sɔ min ma, wo wo too ma sɔ a ma.”

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 11:42

N gbu n‑na a ɔ sɔn fan, mbɛ e a a min fan tima ɔ tima. Chɛɛ n‑na chɛ fɔ dechee mɔɛ chɛ n fan ko a nɛ, min mbe a ma, an ni dan a a, mbɛ i wan gbu‑a n sɔ nɛ dunya chɛ ɔ.”

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 17:2

Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.

CHƆN 3:15

Chɛ ɛ a ma‑a wan, mɔ ɔ mɔ min kai faen mu n na, an ni kuɔ fɔ fɔɛ ma sɔn.”

CHƆN 3:33

Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

CHƆN 6:47

N mbe chɛ ma din tena wo tena, mbɛ mɔɛ min mbe a kai fa‑a n na, an mbe kuɔ fɔ fɔɛ ma sɔn‑da.

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

CHƆN 6:53

Mbɛ Chisɔsi ɔ, “Ka n mbe a ma din to wo tena, mbɛ mɔɔ ni wo‑a n gboo daun, n fan Mɔ Gbu 'a Denɛ, wo ni n wii min, wo e na to ma‑a fɔɛ ɔ.

CHƆN 6:54

Chɛɛ mɔ ɔ mɔ min mbe n gboo daun‑da, mbɛ a‑a n wii min, kuɔ fɔ fɔɛ an mbe a ko a. A sin, n mbe a kɔɔ sɔ‑a wan saya ɔ, a yɛ to fɔɛ ɔ, tee dankama ma.

CHƆN 6:58

Chɛ an‑na a fɔ, daun fen chɛ an yii‑a, a ka banda bu ɔ. Wo bemba n ta bemba n‑na daun fen chɛ daun fan, an ni min chee, an dɔ, mana, chɛɛ an fa‑a wan a gbakɔ. Chɛɛ chɛ tana, a ee ka. Mɔ ɔ mɔ min mbe daun fen chɛ daun‑da, ɛ a ma‑a wan, a ni kuɔ fɔ fɔɛ ma sɔn.”

CHƆN 6:62

Mbɛ a ɔ, “Chɛ ɛ wo faa mun‑da wan gbɛ yama yama. Ni wo‑a a ya gbɛ, mbɛ wo‑a n yen, n fan Mɔ Gbu 'a Denɛ, n mbe sɛ‑a to kaina chɛ, n ka‑a kaina min.

CHƆN 6:68

Mbɛ Saimɔn Pita ɔ, “Mansa, nn mbe ta‑a gbɛ nyɔn tena? A yen ko, i da a bai, an mbe a ma kɛn, mɔ gbu ni kuɔ fɔ fɔɛ ma sɔn.

CHƆN 8:18

N mu siiya, n fandi ko a. Fa wɛɛ, min‑na n sɔ, a wɛɛ ɛ siiya bɔ tena wan, a si n ma.”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

GBOO DOMI KO A 4:11

A gbakɔ ni gbɛ, Ebeami a kamincha‑a. A sin, a a kamincha koe chɛ, a ni tɔmɔsi an na, a ɔ yian koe a, mbɛ Yataa na‑a a ya pɛn mɔ tandenɛ a, a a e na to kamincha‑a. Chɛ sin na‑a ma, a ɔ yian koe a, mbɛ mɔɛ miin gbɛɛ an kai fa‑a Yataa a, mbɛ a‑a an ya mɔ tandenɛ n na a chen kɔɔ, an mɔɛ chɛ n mbe ma‑a dechee yɔ Ebeami 'a denɛ nu Yataa ta fɛ chia a. An mbe ma‑a wan ka Ebeami tena, an ni a fɔ an na ma kamincha nin bɛɛ.

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

GBOO SAA KƆYINDI KO A 6:13

Wo dɔ n sin mbe a fɔ, wo ɔ, “Daun fenɛ ɛ bu an ko a,” wo ɔ, “bu wɛɛ ɛ daun fenɛ ko a.” A gbu sin mbe ka wan. Chɛɛ tee dɔndɔ a, Yataa ɛ a ma‑a wan, an fea gbɛɛ ee ma‑a to nɔ. Wo gboo ee nɔ, min mbe a ma, wo ni koe tɛ. Chɛɛ wo tachɛ koe mu Chisɔsi ko a, mbɛ wo gboo kɔ koe sin, a ma‑a Mansa Chisɔsi wɛɛ ma.

