CHƆN 5:27 - Yataa 'a Dɔbɛnɛ Nama

²⁷ A sin‑na n si ka wan to a gbasaya chɛ ɔ, kaa a tɛ koe a. Koe min na mu a‑a chɛ ma, n fan mu Mɔ Gbu 'a Denɛ a.

CHƆN 5:27 ပူးပေါင်းရင်းမြစ်များ

MATIU 9:6

N mbe a ɔ yian‑da wan gbɛ wo a, mbɛ gbasaya ɛ wan n fan, Mɔ Gbu 'a Denɛ, n boo ɔ dunya chɛ ɔ, n boo bɔ koe a ko yama ɔ.” Mbɛ a‑a a fɔ namaa chɛ ma, a ɔ, “N mbe a fɔ tena gbɛ i ye, mbɛ i ni i kɔɔ sɔ, i ni i 'a yaa ya, i ni ta i waa a.”

CHƆN 5:22

A yɛ to, Fa wandi sin, a ee kaa a tɛ mɔ ɔ mɔ wakoe ma. Chɛɛ a‑a a nɛnɛ gbasaya gbɛɛ be n fan ma.

CHƆN 9:39

Mbɛ Chisɔsi ɔ, “N na‑a dunya chɛ ɔ, n ni mɔɛ n 'na ko yama n na bɔ ya a ma. Min mbe a ma, mɔɛ miin fiondenɛ ɛ, an ya ni kaina yen. Miin sin, an ya ɛ kaina yen, an ni ma fion tɔɛ n na.”

CHISƆSI 'A SƆ MƆƐ NU 10:42

A sin‑na a fɔ wan nn ye, a ɔ, nn ni Yataa bai sa mɔɛ n tena. Mbɛ nn‑na siiya bɔ, a si a wakoe ma. A ɔ yian koe a, mbɛ Yataa‑a a wan Chisɔsi an yian, kaa a tɛ koe a, chɛndɛ ba n ko a, an bɛ fuɛ n na.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

GBOO SAA KƆYINDI KO A 15:25

Koe min na mu, ɛ ma‑a wan mansaya ɔ, aan Yataa ni kun chɛɛ ma nyɔɛ chɛ n gbɛɛ ma, mbɛ a‑a an si Chasi chen kɔɔ.

GBOO IBU MƆƐ N KO A 1:2

Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.