CHƆN 5:40 - Yataa 'a Dɔbɛnɛ Nama

⁴⁰ Chɛɛ chɛ gbɛɛ ɔ, wo ma to ni wo ni na n tena, min mbe a ma, wo gbu ni an fɔɛ chɛ ma sɔn.

CHƆN 5:40 ပူးပေါင်းရင်းမြစ်များ

MATIU 22:3

Bɛn chɛ tima a, mbɛ a‑a a 'a bɔi denɛ n sɔ mɔɛ chɛ n tena, a na‑a miin chee bɛn chɛ ɔ, a ɔ, an ni na. Chɛɛ an ma dɔn ni, an ni na.

MATIU 23:37

Mbɛ Chisɔsi ɔ, “Wo wan Chuusaɛn mɔɛ nu, wo‑a a tun Yataa 'a gbonka chɛ mɔɛ n fa koe a. A yɛ to, Yataa ɛ a 'a sɔ mɔɛ miin na na wo tena, wo‑a a tun to an bon koe a, an ni fa. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye.

CHƆN 1:11

A ta‑a wan a waa a, chɛɛ a ta mɔɛ chɛ nu, an ma an boo a si ni a kɔɔ.

CHƆN 10:10

Kanka tana, ɛ na dechee kanka chɛ koe an na, fen fa koe a, a basan kasaa chɛ koe a. Chɛɛ n fan, n na‑a, min mbe a ma, n 'na sa n ni fɔɛ ma sɔn, kuɔ fɔ fɔɛ. An sin, an fɔɛ chɛ ɔ, an mbe n 'na dua gbɛɛ ma sɔn‑da wan.

CHƆN 3:19

Yataa ɛ a 'a kaa a tɛ ka wan mɔɛ n ma. Manɛ na‑a wan dunya chɛ ɔ, min mu tea a si Yataa ma. Chɛɛ mɔɛ n toen mu ma koe a an 'na ko yama n pimbi ɔ, an mbe e na ma man chɛ ɔ. Koe min na mu, an chɛ chɛ wai nu, an ma nyin.

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHƆN 5:41

“Mɔ gbu 'a tando n ko a, n ma a yen ni fen kɔ fen na.

CHƆN 5:44

Wo bu ɔ dia‑a wan, wo e ma wo nyɔn bai‑a. Chɛɛ wo ee koe n ma, an ma buɛ n na, min mbe a ma, a wɛn mu dechee Yataa a, a ni wo bai. Mbɛ wo e che ka ma, wo ni dan n na?

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.