CHƆN 5:36 - Yataa 'a Dɔbɛnɛ Nama

³⁶ Chɛɛ siiya ɛ wan nɔ n ko a, n faen mu min na, a ben Chɔn ta siiya ma. N mbe koe miin ma, chɛ chɛ wai chɛ nu, Fa Yataa‑a n sɔ miin chɛ koe a, an fan mbe koɔ n ko a. N mbe an chɛ buɛ min dɔ, an fan mbe a ɔ yian, mbɛ Fa an‑na n sɔ.

CHƆN 5:36 ပူးပေါင်းရင်းမြစ်များ

MATIU 11:4

Mbɛ Chisɔsi‑a a fɔ an ye, a ɔ, “Wo yɛ, wo ta yiima ɔ, wo ni a ɔ yian kai Chɔn na, wo‑a koe miin dɔ yen, a yɛ to, wo‑a miin na min.

DUKU 2:49

Mbɛ Chisɔsi ɔ, “Fen ko a mu, wo ni n yan tena? Wo ni kun fan, wo ni a ɔ sɔn, mbɛ n mbe ma‑a wan nɛ Fa 'a kata chɛ ɔ. Wo nii n yan.”

CHƆN 10:25

Mbɛ Chisɔsi ɔ, “N banden fan mu gbɛ a fɔ‑a wo ye, chɛɛ wo ma to ni wo ni dan n na. Fa 'a gbasaya ɔ, n mbe kamaya koe miin ma, an fan mbe siiya bɔ n ko a.

CHƆN 11:37

Chɛɛ an dɔ nu, an dɔ to, “A wan na‑a a ma fion tɔɛ chɛ‑a kaina yen. A ni a ma wan to Dasayɔsi nii fa.”

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 17:4

N ban‑da a ɔ yian‑da dunya ɔ, i kamayaen mu buɛ min dɔ. A yen ko, n‑na i 'a wai a ban, i‑a min be n ma a chɛ koe a.

CHƆN 2:23

Chisɔsi ni tima min na Chuusaɛn duu ɔ, kun bɔ a ɔ bɛn chɛ tima a, mɔɛ sɛsɛ na‑a an kai fa wan a a. Koe min na mu, an na‑a a ɔ yen fan, a na‑a kamaya koe miin ma.

CHƆN 3:17

Koe min na mu to, Yataa ma a 'a Den chɛ a na ni dunya ɔ, kaa an na tɛ koe a mɔɛ n ma, a ni an tɔɔ. Chɛɛ a‑a a a na, a ni ma an kun ka mɔɛ a.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 4:34

Mbɛ Chisɔsi ɔ, “Min 'na dɛya mu n na, ni n‑na a faa ma koe ma, n ni a 'a wai a ban, a‑a n sɔ min na, an mu n 'na daun fenɛ a.

CHƆN 5:32

Chɛɛ siiya ɛ bai sa tena wan, a si n bakoe ma. N sin‑na a ɔ sɔn fan, mbɛ a 'a siiya a si n ma, tea mu a a.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

1 CHƆN 5:9

Ni mmɔ ɛ dan fan mɔɛ n na, ni an‑na siiya bɔ mmɔ ye, a nyin fan mmɔ ni dan Yataa a, a ben mɔ gbu ma. Yataa wandi sin fan‑na siiya bɔ, a si a 'a denɛ Chisɔsi ma.