CHƆN 6:14 - Yataa 'a Dɔbɛnɛ Nama

¹⁴ Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 6:14 ပူးပေါင်းရင်းမြစ်များ

MATIU 11:3

Mbɛ an ta‑a, an‑na Chisɔsi tan, an‑na a ɔ tisa, an dɔ, “Fa, kai Chɔn na‑a Chasi na koe fɔ wan, a toen mu a ni a ɔ sɔn ni i wan mu Chasi gbu a, nn kun ka mansa. Kɔ nn ni ta, nn ni a fɔ a ye, mbɛ nn ni chia a fɛn an mɔɛ chɛ ya ɔ?”

MATIU 21:11

Mbɛ mɔ fanka chɛ nu na‑a, an dɔ, “Chisɔsi an nɛ, Yataa 'a gbonka chɛ mɔɛ. A ka‑a Kadidi chɛnyɛ ɔ wan, Nasaɛti duu ɔ.”

DUKU 24:19

Mbɛ Chisɔsi ɔ, “Wuo, fen ko chɛ‑a a ɔ?” Mbɛ an dɔ, “An‑na koe miin sɛ Chisɔsi ma, min ka‑a Nasaɛti duu ɔ. Kamin chɛ, Yataa 'a gbonka chɛ mɔɛ ni a a. A na‑a kamaya ko wa miin ma, a basan bai n na, a ni miin fɔ, an na‑a a ɔ yian fan, mbɛ Yataa ni wan a kɔ. Mɔɛ n gbɛɛ danden fan ni a a, mbɛ Yataa 'a gbasaya ni wan a ɔ.

DUKU 7:16

Chiandia‑a an gbɛɛ bia wan, mbɛ an‑na Yataa tando, an dɔ, “Yataa 'a gbonka chɛ mɔ wa na‑a mmɔ tɛ ɔ. A sin Yataa na‑a a 'a mɔɛ n baun koe a.”

CHƆN 1:21

Mbɛ an‑na a ɔ tisa to, an dɔ, “Nyɔn sin mu gbɛ i a?” An dɔ, “Idaicha an bɔ‑a ka to?” A ɔ, “N fan ma, Idaicha ma n na.” Mbɛ an dɔ te to, “Mosisi na‑a Yataa 'a gbonka chɛ mɔɛ dɔndɔ na koe fɔ wan. A mu i wan na?” A ɔ, “N fan ma.”

CHƆN 11:27

Mbɛ a ɔ, “A ɛ ka wan, mansa. N danden fan mu a a, mbɛ i wan mu kunka mansa a, Yataa 'a denɛ. Yataa na‑a i wan na koe fɔ dunya chɛ ɔ.”

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 4:19

Mbɛ musu chɛ ɔ gbɛ, “Kai, n‑na a ɔ yen gbɛ, mbɛ Yataa 'a gbonka chɛ mɔɛ mu i a.

CHƆN 4:25

Mbɛ musu chɛ ɔ, “N‑na a ɔ sɔn fan, mbɛ Chasi, kunka mansa ɛ na tena wan. A sin mbe na‑a kɛn, ɛ ko ɔ ko ɔ yian‑da wan mmɔ a.”

CHƆN 4:42

Mbɛ an dɔ musu chɛ ma, an dɔ, “I da a bai dechee an mbe ee a ma tena to, nn mbe nn kai fa tena a a. Chɛɛ koe min na mu, nn fandi gbu, nn‑na a da a bai a min. A sin, nn‑na a ɔ sɔn gbɛ, mbɛ a wan gbu mu dunya chɛ baun mɔɛ a.”

CHƆN 6:2

Mbɛ mɔ fanka wa n bea‑a a fɛ, koe min na mu, an na‑a a ɔ yen fan, a na‑a a ma buɛ min dɔ gbandi mɔɛ n baun‑da.

CHƆN 6:26

Chisɔsi ɔ, “N mbe chɛ ma din tena wo tena, koe min na mu, wo e n yan tena. Wo‑a biidi miin daun, wo bu fa‑a gban, an fɛ mu. Chɛɛ an ma a fɔ ni, mbɛ wo‑a kamaya koe chɛ n dɔ gbɛ wan, n‑na miin ma.

CHƆN 6:30

Mbɛ an dɔ, “Mɔɔ ni i‑a kamaya koe ma, nn ni a ɔ yen, a ma koe a, nn ni dan i da a bai a. E fen ma‑a?

CHƆN 7:40

Mɔɛ dɔ nu, an mɔ fanka chɛ n tɛ ɔ, an‑na a da a bai chɛ n na min kɛn, mbɛ an dɔ, “Tea ko a, kamin chɛ, Yataa 'a gbonka chɛ mɔɛ an nɛ, min na koe fɔen mu.”

CHISƆSI 'A SƆ MƆƐ NU 7:37

Mosisi an‑na a fɔ Isɔɛɛ mɔɛ n ye, a ɔ, ‘Yataa ɛ a 'a gbonka chɛ mɔɛ a na‑a wan wo tena, yɔ a‑a n na na buɛ min dɔ wo tena. A sin mbe ma‑a wo 'a mɔɛ gbu an na.’