CHƆN 5:16 - Yataa 'a Dɔbɛnɛ Nama

¹⁶ Chu mɔɛ chɛ nu, an ya ɔ sɔɛ chɛ n‑na chɛɛ ma nyɔncha bun fan Chisɔsi ma, kamin chɛ 'a baun koe a, an 'na suin tee chɛ ma.

CHƆN 5:16 ပူးပေါင်းရင်းမြစ်များ

MATIU 12:13

Mbɛ a‑a a fɔ kamin chɛ ma, a ɔ, “I boo ɔ tan.” Mbɛ kamin chɛ‑a a boo ɔ tan. Mbɛ a ma‑a yɔ a boo dɔndɔɛ, a baun‑da fion.

MAKI 3:6

Mbɛ Fayisii chɛ n bɔ‑a baa ma. Mbɛ an bɛ mɔɛ chɛ n na, miin ni Mansa Ɛdɔdi 'a mɔɛ n na, an bun‑da an kun puin‑da kaina dɔndɔɛ, an mbe ma buɛ min dɔ, an ni Chisɔsi fa.

DUKU 6:11

Mbɛ sawa kan mɔɛ chɛ n faa tɛ‑a a ɔ benden ba a, an bɛ Fayisii chɛ n na. Mbɛ an bun‑da a tɛnsɛ‑a an nyɔn tɛ ɔ, ni an mbe fen ma Chisɔsi a.

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 10:39

A tima chɛ a to, Chu mɔɛ chɛ nu, an toen ni to, an ni Chisɔsi bia fɔin. Chɛɛ a bɔ‑a wan an boo ɔ yɛdɛn.

CHƆN 15:20

N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHƆN 5:10

Chɛ‑a a ma wan, Chu mɔɛ n ya ɔ sɔɛ nu, an‑na a fɔ kamin chɛ ye, an dɔ, “Suin tee mu bi a, a sin, mmɔ 'a sawa ma dɔn ni a ma, i ni ma ka ben ben‑da i 'a waa a.”

CHƆN 5:13

Chɛɛ kaminɛ chɛ min na‑a baun ka, a nii ma a ɔ sɔn, mɔɛ min na‑a a ma a baun‑da. Koe min na mu, fanka min ni nɔ a da a ni koo. Chɛ na‑a a ma wan Chisɔsi chen gba ɔ chɛ‑a an mɔɛ n tɛ ɔ.

CHƆN 5:15

Mbɛ kamin chɛ ka‑a nɔ, a ta‑a, mbɛ a‑a Chu mɔɛ n ya ɔ sɔɛ chɛ n tan. A‑a a ɔ yian an na, mbɛ Chisɔsi an na‑a a baun gbandi chɛ ɔ.

CHƆN 5:17

Mbɛ Chisɔsi ɔ, “Fa Yataa ɛ basan fan mɔɛ n ma, tima ɔ tima ko a. N bɛɛ, a nyin n ni a ma ka.”

CHƆN 5:18

A 'a bai chɛ, a gbu‑a a ma gbɛ, Chu n ya ɔ sɔɛ chɛ n‑na an faa a kɔɔ gbɛ chɛndɛ chɛ, a fa koe a. An ma yiinachii chɛ chɛ ni, an 'na sawa chɛ dechee an yɔn koe ko a. Chɛɛ a‑a a fɔɛ min chɛ ka, mbɛ a fa an nɛ Yataa a. Mbɛ a chia chɛ a, a‑a a wandi ya wan ka, mbɛ an fea Yataa a, an na kanden fan mu.

CHƆN 7:21

Chisɔsi ɔ, “N‑na tee dɔndɔ 'a kamaya koe an ma wɛ ka, a sin‑na wo gbɛɛ da ɔ gbaa wan.

CHƆN 7:25

Mbɛ an mɔɛ chɛ dɔ nu, Chuusaɛn duu ɔ mɔɛ chɛ nu, an bun‑da wan a fɔ‑a, an dɔ, “Mɔna chɛ chɛndɛ chɛndɛ an nɛ, mmɔ ya ɔ sɔɛ chɛ n mbe min yan tena, a fa koe a.