CHƆN 5:43 - Yataa 'a Dɔbɛnɛ Nama

⁴³ N fan mu mɔɛ a, Fa‑a min na na, ma koe a a ya a wo tɛ ɔ. Chɛɛ wo ma wo boo si ni n kɔɔ. Chɛɛ mɔɛ chɛ nu, miin mbe na dechee an fandi kun ye, wo e wo boo si an fan kɔɔ.

CHƆN 5:43 ပူးပေါင်းရင်းမြစ်များ

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 24:5

Koe min na mu, mɔ sɛsɛ n mbe na‑a wan n tɔɛ ɔ. An mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

CHƆN 10:25

Mbɛ Chisɔsi ɔ, “N banden fan mu gbɛ a fɔ‑a wo ye, chɛɛ wo ma to ni wo ni dan n na. Fa 'a gbasaya ɔ, n mbe kamaya koe miin ma, an fan mbe siiya bɔ n ko a.

CHƆN 12:28

Fa, i 'a kamaya ɔ yian dunya chɛ ɔ.” Mbɛ kuiɛ a min‑da, a ka banda bu ɔ, a ɔ, “N ban‑da a ɔ yian‑da mɔɛ n na, n kamayaen mu buɛ min dɔ, a sin, n mbe na‑a wan to a ɔ yian‑da an na.”

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 5:42

Chɛɛ a ka chɛ ma, n‑na a ɔ sɔn fan, mɔɛ min nyɔn sima mu wo a. A sin gbu, n‑na a ɔ sɔn fan, mbɛ koadia kan kɔ kan, a ee wo faa n dɔ Yataa ko a.

CHƆN 6:38

A mu min na, n yii‑a dunya ɔ, Fa Yataa faa ma koe an chɛ koe a, a wan‑na n sɔ. Chɛɛ n ma na ni n fandi ta faa ma koe an fan chɛ koe a.

CHISƆSI 'A SƆ MƆƐ NU 21:38

Chɛ‑a a ɔ yian, mbɛ Ichipi mɔɛ chɛ mu i wan na, min‑na butuinɛ si nɛ tee kɔmende a. A sin to, i wan na‑a a ma mɔ wu naaninɛ nu, miin wokoya‑a Domi kɔmende a, an bea‑a i fɛ, a ta fuinɛ ɔ. A e ka wan?”