Chisɔsi‑a a ɔ sɔn Chu mɔɛ chɛ nu, miin ni Fayisii n na, an ni an yii na chii tena, koe min ma koe a a. Mbɛ a ka‑a an kaina chɛ. A ni ta tena kɛn, fanka fanka bea‑a wan a fɛ. Mɔɛ miin gbɛɛ gbandien ni fanka chɛ tɛ ɔ, a‑a an baun fan,
Chisɔsi puin‑da a bɔ dɛndɛ chɛ ɔ, mbɛ a‑a mɔ fanka wa chɛ yen, miin‑na a sɔ ka a fɛ. Mbɛ an ma chinchinɛ‑a a bia, a‑a an gbɛɛ baun miin gbandien ni ka.
Chɛɛ a ta‑a kɛn dechee, a bun‑da koɔ‑a boo ka boo ka, a‑a a ɔ yian kan kɔ kan. Chɛ‑a a ma wan, Chisɔsi nii che to bɔ‑a ya a ma, duu kan kɔ kan dɔ, fanka fanka ma chianɛ ko a. Chɛɛ a ni gbɛ ben‑da tanda n fan dɔ, mɔ ee kaina. Chɛ gbɛɛ ɔ, mɔɛ n ni bɔ wan kan kɔ kan, an mbe na a tan.
Chɛɛ chɛ gbɛɛ ɔ, mɔ sɛsɛ na‑a an ta koe kɔɔ sɔn fan, an sin na‑a a ɔ sɔn fan, mɔɛ min nyɔn sima ni ka ta‑a. Chɛ ko a, mɔɛ n ka‑a wan duu n gbɛɛ ɔ, an ta‑a an chenɛ ma, an ya ɔ. A sin, an‑na a fo wan Chisɔsi ya ɔ, an bɛ a fɛ denɛ n na.
Chɛ ko a, Fayisii chɛ nu, an bɛ Chu n tɛ mɔɛ n na Yataa a, an 'na mansa n na, an‑na Chu kuti wa si kaina dɔndɔ. Mbɛ an dɔ, “Mmɔ ɛ fen ma tena gbɛ? Mmɔ a ɔ yen gbɛ sanche, kamin chɛ ɛ kamaya koe min gbɛɛ a tachɛ tena.
Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.
Chisɔsi ni tima min na Chuusaɛn duu ɔ, kun bɔ a ɔ bɛn chɛ tima a, mɔɛ sɛsɛ na‑a an kai fa wan a a. Koe min na mu, an na‑a a ɔ yen fan, a na‑a kamaya koe miin ma.
Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”
Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”
Banda ɔ ka‑a kɛn, mɔ fanka chɛ nu, miin na‑a to nɔ yii chɛ kaka dɔndɔɛ chɛ ma, an na‑a a ɔ sɔn fan, mbɛ dɛndɛ dɔndɔɛ an ni nɔ. An na‑a a ɔ sɔn fan to, mbɛ Chisɔsi fɛ denɛ n ni ta tena tima min na, an bɛ an nii ma ta ni a a. Chɛɛ an na‑a a to an gbaa wan.
Chisɔsi ɔ, “N mbe chɛ ma din tena wo tena, koe min na mu, wo e n yan tena. Wo‑a biidi miin daun, wo bu fa‑a gban, an fɛ mu. Chɛɛ an ma a fɔ ni, mbɛ wo‑a kamaya koe chɛ n dɔ gbɛ wan, n‑na miin ma.