CHƆN 5:39 - Yataa 'a Dɔbɛnɛ Nama

³⁹ Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHƆN 5:39 ပူးပေါင်းရင်းမြစ်များ

MATIU 22:29

Mbɛ Chisɔsi ɔ, “Wo saman‑da kaka a fɔ koe a, mbɛ ni mɔɛ fa‑a, a ee a kɔɔ sɔ to a ka saya ɔ. Chɛɛ koe min‑na a ma wo saman‑da, wo ma Yataa 'a gboo ɔ gbɛ ni, mbɛ a yɛ to, wo ma ko ɔ ko ɔ sɔn a si Yataa 'a gbasaya ma.

MAKI 10:3

Mbɛ Chisɔsi ɔ, “Sawa minan mbe Yataa 'a gboo ɔ, Mosisi na‑a min fɔ wo ye, a ma koe a?”

MAKI 12:10

Ɛ wan n yii ma, mbɛ wo‑a a kan fan Yataa 'a gboo ɔ, a kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.

DUKU 16:29

“Mbɛ Ebeami ɔ, ‘Mosisi‑a gboo min nyɛn, ɛ wan i dɔɛ n boo ɔ, a basan gboo chɛ n na, Yataa 'a gbonka chɛ mɔɛ tɔɛ n‑na miin nyɛn. I dɔɛ n ni an kan. Ni an‑na an kan, an ni an too ma sɔ bai chɛ n ma, miin mbe an dɔ.’

DUKU 16:31

Chɛɛ Ebeami ɔ, ‘Ni an mbe ee che an too ma sɔ‑a bai chɛ n ma gboo chɛ n dɔ, an mbe ee na‑a che‑a an ni dan a a, ni mɔɛ wɛɛ‑a a kɔɔ sɔ a ka saya ɔ.’ ”

DUKU 24:25

Mbɛ Chisɔsi ɔ, “Wo wooen ba mu. Fen mu, wo ee fua dan‑da koe chɛ n na, Yataa 'a gbonka chɛ mɔɛ chɛ n‑na miin fɔ wo ye?

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 5:32

Chɛɛ siiya ɛ bai sa tena wan, a si n bakoe ma. N sin‑na a ɔ sɔn fan, mbɛ a 'a siiya a si n ma, tea mu a a.

CHƆN 5:36

Chɛɛ siiya ɛ wan nɔ n ko a, n faen mu min na, a ben Chɔn ta siiya ma. N mbe koe miin ma, chɛ chɛ wai chɛ nu, Fa Yataa‑a n sɔ miin chɛ koe a, an fan mbe koɔ n ko a. N mbe an chɛ buɛ min dɔ, an fan mbe a ɔ yian, mbɛ Fa an‑na n sɔ.

CHƆN 5:40

Chɛɛ chɛ gbɛɛ ɔ, wo ma to ni wo ni na n tena, min mbe a ma, wo gbu ni an fɔɛ chɛ ma sɔn.

CHƆN 5:46

Ni wo na‑a dan fan gbu Mosisi a tea tea gbu a, wo ni dan‑da wan n na, a mu min na, a‑a gboo nyɛn a si n fan ma.

CHƆN 7:52

Mbɛ a bɔɛ chɛ n dɔ, “Aa, i wɛɛ ka‑a Kadidi wan? Yataa 'a gboo ɔ fɛn bɛ kan kɔ kan, e ee yiima chɛ yen‑da a ɔ. Yiima chɛ, mbɛ Yataa 'a gbonka chɛ mɔ dɔndɔ wɛɛ ɛ ka‑a wan Kadidi chɛnyɛ ɔ.” [

CHISƆSI 'A SƆ MƆƐ NU 13:27

Chɛɛ mɔɛ miin mbe Chuusaɛn duu ɔ, an bɛ an ya ɔ sɔɛ n na, an nii ma a wakoe ɔ gbɛ ni. An nii ma Yataa 'a gbonka chɛ mɔɛ chɛ n 'na bai n nan fan bɛɛ ɔ gbɛ ni, an ni min kan Chu n 'na samun chɛ chenɛ a, suin tee kan kɔ kan ma. Chɛɛ an‑na kaa a tɛ wan, a wakoe ma, a ni fa, Yataa 'a gbonka chɛ mɔɛ chɛ n da a kuiɛ bɔ koe a a.

CHISƆSI 'A SƆ MƆƐ NU 17:11

Mɔɛ miin ni Bɛyia, an ta mɔya kɔ ni gbɛ, a ben chɛ n ma, miin ni Tɛsadonika. Koe min na mu, a ma bɛndenɛ ni, an too ma sɔ koe a Yataa 'a bai ma. Pɔɔ ni ma koɔ‑a tee ɔ tee a, an ni Yataa 'a gboo ma mɛn fan, a ɔ sɔn koe a, ni tea mu.

CHISƆSI 'A SƆ MƆƐ NU 26:27

Mansa Akipa, i danden fan mu Yataa 'a gbonka chɛ mɔɛ n na, ae? N‑na a ɔ sɔn fan, mbɛ i danden fan mu an na.”

GBOO DOMI KO A 1:2

A 'a sakana bai chɛ, a na‑a a ma wan suun tima a gbɔɔ, a 'a gbonka chɛ mɔɛ n‑na tooɔdia chɛ a a. A sin nyɛnden fan mu a 'a gboo ɔ.

GBOO DOMI KO A 3:2

Ma koe a Chu mɔɛ a, tɔnɔnɛ gbu an kɔkoo a ɔ chia sɛsɛ a. A saa mu min na, an nɛ, Yataa na‑a a 'a sakana bai gbɛɛ fɔ an fan ye.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

GBOO IBU MƆƐ N KO A 11:16

Chɛɛ an ni min ma gbɛ, an ni an yii na chii gbɛ chɛnyɛ an na, min nyin a ben a ma, banda bu ɔ. Chɛ ko a, mauma ko nii ma Yataa tena, ni an‑na a chee an 'na Yataa a. Koe min na mu, a na‑a duu wa ɔ bɛn fan an ko a.

GBOO IBU MƆƐ N KO A 11:35

Musu chɛ n bɛɛ, an na‑a an kai fa wan Yataa a, min na‑a a ma, an‑na an boo si to an suun ma nyɔɛ n kɔɔ. An suun ma nyɔɛ chɛ nu, miin na‑a fa, chɛɛ an kɔɔ sɔ‑a to saya ɔ, a yɛ fɔɛ ɔ. Mɔɛ dɔ n sin, an nii ma dɔn ni an kan kɔ sɔ koe a Yataa a. Chɛ ko a, an fa‑a tɔɔya kɔɔ wan, min mbe a ma, an ni an kɔɔ sɔ, a ka saya ɔ, fɔɛ chɛndɛ ma sɔn koe a.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.