CHƆN 6:26 - Yataa 'a Dɔbɛnɛ Nama

²⁶ Chisɔsi ɔ, “N mbe chɛ ma din tena wo tena, koe min na mu, wo e n yan tena. Wo‑a biidi miin daun, wo bu fa‑a gban, an fɛ mu. Chɛɛ an ma a fɔ ni, mbɛ wo‑a kamaya koe chɛ n dɔ gbɛ wan, n‑na miin ma.

CHƆN 6:26 ပူးပေါင်းရင်းမြစ်များ

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

CHƆN 6:14

Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 6:15

Chɛɛ Chisɔsi na‑a a ɔ sɔn kɛn, mbɛ an toen ni, an ni a bia gbasaya a, an ni a din a ma, ma koe a mansa a, a bɔ‑a wan an tɛ ɔ. Mbɛ a dɔndɔ gbe, a‑a a ma sɛ to kɔnkɔɛ ɔ.

CHƆN 6:2

Mbɛ mɔ fanka wa n bea‑a a fɛ, koe min na mu, an na‑a a ɔ yen fan, a na‑a a ma buɛ min dɔ gbandi mɔɛ n baun‑da.

CHƆN 6:24

Mɔ fanka wa chɛ‑a a ɔ yen fan, mbɛ Chisɔsi nii nɔ, n mbe ee baa a fɛ denɛ n ma. Mbɛ mɔɛ chɛ n sɛ‑a dɛndɛ chɛ n dɔ, nɔ tindi chɛ ma, mbɛ an ta‑a Kapanaun, an mbe an ya a kan‑da Chisɔsi a.

CHƆN 6:30

Mbɛ an dɔ, “Mɔɔ ni i‑a kamaya koe ma, nn ni a ɔ yen, a ma koe a, nn ni dan i da a bai a. E fen ma‑a?

CHƆN 6:36

Chɛɛ n‑na a fɔ wan wo ye, mbɛ wo e n yen tena wɛɛ ka boo ɔ boo, wo ee wo kai fa‑a n na.

CHƆN 6:47

N mbe chɛ ma din tena wo tena, mbɛ mɔɛ min mbe a kai fa‑a n na, an mbe kuɔ fɔ fɔɛ ma sɔn‑da.

CHƆN 6:53

Mbɛ Chisɔsi ɔ, “Ka n mbe a ma din to wo tena, mbɛ mɔɔ ni wo‑a n gboo daun, n fan Mɔ Gbu 'a Denɛ, wo ni n wii min, wo e na to ma‑a fɔɛ ɔ.

CHƆN 6:64

Chɛɛ wo dɔ n ban‑da wo kai fa koe a n na.” Chisɔsi na‑a chɛ fɔ, koe min na mu, a na‑a a ɔ sɔn fan, a ka a fɛ denɛ n chee tima ma, an fɛn mbe ee na‑a an kai fa‑a a a. A yɛ to, an tɛ ɔ, min bɛɛ ɛ na‑a a ma tachɛ‑a, a chɛɛ ma nyɔɛ n ma.

GBOO DOMI KO A 16:18

A mu min na, an mɔɛ chɛ nu miin mbe ko bonda chɛ n ma, an mbe ee ma ka mmɔ 'a mansa Chisɔsi 'a wai an chɛ‑a. An gbɔsɔen mu dechee an faa ma koe n fan ko a. An da ɔ di, an sin mbe mɔɛ n yii a faa faa wan bai sɛsɛ a, mɔɛ miin woo koe ma gbɛ, mbɛ an‑na an bun.

Gboo Fiipai Ko A 2:21

Mɔɛ tɔɛ n gbɛɛ, an gbɔsɔen mu an faa ma koe n fan na, an ma an gbɔsɔ ni Chisɔsi Chasi ta ko a.

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.