CHƆN 5:28 - Yataa 'a Dɔbɛnɛ Nama

²⁸ Bai chɛ ma wo da ɔ gbaa, n mbe na tena min fɔ‑a. Tima ɛ che‑a wan, mɔɛ miin gbɛɛ faen mu, an ni n kuiɛ a min.

CHƆN 5:28 ပူးပေါင်းရင်းမြစ်များ

CHƆN 3:7

Chɛ an‑na a fɔ, a ee che ma‑a i ma kɔndɔ fii‑a, ni n‑na a fɔ, n dɔ, mɔɔ ni wo suun‑da to a nama a.

CHƆN 4:21

Mbɛ Chisɔsi ɔ, “Bɔɔɛ, dan n da a kuiɛ a. Tima ɛ na tena wan che‑a, tima min na, mɔɛ n mbe ee Fa Yataa fai‑a kɔnkɔɛ chɛ ma, an mbe ee a fai‑a Chuusaɛn duu wɛɛ ɔ.

CHƆN 4:23

Chɛɛ tima ɛ che‑a wan, a sin gbu che‑a gbɛ, tima min na, mɔɛ miin mbe Fa Yataa fai, a Nyina ni gbasaya be an ma a fai koe a. A Nyina chɛ, ɛ tea ɔ yian‑da wan to an na a si a wan Fa Yataa wandi ma. An mɔɛ chɛ n fan mbe Yataa fai tea chia a, a sin mbe an fan yan tena a fai koe a.

CHƆN 5:20

Chɛ ɛ ma wan, koe min na mu, n ko a di Fa ye. A sin, ɛ koe miin gbɛɛ ma, ɛ an dɔ yian fan n na. A sin mbe kamaya koe n dɔ yian‑da wan n na, miin benden mu chɛ ma kaka, miin mbe wo gbɛɛ da n dɔ gbaa a.

CHƆN 5:25

Ka n mbe chɛ ma din wo tena, mbɛ tima ɛ che tena wan, a gbu sin che‑a, tima min na, mɔ faenɛ n mbe n kuiɛ a min‑da, n fan, Yataa 'a denɛ. An fɛn sin mbe an too ma sɔ‑a a ma, an mbe kuɔ fɔ fɔɛ ma sɔn‑da wan.

CHISƆSI 'A SƆ MƆƐ NU 24:15

Yiinatɛ dɔndɔ gbe chɛ, an mbe n dɔ, nn bɛ an na, a si Yataa ɛ min ma‑a. Mbɛ mɔ gbu kan kɔ kan, min tanden mu, ni min ma tan ni, ni a fa‑a, Yataa ɛ an mɔɛ chɛ kɔɔ sɔ wan to, a ka saya ɔ.

CHISƆSI 'A SƆ MƆƐ NU 3:12

Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.

GBOO SAA KƆYINDI KO A 15:22

Adami‑a a ma buɛ min dɔ saya‑a mmɔ gbɛɛ fa, Chasi wɛɛ, ɛ a ma‑a ka wan, mmɔ gbɛɛ ni yɛ fɔɛ ɔ, mmɔ bɛ mu ka buɛ min dɔ mɔ dɔndɔɛ a a a.

Gboo Fiipai Ko A 3:21

Mmɔ gboo chɛ, baa a tenden mbe ee ka min ma, a wan mbe a mun‑da. A sin, ɛ a ma‑a wan, yɔ a ta gboo, min kamayaen mu. A 'a gbasaya min mbe a ɔ, min mbe a ma, fen kɔ fen mbe don a kɔɔ, ɛ an na tachɛ a a.

KO Ɔ NUNDENƐ 20:12

Mbɛ mansa sea chɛ ya kɔɔ to, n‑na mɔɛ n yen fan sɔ ɔ, yɔn tɔɛ n bɛ nyan tɔɛ n na, miin na‑a fa tee. Gboo n bɛɛ da a kaen fan ni, mɔ gbu gbɛɛ dunya ma, an chɛ chɛ wai nu, an nyɛn‑da gboo miin dɔ. Mbɛ gboo dɔ mende wɛɛ da a kaen fan ni, mɔɛ n tɔɛ ni gboo min dɔ, mɔɛ nu, miin mbe ma‑a fɔɛ ɔ kuɔ fɔ ko a Yataa chen kɔɔ. Mɔɛ chɛ n gbɛɛ, miin na‑a fa, kaa a tɛ‑a wan an bakoe ma. Dɔndɔ dɔndɔɛ a, mɔ ɔ mɔ na‑a min ma dunya chɛ ɔ, a nyɛndenɛ ɛ gboo chɛ ɔ, kaa a tɛ‑a an ma.