CHƆN 5:44 - Yataa 'a Dɔbɛnɛ Nama

⁴⁴ Wo bu ɔ dia‑a wan, wo e ma wo nyɔn bai‑a. Chɛɛ wo ee koe n ma, an ma buɛ n na, min mbe a ma, a wɛn mu dechee Yataa a, a ni wo bai. Mbɛ wo e che ka ma, wo ni dan n na?

CHƆN 5:44 ပူးပေါင်းရင်းမြစ်များ

MATIU 23:5

An toen mu an ni an fandi ɔ yian ko ɔ ko ɔ, an mbe min ma. An 'na ma bɛn chɛ buɛ wɛɛ, an ni a ɔ ben fan, a ɔ yian koe a, mbɛ an‑na Yataa sɔn, a ni ben an bɔ n ma.

DUKU 19:17

Mbɛ mansa chɛ ɔ, ‘En wai, en wai, wai chɛ mɔ chɛndɛ mu i a. I‑a danaya min bɔ ka fen denɛ kun ma, n mbe i ma‑a wan ya ɔ sɔɛ a, duu tan kun ma.’

CHƆN 12:43

An na‑a chɛ ma, koe min na mu, an toen ni mɔ gbu n ta tando an na, a ni ben Yataa ta ma.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 3:20

Mɔ ɔ mɔ min mbe ko yama n ma, a ma to ni man chɛ a, a sin, a e na man chɛ ɛ ma kaina min. Koe min na mu, a ma to ni, man chɛ ni a 'a ko yama n na bɔ ya a ma.

CHƆN 5:41

“Mɔ gbu 'a tando n ko a, n ma a yen ni fen kɔ fen na.

CHƆN 8:43

N‑na a ɔ sɔn fan, koe min‑na a ma, wo ee n da a bai n dɔ gbɛ. Ko dɔ gbɛɛ ma, wo ma to ni, wo ni wo too ma sɔ n da a bai n ma.

GBOO DOMI KO A 2:10

Chɛɛ mɔɛ chɛ n gbɛɛ, miin mbe ko chɛndɛ ma, Yataa ɛ a ma‑a wan, an ni a 'a dua ma sɔn, a 'a tando, a basan a 'a faachima a. Chɛ ɛ chɛ‑a wan Chu mɔɛ n ye, a ni chɛ mɔɛ chɛ n bɛɛ ye, miin ma Chu mɔɛ n na.

GBOO DOMI KO A 2:29

A ee ka, Chu mɔɛ mu a faa an na, min mbe a bu ɔ. Yataa Nyina an mbe a ma, mɔɛ ni a faa gbɛɛ be Yataa ma, chɛɛ sawa nyɛnden fan mbe ee a ma chɛ ni ma. An mɔɛ chɛ, ɛ a 'a tando sɔn‑da wan Yataa a, ni mɔ gbu ma a tando nin bɛɛ.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

GBOO FEAN BƆƐ KƆYINDI KO A 10:18

Koe min na mu, mɔɛ min mbe a wandi tando, ko gbama mu. Chɛɛ mɔɛ chɛ, Mansa Chisɔsi wandi ɛ min bai, an mu tea tando a.

Gboo Fiipai Ko A 2:3

Wo ma ko ɔ ko ma, wo wandi ta tɔnɔnɛ ko a dechee. Wo ma yonka tɛ, wo wandi ɔ koa koe a. Chɛɛ wo wo wandi ma yii, wo ni mɔ dɔ mende n ya, a ben wo wandi gbu ma.

Gboo Saa Tɛsadonika Ko A 2:6

Nn tando koe nɛnɛ, a ee nn yii ma. Nn ma wo ɔ tisa ni a ma koe a, mɔ dɔ gbɛɛ n bɛɛ a.

1 TIMOTI 1:17

Tando ni ma gbɛ Mansa Wa tɔɛ ma, basɔmaya ni be a ma kuɔ fɔ, mansa min mbe ee fa, mɔ sin mbe ee a yen. Yataa dɔndɔ gbe mu an na. A ni ma ka.

GBOO IBU MƆƐ N KO A 3:12

N suun ma nyɔɛ nu Chasi ɔ, wo wo kun ma fɛn, wo dɔndɔ wɛɛ, ko yama ma faa ma na dɛ wo ɔ. A ni a ma, wo ee dan Yataa a. Chɛ ɛ a ma‑a wan, wo ni wo kan kɔ sɔ Yataa a, min mbe ee fa.

CHIMISI 2:1

N suun ma nyɔɛ nu Chasi ɔ, wo ma to mɔɛ dɔ n na, a ni ben dɔ n ma. Ni wo‑a chɛ ma, wo ee che a fɔ‑a, mbɛ wo kai faen fan mu mmɔ 'a mansa Chisɔsi Chasi a, min mbe si ɔ a 'a basɔmaya ɔ.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.