CHƆN 6:11 - Yataa 'a Dɔbɛnɛ Nama

¹¹ Mbɛ Chisɔsi‑a biidi chɛ ya, a‑a Yataa wai bɔ, mbɛ a‑a a ma, a du‑a mɔɛ chɛ n gbɛɛ ma, miin ni ka nɔ si ɔ. A‑a ko dɔndɔ gbe chɛ an ma nyɛ chɛ wɛɛ a, mbɛ a‑a a ma, a wɛɛ du‑a mɔɛ chɛ n ma. A sin, an gbɛɛ, an‑na an bu fa daunɛ chɛ wan, yɔ an toen ni min na.

CHƆN 6:11 ပူးပေါင်းရင်းမြစ်များ

MATIU 15:36

An si‑a kɛn, a‑a biidi wɔnfea chɛ ya, a basan nyɛ mɛsɛ ɛnden chɛ a, mbɛ a‑a Yataa wai bɔ daun fen chɛ ko a. Mbɛ a‑a a ɔ kai kai, biidi chɛ basan nyɛ a, mbɛ a‑a a be a fɛ denɛ n ma, mbɛ an bɛɛ‑a a du du mɔɛ chɛ n gbɛɛ tɛtɛ ma.

DUKU 24:30

Mbɛ an bɛ si‑a an na daun chɛ tena, mbɛ Chisɔsi‑a biidi ya, a‑a Yataa wai bɔ a ko a, mbɛ a‑a a tɛ kai, mbɛ a‑a a du an ma.

CHƆN 21:10

Mbɛ Chisɔsi a ɔ an ma, a ɔ, “Wo na nyɛ dɔ a, wo‑a miin bia ka sanche.”

CHƆN 21:13

Mbɛ Chisɔsi‑a a boo a ta, a‑a biidi chɛ ya, mbɛ a‑a a be an ma. A‑a chɛ an ma nyɛ chɛ wɛɛ a, min ni ta chɛ a.

CHƆN 21:9

An che‑a kɛn tindi ma, an bɔ‑a dɛndɛ chɛ ɔ, mbɛ an‑na ta a dɛndenɛ tan nɔ, nyɛ kua ɛ gbaa sa ɔ ta chɛ a. An na‑a biidi wɛɛ yen fan nɔ si ɔ.

CHƆN 6:23

Chɛɛ dɛndɛ dɔ gbɛɛ nu, an na‑a wan, a ka Tibɛyasi duu ɔ. An na‑a an kaina chɛ baima, Mansa Chisɔsi na‑a Yataa wai bɔ kaina min, mbɛ mɔ fanka wa chɛ‑a biidi chɛ daun.

CHƆN 6:9

a ɔ, “Kaienɛ yen ko nɛ, biidi gbugbu duu, ɛ min boo ɔ, a basan nyɛ gbaa fea a. Chɛɛ chɛ gbu, ɛ fen bɔ mɔ bonda chɛ n ko a?”

CHISƆSI 'A SƆ MƆƐ NU 27:35

A sin, Pɔɔ ban‑da kɛn chɛ fɔ‑a an ye, mbɛ a‑a biidi ya, a‑a tando be Yataa ma an gbɛɛ ya kɔɔ, a‑a a ɔ kai kai, mbɛ a bun‑da a daun‑da.

GBOO DOMI KO A 14:6

An mɔɛ chɛ nu, miin mbe a ma tena, mbɛ tee ɛ wan nɔ, min mu tee wa a, an mɔɛ chɛ n mbe chɛ ma tena Mansa Yataa 'a basɔmaya an ko a. Mɔɛ chɛ nu, miin daun fen tɛ bɔ ee, an bɛɛ an mbe ma ka chɛ ma‑a Mansa Yataa 'a basɔmaya an ko a. Koe min na mu, daun fenɛ kan kɔ kan, an ni ma a daun‑da, an mbe Yataa wai bɔ pɛn, a be koe a an ma. Mɔɛ chɛ n bɛɛ, miin mbe an daun fenɛ tɛ bɔ, an bɛɛ ɛ ma ka basɔmaya be‑a Mansa Yataa an ma. Koe min na mu, an mbe ma ban‑da daun fen kan kɔ kan dɔ, an mbe Yataa wai bɔ wan, a ma koe a an ni ban a ɔ.

GBOO SAA KƆYINDI KO A 10:31

Chɛ an fɛ mu, mɔ ni ma ko ɔ ko kan kɔ kan ma‑a, basɔmaya ni ma i boo ɔ Yataa ko a. A ni ma daun chɛ ko a, a ni ma fen min koe wɛɛ a.

Gboo Saa Tɛsadonika Ko A 5:18

Wo ma min chɛ‑a mɔ dɔndɔɛ a Chisɔsi Chasi a, Yataa toen mu wo ni chɛ an ma. Ko ɔ ko ni wo tan, wo ni a wai bɔ.