GBOO SAA KƆYINDI KO A 9:2

Ni mɔ dɔ mende nu, an ma n ya nin bɛɛ Chisɔsi 'a sɔ mɔɛ a, wo nɛnɛ tana, wo ee ka ɛnden bɛɛ a. Wo wan mu tɔmɔsi gbau gbau a, mbɛ Mansa Chisɔsi 'a sɔ mɔɛ mu n na.

GBOO FEAN BƆƐ KƆYINDI KO A 4:18

Koe min na mu, nn yiima ee koe chɛ n fan ma, mɔ gbu ɛ miin yen a ya a. Chɛɛ ɛ fen chɛ n fan ma, mɔ gbu ee min yen a ya a. Mɔ gbu ɛ fenɛ min yen ka a ya a, ɛ ma dechee tima kundu an ko a. Chɛɛ mɔ gbu ee fenɛ min yen a ya a, ɛ ma wan kuɔ fɔ ko a.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Kɔdɔsai Ko A 1:29

N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

Gboo Kɔdɔsai Ko A 2:22

Mɔ gbu n fan‑na sawa chɛ n sa, mbɛ an‑na mɔɛ n kan an ma. Chɛɛ ni mɔɛ ban‑da dechee daun fen chɛ n daun‑da, ko ɔ ko ee to chɛ gbakɔ, an mbe tui wan.

Gboo Kɔdɔsai Ko A 3:2

Wo wo yii sɔ gban fen chɛ n ma banda bu ɔ, fen chɛ nu ma nɛ dunya chɛ ɔ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

2 TIMOTI 2:19

Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”

GBOO IBU MƆƐ N KO A 12:16

Mɔ ɔ mɔ ma ko tɛ ma a ma gbɔsɔɛ a, wo tɛ ɔ. Mɔ ɔ mɔ ma ma wo tɛ ɔ, Yataa wakoe ee min faa ɔ, yɔ Isɔ. Den saa ni a a, chɛɛ a tana, daun fen dɔndɔ gbe ko a, a‑a an tea ma tachɛ wan.

GBOO IBU MƆƐ N KO A 4:11

Chɛ an fɛ mu, mmɔ butuin chɛ, mmɔ ni don an suin tena chɛ. Mmɔ butuin chɛ, mmɔ dɔndɔ wɛɛ ma na bea. Mmɔ ma na bɔ chɛ n gba ɔ, danaya nii miin dɔ.

CHIMISI 1:11

Ni tee bɔ‑a, a a kɔɔen ba a, a winɛ ɛ kɔn fu a kɔnya‑a wan, mbɛ a fuu bɔn‑da. A 'a nyanɛ gbɛɛ yayi‑a. Nyan tɔɛ n bɛɛ, an mbe ka wan. An na ɛ kɔnya‑a wan, mbɛ an fa‑a, an 'na nyanɛ gbɛɛ ɔ.

1 PITA 1:24

Ɛ wan yɔ a nyɛnden mu buɛ min dɔ Yataa 'a gboo ɔ, a ɔ, “Mɔ gbu gbɛɛ maen fan mu yɔ bin gbii, an mbe fa wan. Mɔ gbu 'a dunya ma nyanɛ wɛɛ, ɛ wan yɔ kɔn fu, a ee mɛ a a.

2 PITA 1:17

Koe min na mu, nn bɛ ni nɔ kɔnkɔ duaen chɛ ma, tima min na Fa Yataa‑a basɔmaya wa be mansa Chisɔsi ma. A sin, nn‑na kuiɛ chenama wa a min fan, kamaya ɔ, a ka banda bu ɔ Yataa tena. Kuiɛ chɛ ɔ, “N 'na denɛ an nɛ, a ko a di n ye kaka. N faa chimaen mu a ko a.” Nn fandi gbu an‑na kuiɛ chɛ a min, a ka banda bu ɔ.