CHƆN 5:46 - Yataa 'a Dɔbɛnɛ Nama

⁴⁶ Ni wo na‑a dan fan gbu Mosisi a tea tea gbu a, wo ni dan‑da wan n na, a mu min na, a‑a gboo nyɛn a si n fan ma.

CHƆN 5:46 ပူးပေါင်းရင်းမြစ်များ

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 5:47

Chɛɛ ni wo ma dan ni bai chɛ a, a‑a min nyɛn, wo ee kun wo ni dan n da a bai a.”

CHISƆSI 'A SƆ MƆƐ NU 26:22

Chɛɛ a ka a tee chɛ ma, a sɔ bi ma, Yataa basan‑da wan n ma. A sin, n mbe bi nɛ sɔ ɔ, bai ɔ yian koe a wo gbɛɛ a, a ni ma mɔ chenama n na, chɛ ma, an ni ma chɛ n bɛɛ a, baa ee miin ma. N mbe ka min fɔ tena wo ye, Yataa 'a gbonka chɛ mɔɛ n bɛɛ, an‑na an ko dɔndɔ gbe chɛ an fɔ wo ye. Mosisi wɛɛ, a‑a an fɔ,

GBOO DOMI KO A 10:4

Chasi‑a a ma wan, sawa chɛ, a 'a gbasaya ee to mɔ gbu kun ma. Chɛ an‑na a fɔ, Yataa ɛ mɔ ɔ mɔ ma wan mɔ tandenɛ a a tena, i wɛn mbe i kai fa‑a a a.

Gboo Kadesia Ko A 2:19

Koe min na mu, Yataa 'a sawa ko a ni dechee, Chasi fa‑a. Chɛ‑a a ma wan, n fa‑a wan, sawa chɛ ta fɛ chia a, min mbe a ma, n ni ma Yataa ta fɔɛ ɔ. An ban‑da gbɛ n fa‑a, kɔn gbengbandenɛ ma, nn fea Chasi a.

Gboo Kadesia Ko A 3:10

Mɔɛ gbɛɛ, miin too ma sɔen mu Mosisi 'a sawa ma, an tan koe a Yataa chen kɔɔ, an mbe Yataa 'a danka an kɔɔ. Koe min na mu, Yataa 'a gboo ɔ te, a ɔ, “Yataa ɛ mɔ ɔ mɔ danka‑a wan, min mbe ee don‑da koe chɛ n gbɛɛ kɔɔ, miin mbe a 'a sawa gboo ɔ, a ni an gbɛɛ ma.”

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Kadesia Ko A 3:24

Chɛ‑a a ɔ yian fan, mbɛ Yataa‑a sawa an sa mmɔ kun ma, aan Chasi na tima a. A sin na‑a, min mbe a ma, mmɔ ni mmɔ kai fa a a, mbɛ Yataa‑a mmɔ ya mɔ tandenɛ a.