CHƆN 5:37 - Yataa 'a Dɔbɛnɛ Nama

³⁷ A yɛ to, Fa min‑na n sɔ, a wɛɛ‑a tea ɔ yian fan mɔɛ n na, a si n ma. Chɛɛ wo ma a kuiɛ a min nin bɛ, tee dɔndɔ wɛɛ ko a, wo ma a yen nin bɛ wo ya a.

CHƆN 5:37 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MAKI 1:11

Mbɛ kuiɛ a min‑da gbankon, a ka banda bu ɔ. A ɔ, “I mu n 'na denɛ an na, min ko a di n ye kaka. N faa chimaen mu i ko a.”

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

DUKU 3:22

Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 14:9

Chɛɛ Chisɔsi ɔ, “Fiipi, mmɔ mɛ buɛ chɛ mmɔ bɛ, a ni nyan fan wo gbɛɛ ni n sɔn gbɛ. Mɔ ɔ mɔ min‑na n yen, a‑a Fa an yen ka. E ee kun to, i ni n dɔ tisa, n ni Fa yian wo a. Chɛ ɛ ma wan?

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 5:32

Chɛɛ siiya ɛ bai sa tena wan, a si n bakoe ma. N sin‑na a ɔ sɔn fan, mbɛ a 'a siiya a si n ma, tea mu a a.

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 8:18

N mu siiya, n fandi ko a. Fa wɛɛ, min‑na n sɔ, a wɛɛ ɛ siiya bɔ tena wan, a si n ma.”

1 TIMOTI 1:17

Tando ni ma gbɛ Mansa Wa tɔɛ ma, basɔmaya ni be a ma kuɔ fɔ, mansa min mbe ee fa, mɔ sin mbe ee a yen. Yataa dɔndɔ gbe mu an na. A ni ma ka.

1 TIMOTI 6:16

A dɔndɔ gbe an mbe ee fa kuɔ fɔ ko a, ɛ tun man ba an dɔ, mɔ ee che gbɛn‑da manɛ min ma, a sin mɔ ɔ mɔ ma a yen nin bɛ fɔɛ ɔ, mɔ sin mbe ee che a yen‑da. Basɔmaya fea kuɔ fɔ gbasaya ni ma a ma. A ni ma ka.

1 CHƆN 4:12

Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.

1 CHƆN 5:9

Ni mmɔ ɛ dan fan mɔɛ n na, ni an‑na siiya bɔ mmɔ ye, a nyin fan mmɔ ni dan Yataa a, a ben mɔ gbu ma. Yataa wandi sin fan‑na siiya bɔ, a si a 'a denɛ Chisɔsi ma.